ഓണം: പാര്‍ലമെന്റിന് അവധി

ദില്ലി: തിരുവോണ നാളില്‍ പാര്‍ലമെന്റിന്റെ ഇരുസഭകള്‍ക്കും അവധി പ്രഖ്യാപിച്ചു. കേരളത്തില്‍ നിന്നുള്ള ജനപ്രതിനിധികള്‍ക്ക് സ്വന്തം നാട്ടിലെത്തി ഓണമാഘോഷിയ്ക്കാന്‍ അവസരം നല്‍കുന്നതിനാണ് അവധി.

ഓണം സ്വന്തം മണ്ഡലത്തില്‍ ചെലവഴിക്കാന്‍ പൊതുഅവധി അനുവദിക്കണമെന്നാവശ്യപ്പെട്ടു ശശി തരൂര്‍ ഉള്‍പ്പടെയുള്ള എംപിമാര്‍ പാര്‍ലമെന്ററികാര്യ മന്ത്രി പവന്‍കുമാര്‍ ബന്‍സലിനും സഹമന്ത്രി നാരയണ സ്വാമിക്കും കത്തു നല്‍കിയിരുന്നു. ഈ ആവശ്യം പരിഗണിച്ചാണു തിരുവോണത്തിനു പാര്‍ലമെന്റിന് അവധി നല്‍കാന്‍ തീരുമാനിച്ചത്.