കേരളത്തിന് കയാക്കിംഗില് മൂന്ന് സ്വര്ണം
ലുധിയാന: ദേശീയ ഗെയിംസില് കയിക്കിംഗില് കേരളത്തിന്റെ വനിതകള് മൂന്ന് സ്വര്ണം നേടി. കെ1, കെ2, കെ4 ഇനങ്ങളിലാണ് നവംബര് 29 വ്യാഴാാഴ്ച പെണ്കുട്ടികള് ഒന്നാമതായി തുഴഞ്ഞെത്തിയത്. മിനിമോള് ട്രിപ്പിള് നേടി.
കയാക്കിംഗ് കെ1ല് വ്യക്തിഗത ഇനത്തില് സ്വര്ണം നേടിയ മിനിമോള് കെ2വില് കെ.എന്.ബിന്ദുവിനോടൊത്ത് സ്വര്ണം നേടി. കെ4ല് മിനിമോള്, ജസിമോള്, കെ. എന്. ബിന്ദു, സ്മിത അസീസ് എന്നിവര് ചേര്ന്നുള്ള സഖ്യവും സ്വര്ണം കൊയ്തു.
പുരുഷവിഭാഗത്തില് 500 മീറ്റര് സി രണ്ടില് വി. കെ. വിനുവും ഷെറി ജോണും ചേര്ന്ന് കേരളത്തിന് വേണ്ടി വെങ്കലം നേടി.
മെഡല്നിലയില് കേരളം ഇപ്പോഴും ആറാം സ്ഥാനത്ത് തന്നെ തുടരുകയാണ്. 51 സ്വര്ണമടക്കം മൊത്തം 149 മെഡല് നേടിയ പഞ്ചാബ് ഒന്നാം സ്ഥാനത്തുതന്നെ. മണിപ്പൂര്, ദില്ലി, ഹരിയാന എന്നീ സംസ്ഥാനങ്ങളാണ് മൂന്ന്. നാല്, അഞ്ച് സ്ഥാനങ്ങളില്.