പിണറായി - എംവിആര് കൂടിക്കാഴ്ചയുടെ ബാക്കി?
ഏറെ വര്ഷങ്ങള്ക്ക് ശേഷമാണ് എം വി ആറും പിണറായി വിജയനും കൂടിക്കാഴ്ച നടത്തുന്നത്. പിണങ്ങിപ്പിരിഞ്ഞുപോയവരെ കൂടാരത്തിലെക്കാനുള്ള സി പി എം ശ്രമങ്ങളുടെ ഭാഗമാണോ ഈ സന്ദര്ശനം എന്ന് സംശയമുയരുന്നത് തന്നെ അതുകൊണ്ട് സ്വാഭാവികം മാത്രം. എം വി ആറിന്റെ കാര്യത്തില് മാത്രമല്ല ജെ എസ് എസ് നേതാവ് കെ ആര് ഗൗരിയമ്മയുടെ കാര്യത്തിലും പാര്ട്ടി മനോഭാവം മയപ്പെടുത്തിയാല് അതിശയിക്കാനില്ല.
1986 ല് എം വി രാഘവന് ഇടതുമുന്നണി വിട്ടതാണ്. അതിനുമുന്പ് കേരളത്തിലെ എണ്ണം പറഞ്ഞ നേതാക്കളില് ഒരാളായിരുന്നു എം വി രാഘവന്. പാര്ട്ടിക്ക് ആരും അതീതരല്ല എന്ന കടുംപിടുത്തമാണ് എം വി രാഘവനെയും കെ ആര് ഗൗരിയമ്മയെയും വലതുപാളയത്തില് എത്തിച്ചത്. എന്നാല് പല കാലങ്ങളിലായി പല കാരണങ്ങളാല് പാര്ട്ടി വിട്ടവര് തിരിച്ചുവരുന്ന കാര്യത്തില് സി പി എമ്മിന് പഴയ പരാതിയില്ല എന്നതാണ് യാഥാര്ത്ഥ്യം.
സി ഐ ടി യു ദേശീയ സമ്മേളനത്തിന്റെ ഭാഗമായിട്ടാണ് പിണറായി വിജയന് കണ്ണൂരിലെത്തിയത്. ചര്ച്ചയില് രാഷ്ട്രീയം വിഷയമായിട്ടില്ലെന്നാണ് പിണറായി വിജയന് മാധ്യമങ്ങളോട് പറഞ്ഞത്. എം വി രാഘവന്റെ ആരോഗ്യസ്ഥിതി അന്വേഷിക്കാനാണ് താനെത്തിയതെന്നും പിണറായി പറഞ്ഞു. എന്നാല് രാഷ്ട്രീയ സമവാക്യങ്ങള് തിരുത്തിയെഴുതാന് കെല്പ്പുള്ള രണ്ട് രാഷ്ട്രീയ അതികായന്മാരുടെ കൂടിക്കാഴ്ച വെറും വെറുതെയാകാന് തരമില്ലെന്നാണ് ദോഷൈക ദൃക്കുകളുടെ പക്ഷം.
Click it and Unblock the Notifications
Sign in with Google