നഗ്നനായി കാറോടിച്ചയാള്‍ കുടുങ്ങി

മോസ്‌കോ: മദ്യലഹരിയില്‍ നഗ്നനായി കാറോടിച്ച നാല്‍പ്പതുകാരന്‍ കുടുങ്ങി. മോള്‍ദോവ സ്വദേശിയായ ഇയാള്‍ തലസ്ഥാന നഗരിയിലൂടെ അമിത വേഗതയില്‍ കാറോടിക്കുകയായിരുന്നു. ഇയാള്‍ 17 വാഹനങ്ങള്‍ തകര്‍ത്തതായാണ് റിപ്പോര്‍ട്ട്. പലര്‍ക്കു പരിക്കേറ്റെങ്കിലും ആരുടേയും നില ഗുരുതരമല്ലെന്നാണ് പൊലീസ് പറയുന്നത്.

അപകടകരമായ രീതിയില്‍ ഒരാള്‍ വാഹനമോടിയ്ക്കുന്നത് ശ്രദ്ധയില്‍ പെട്ടതിനെ തുടര്‍ന്ന് പൊലീസ് ഇയാളെ പിന്തുടരുകയായിരുന്നു. എന്നാല്‍ ഏറെ പരിശ്രമത്തിനൊടുവിലാണ് പൊലീസിന് ഇയാളെ പിടികൂടാനായത്. പിടിയിലാകുമ്പോള്‍ ഇയാള്‍ പൂര്‍ണ്ണ നഗ്നനായിരുന്നു. തുടര്‍ന്ന് ഇയാള്‍ മദ്യപിച്ചിരുന്നതായി പൊലീസ് കണ്ടെത്തി.

അതേസമയം ഇയാളുടെ ചിത്രവും അപകടത്തില്‍ പെട്ട വാഹനങ്ങളുടെ ദൃശ്യങ്ങളും ഒരു ടെലിവിഷന്‍ ചാനല്‍ സംപ്രേക്ഷണം ചെയ്തു.

English summary

A Moscow driver smashed into 17 cars in the Russian capital Sunday on a drunken rampage while naked behind the wheel of his car, later explaining he was flying on "the wings of love", police said. A police spokesman said the man "was in a state of insobriety behind the wheel of the car, lost control" and smashed into 13 civilian cars and four police vehicles, the RIA Novosti news agency said.