ഇംഗ്ലണ്ട് 6 ന് 255

ബാംഗ്ലൂര്‍ : മൂന്നാം ടെസ്റിലെ ആദ്യ ദിനത്തില്‍ ഇംഗ്ലണ്ടിന് മോശപ്പെട്ട തുടക്കം. കളിയവസാനിക്കുമ്പോള്‍ അവര്‍ 86 ഓവറില്‍ ആറു വിക്കറ്റ് നഷ്ടത്തില്‍ 255 റണ്‍സെടുത്തു. 30 റണ്ണോടെ വൈറ്റും 14 റണ്ണോടെ ഫോസ്ററും ക്രീസിലുണ്ട്.

കുംബ്ലെ മുന്നൂറു തികച്ചില്ല
ഇന്ത്യയും അനില്‍ കുംബ്ലെയും കാത്തിരുന്ന നേട്ടവും ചിന്നസ്വാമിസ്റേഡിയത്തില്‍ യാഥാര്‍ത്ഥ്യമായില്ല. 22 ഓവര്‍ പന്തെറിഞ്ഞ കുംബ്ലെയ്ക്ക് വിക്കറ്റൊന്നും കിട്ടിയില്ല. ശ്രീനാഥും ശരണ്‍ദീപ് സിംഗും രണ്ടു വിക്കറ്റു വീതം വീഴ്തി.

രാവിലെ ടോസ് നേടി ബാറ്റിംഗ് തിരഞ്ഞെടുത്ത ഇംഗ്ലണ്ടിന് തുടക്കം തന്നെ പിഴച്ചു. എട്ടു റണ്ണെടുത്ത ബാറ്റ്സ്മാന്‍ ട്രെസ്ക്കോത്തിക്കിനെ ശ്രീനാഥ് ലക്ഷ്മണിന്റെ കൈകളിലെത്തിച്ചു. 27 റണ്‍സെടുത്ത ബുച്ചറെ ദ്രാവിഡ് റണ്ണൗട്ടാക്കിയപ്പോള്‍ സന്ദര്‍ശകര്‍ രണ്ടിന് 68 എന്ന നിലയിലായി. അഞ്ചു ഫോറും ഒരുസിക്സുമടിച്ച് നന്നായി തുടങ്ങിയ ക്യാപ്റ്റന്‍ നാസര്‍ ഹുസൈന്‍ ശ്രീനാഥിന്റെ പന്തില്‍ വിക്കറ്റ് കീപ്പര്‍ക്ക് പിടി കൊടുത്തതോടെ സ്കോര്‍ മൂന്നിന് 93.

വോഗനും രാംപ്രകാശും ചേര്‍ന്ന നാലാം വിക്കറ്റ് സഖ്യമാണ് വന്‍തകര്‍ച്ചയില്‍ നിന്നും ഇംഗ്ലണ്ടി നെ കരകയറ്റിയത്. വോഗന്‍ 64ഉം രാംപ്രകാശ് 58 ഉം റണ്‍സ് നേടി. വോഗന്‍ പുറത്തായ രീതി ക്രിക്കറ്റിന്റെ ജനയിതാക്കളായ ഇംഗ്ലണ്ടുകാര്‍ക്ക് എന്നും നാണക്കേടായിരിക്കും. താഴെ വീണ പന്തിനെ കൈകൊണ്ടെടുത്തതിനാണ് വോഗന്‍ പുറത്തായത് . മുമ്പ് ഇന്ത്യയുടെ മോഹീന്ദര്‍ അമര്‍നാഥും ഇതേ രീതിയില്‍ പുറത്തായിട്ടുണ്ട്.