ഡിസ്കൗണ്ടുകളും സ്കീമുകളും
മറ്റൊരു രീതി ഉപഭോക്താവില് നിന്ന് പണം ഘട്ടം ഘട്ടമായി വാങ്ങുകയും അതിനുവരുന്ന അധികബാധ്യത റീട്ടെയിലര് ഏറ്റെടുക്കുകയും ചെയ്യുകയെന്നതാണ്. ലോണ് ഡിസ്കൗണ്ട്, ഇഎംഐ, പൂജ്യം ശതമാനം പലിശ തുടങ്ങിയ സ്കീമുകളില് ചില കുതന്ത്രങ്ങള് ഒളിഞ്ഞിരിപ്പുണ്ട്.
ഉദാഹരണത്തിന് 30000 രൂപ വിലയുള്ള ഒരു ഐപാഡ് നിങ്ങള് വാങ്ങുകയാണെങ്കില് അതിനുള്ള പ്രോസസിങ് ചാര്ജ്ജായി 1500 രൂപ നല്കണം. ബാക്കി തുക 5000 രൂപയുടെ ആറുതവണകളായി നല്കിയാല് മതി. ഇതേ സാധനം റെഡി ക്യാഷായി വാങ്ങുകയാണെങ്കില് 10 ശതമാനം കിഴിവ് കിട്ടുമെന്നിരിക്കട്ടെ പ്രതിമാസ അടവുകളിലൂടെ വാങ്ങുമ്പോള് നഷ്ടം 4500 രൂപയാണ്.
മറ്റൊരു രീതിയില് പറയുമ്പോള് 16.60 ശതമാനം പലിശയായി നിങ്ങള് കൊടുക്കുന്നു. ശ്രദ്ധിക്കേണ്ട കാര്യം പൂജ്യം ശതമാനം പലിശനിരക്കില് എന്നത് കമ്പനിയുടെ ഓഫറാണോ റീട്ടെയില് ഓഫറാണോ എന്നതാണ്. പണം കൊടുത്ത് സാധനം വാങ്ങുകയാണെങ്കില് എത്ര പരമാവധി കിഴിവു കിട്ടുമെന്ന് അന്വേഷിക്കുന്നതും നല്ലതാണ്.
Click it and Unblock the Notifications
Sign in with Google