പിണറായി ശക്തനായ നേതാവ്: ഷാജികൈലാസ്

പാര്‍ട്ടിയുമായുള്ള ബന്ധം മാത്രമല്ല അതിന്റെ സാരഥ്യം വഹിയ്ക്കുന്ന പിണറായി വിജയനെക്കുറിച്ചും ഷാജി കൈലാസ് അഭിമുഖത്തില്‍ പരമാര്‍ശിയ്ക്കുന്നുണ്ട്. പിണറായി വിജയന്‍ ഞാന്‍ കണ്ട നേതാക്കളില്‍വച്ച് ഏറ്റവും ശക്തനായ നേതാവാണ്. കൈക്കൊള്ളുന്ന തീരുമാനങ്ങള്‍ എന്തുവില കൊടുത്തും നടപ്പിലാക്കാന്‍ പിണറായിയെ പോലെയുള്ള ഒരാള്‍ക്കേ സാധിക്കൂ. സിപിഐ എമ്മിനെ ഇപ്പോള്‍ ഉറച്ച കോട്ടയായി നിലനിര്‍ത്താന്‍ കഴിഞ്ഞതും പിണറായിയുടെ നേതൃപാടവം ഒന്നുകൊണ്ടുമാത്രമാണ്.

അധികാരവര്‍ഗം പാര്‍ട്ടിയെ വേട്ടയാടിക്കൊണ്ടിരിക്കുമ്പോള്‍, ഈ പ്രസ്ഥാനത്തെ ഒരു ചുക്കും ചെയ്യാന്‍ ആര്‍ക്കും കഴിയില്ലെന്നു ചങ്കൂറ്റത്തോടെ പറഞ്ഞുകൊണ്ടു സിപിഎമ്മിനെ നയിക്കാന്‍ പിണറായിക്ക് കഴിയുന്നുണ്ടെന്ന് ഷാജി കൈലാസ് പറഞ്ഞു.

ഏതു പ്രസ്ഥാനത്തിലായാലും രണ്ടു തരത്തിലുള്ളവര്‍ ഉണ്ടാകും. ഞാന്‍ തലസ്ഥാനത്തു ജീവിക്കുന്നവനാണ്. അതുകൊണ്ടു അവിടത്തെ പൊളിറ്റിക്‌സുമായി കൂടുതല്‍ ഇടപഴകാന്‍ സാധിച്ചു. ഓരോ കാരക്‌റ്റേഴ്‌സിനെയും അറിയാന്‍ കഴിഞ്ഞിട്ടുണ്ട്. അവരില്‍ സത്യസന്ധരായ നേതാക്കന്മാരേയും കപട കമ്മ്യൂണിസ്റ്റുകളായ നേതാക്കന്മാരേയും അടുത്തറിയാന്‍ കഴിഞ്ഞിട്ടുണ്ട്. അതുകൊണ്ടാണ് പല സിനിമകളിലും രാഷ്ട്രീയനേതാക്കന്മാരെ മോശക്കാരായി ചിത്രീകരിയ്‌ക്കേണ്ടി വന്നിട്ടുള്ളത്.

എല്ലാവര്‍ക്കും രാഷ്ട്രീയം വേണം. ഏതെങ്കിലും ഒരു രാഷ്ട്രീയം ഉണ്ടായിട്ടു കാര്യമില്ല. ഈ നാടിന്റെ മുഖഛായ മാറ്റിമറിച്ചത് ഇടതുപക്ഷ പ്രസ്ഥാനമാണ്. ഇടതുപക്ഷത്തെ ശക്തിപ്പെടുത്തുന്നതിന് സിപിഎമ്മിനൊപ്പം അണിചേരണം. സംവിധായകനായ കമ്യൂണിസ്റ്റുകാരന്‍ എന്ന നിലയ്ക്കാണ് ഞാനിതു പറയുന്നത്'.

അഭിമുഖത്തില്‍ തന്റെ രാഷ്ട്രീയ സിനിമകളെക്കുറിച്ചും അതിനെച്ചൊലിയുണ്ടായി വിവാദങ്ങളും ഷാജി പരാമര്‍ശിയ്ക്കുന്നുണ്ട്.
ആദ്യപേജില്‍

English summary

Director Shaji Kailas Priase CPM and its leader Pinarayi Vijayan