Click it and Unblock the Notifications
Just In
Don't Miss
-
ബാച്ചിലര് സ്പെഷ്യല് ചിക്കന് ഫ്രൈ: ക്വിക്ക് ആന്റ് ഈസി റെസിപ്പി -
IPL 2024: പാണ്ഡ്യ എങ്ങനെ ക്യാപ്റ്റനായെന്ന് നമ്മള് മറക്കില്ല, അവന്റെ കുഞ്ഞിനോടും പറയും; ആരാധകര്ക്കെതിരെ അക്രം -
ഇത് സത്യമോ?, ദിലീപ് ബിഗ് ബോസ് ഹൗസിലേക്ക് എത്തുന്നു, ലാലിന് പുറമെ മറ്റൊരു താരം ഹൗസിലെത്തുന്നത് ആദ്യം! -
ബിഎസ്എൻഎൽ 4ജി മരിച്ചിട്ടില്ല! 15000 കോടിയുടെ കരാർ: ടിസിഎസ് 4 ഡാറ്റ സെന്ററുകൾ സ്ഥാപിക്കും -
'സീറോ ടു ഹീറോ'... ടാറ്റയെ പ്രശംസിച്ച് ക്രാഷ് ടെസ്റ്റിംഗ് ഏജന്സി! മാരുതി കണ്ട് പഠിക്കട്ടെ -
മൾട്ടിബാഗർ റെയിൽവേ ഓഹരികൾ, ഇപ്പോൾ വാങ്ങിയാൽ 30% നേട്ടമുണ്ടാക്കാം, കൂടെക്കൂട്ടുന്നോ -
മഞ്ഞുപെയ്യും മുന്നേ കാശ്മീരിലേക്ക് ട്രെയിൻ യാത്ര, 12 ദിവസ പാക്കേജ്, ഇതാണ് പറ്റിയ സമയം
പാകിസ്‌താനെ ഭീകരരാഷ്ട്രമായി പ്രഖ്യാപിക്കാന്‍ അമേരിക്ക
വാഷിങ്ടണ്‍: പാകിസ്‌താനെ ഭീകരരാഷ്ട്രമായി പ്രഖ്യാപിക്കാന്‍ അമേരിക്ക ആലോചിക്കുന്നു. ഇക്കാര്യത്തില്‍ അധികാരമൊഴിയാനിരിക്കുന്ന ബുഷ്‌ ഭരണകൂടം തീരുമാനമെടുക്കില്ലെന്നും ഇക്കാര്യത്തില്‍ തീരുമാനം ഒബാമയ്‌ക്ക്‌ വിട്ടേയ്‌ക്കുമെന്നും റിപ്പോര്‍ട്ടുകള്‍ സൂചിപ്പിക്കുന്നു.
ഭീകരവിരുദ്ധ പ്രവര്‍ത്തനങ്ങള്‍ക്ക്‌ ഒപ്പം നില്‍ക്കുന്ന പാകിസ്താന് നല്‍കിവരുന്ന സഹായങ്ങള്‍ നിര്‍ത്തലാക്കാനും അമേരിക്ക ആലോചിക്കുന്നുണ്ടെന്നാണ്‌ റിപ്പോര്‍ട്ടുകള്‍ നല്‍കുന്ന സൂചന. പാകിസ്‌താനെ ഭീകരരാഷ്ട്രിമായി പ്രഖ്യാപിക്കുന്ന കാര്യം അമേരിക്ക മുമ്പും പരിഗണിച്ചിരുന്നു.
ഇത്തരത്തിലൊരും നടപടി അമേരിക്ക സ്വീകരിച്ചാല്‍ മുംബൈ ഭീകരാക്രമണത്തിന്റെ പശ്ചാത്തലത്തില്‍ ഇന്ത്യയ്‌ക്ക്‌ അനുകൂലമായൊരു തീരുമാനമെടുക്കാന്‍ പാകിസ്താന് നിര്‍ബ്ബന്ധിതമാകുമെന്നാണ്‌ രാഷ്‌‌ട്രീയ നിരീക്ഷകര്‍ കരുതുന്നത്‌. മുംബൈ ആക്രമണത്തിന്‌ പിന്നില്‍ പാക്‌ മണ്ണില്‍ നിന്നുള്ള തീവ്രവാദികളാണെന്ന കാര്യം പാകിസ്താന് സമ്മതിച്ചതായി അമേരിക്കന്‍ അധികൃതര്‍ കഴിഞ്ഞ ദിവസം വ്യക്തമാക്കിയിരുന്നു.
പാക്‌ സൈന്യത്തില്‍ അമേരിക്കയ്‌ക്കുള്ള വിശ്വാസ്യത നേരത്തേതന്നെ നഷ്ടപ്പെട്ടിരുന്നു. ഇതേത്തുടര്‍ന്നാണ്‌ പട്ടാളമേധാവിയായിരുന്ന ജനറല്‍ പര്‍വേസ്‌ മുഷറഫിന്‌ നല്‍കിയ പിന്തുണ യുഎസ്‌ പന്‍വലിച്ചത്‌. തീവ്രവാദവിരുദ്ധ പ്രവര്‍ത്തനങ്ങള്‍ക്ക്‌ അമേരിക്കയ്‌ക്കൊപ്പം നില്‍ക്കുമെന്ന്‌ പറയുമ്പോഴും നാറ്റോ സേനയെ ആക്രമിക്കുന്നതിന്‌ താലിബാന്‌ പാകിസ്താന് സഹായം നല്‍കുന്നുണ്ടായിരുന്നു.
പാക്‌ സൈന്യവും, ഐഎസ്‌ഐയും തീവ്രവാദികള്‍ക്ക്‌ അനുകൂലമായ നിലപാടാണ്‌ സ്വീകരിക്കുന്നതെന്ന വിലയിരുത്തലാണ്‌ പാകിസ്‌താനെ ഭീകരരാഷ്ട്രമായി പ്രഖ്യാപിക്കാന്‍ അമേരിക്കയെ പ്രേരിപ്പിക്കുന്നത്‌.
പാകിസ്താന് തീവ്രവാദം പ്രോത്സാഹിപ്പിക്കുന്നുവെന്ന്‌ ആരോപണമുയര്‍ന്നത്‌ 1992ലാണ്‌. അന്നത്തെ അമേരിക്കന്‍ വിദേശകാര്യ സെക്രട്ടറി ജെയിംസ്‌ ബേക്കര്‍ ആണ്‌ ഈ ആരോപണം ഉന്നയിച്ചിരുന്നത്‌.
തീവ്രവാദ വിരുദ്ധ പ്രവര്‍ത്തനങ്ങളില്‍ പാകിസ്‌താന്റെ സഹകരണം സംബന്ധിച്ച്‌ യുഎസ്‌ രഹസ്യാന്വേഷണ ഏജന്‍സികള്‍ അന്വേഷണം നടത്തിവരുകയാണ്‌. ജിഹാദി പ്രവര്‍ത്തനങ്ങള്‍ക്ക്‌ ഐഎസ്‌ഐ നല്‍കുന്ന സഹായങ്ങളും പരിശോധിക്കുന്നുണ്ട്‌.
