വിമാനദുരന്തം മരിച്ചവരില്‍ 50ഓളം മലയാളികള്‍

മംഗലാപുരം:

കേരളത്തെ ദുഖത്തിലാഴ്ത്തുന്നു. വിമാനപകടത്തില്‍ മരിച്ച

അമ്പതോളം പേര്‍ മലയാളികളാണെന്ന വാര്‍ത്ത സംസ്ഥാനം ഞെട്ടലോടെയാണ് സ്വീകരിച്ചത്.

ഇവരിലേറെയും കാസര്‍കോട്, കണ്ണൂര്‍ സ്വദേശികളാണ് . കേരളത്തിന് കനത്ത ആഘാതമാണ് ഈ ദുരന്തത്തിലൂടെ നേരിട്ടിരിയ്ക്കുന്നത്.

160 യാത്രക്കാരും ആറ് ജോലിക്കാരുമാണ് വിമാനത്തിലുണ്ടായിരുന്നത്. മരിച്ചവരില്‍ 104 പേര്‍ പുരുഷന്മാരും 32 പേര്‍ സ്ത്രീകളും 19 പേര്‍ കുട്ടികളും 4 പേര്‍ പിഞ്ചുകുട്ടികളുമാണ്.

അപകടത്തില്‍ നിന്ന് ഏട്ടു പേര്‍ അദ്ഭുതകരമായി രക്ഷപ്പെട്ടു.ഇതില്‍ അഞ്ച് പേര്‍ മലയാളികളാണ്. മംഗലാപുരത്ത് സ്വകാര്യ ആശുപത്രിയില്‍ പ്രവേശിപ്പിക്കപ്പെട്ട ഇവരില്‍ മൂന്നുപേരുടെ നില ഗുരുതരമാണ്. കൃഷ്ണന്‍ മൂഴിക്കുന്ന്, മായിന്‍കുട്ടി, അബ്ദുള്ള ഇസ്മയില്‍, ജി.കെ.പ്രദീപ്, മുഹമ്മദ് ഉസ്മാന്‍ എന്നീ മലയാളികളാണ് രക്ഷപ്പെട്ടത്.