കുഞ്ഞനന്തന് സിപിഎമ്മിന് തലവേദനയാകുന്നു
ടിപി വധത്തില് നടന്ന ഗൂഡാലോചനയില് പ്രധാന പങ്കുവഹിച്ചയാളാണ് കുഞ്ഞനന്തന് എന്ന് അന്വേഷണസംഘം കരുതുന്നു. കൊലയാളി സംഘത്തിലെ അംഗമായ സിജിത്തിന്റെ കൈക്ക് പരിക്കേറ്റിരുന്നു. ഇയാളെ കൂത്തുപറമ്പ് സഹകരണ ആശുപത്രിയില് എത്തിച്ചത് ഏരിയാ നേതാക്കളാണെന്ന് അന്വേഷണസംഘം കരുതുന്നുണ്ട്. പിടിയിലായ സിജിത്ത് ഇതുസംബന്ധിച്ച് വ്യക്തമായ വിവരങ്ങള് നല്കിയിട്ടുമുണ്ട്.
സിജിത് പോലിസ് പിടിയിലായതോടെയാണ് കുഞ്ഞനന്തന് ഒളിവില് പോയത്. കേരളത്തില് നിന്നു മുങ്ങിയ കുഞ്ഞനന്തന് ബാംഗ്ലൂരിലാണ് ഒളിവില് കഴിഞ്ഞതെന്ന് അന്വേഷണസംഘം കണ്ടെത്തിയിട്ടുണ്ട്. പോലിസ് കര്ണാടകം കേന്ദ്രീകരിച്ച് അന്വേ,ണം ആരംഭിച്ചപ്പോഴാണ് ഇരിട്ടി വഴി വീണ്ടും കുഞ്ഞനന്തന് കേരളത്തിലെത്തിയത്. പയ്യന്നൂരിലെ പാര്ട്ടി ഗ്രാമത്തില് ഒളിവില് കഴിയുകയാണ് കുഞ്ഞനന്തനെന്നാണ് പോലിസിന്റെ നിഗമനം. അന്വേഷണസംഘത്തിന്റെ നിരീക്ഷണ വലയ്ക്കുള്ളില് ആയതിനാല് ഏത് സമയവും ഇയാളെ അറസ്റ്റിലാവാനുള്ള സാധ്യതയുണ്ട്.
ഏരിയ കമ്മിറ്റി അംഗമായ കുഞ്ഞനന്തനെ പോലിസ് അറസ്റ്റ് ചെയ്താല് അതിനെ പ്രതിരോധിക്കാന് സിപിഎം നേതൃത്വം ഏറെ കഷ്ടപ്പെടേണ്ടതായി വരും. കുഞ്ഞനന്തന് ബാംഗ്ലൂരില് ഒളിവില് കഴിയാന് സൗകര്യമേര്പ്പെടുത്തിയ പാനൂരിലെ സിപിഎം പ്രവര്ത്തകന് പികെ കുമാരനെ ഇതിനോടകം അറസ്റ്റ് ചെയ്തു കഴിഞ്ഞു.
Click it and Unblock the Notifications
Sign in with Google