അമ്പലപ്പുഴയില് സജീവായി ജി സുധാകരന്, 13 റോഡുകള് ഉദ്ഘാടനം ചെയ്തു, സര്ക്കാര് വികസനത്തിനൊപ്പം!!
ആലപ്പുഴ: ജനങ്ങള്ക്ക് സംരക്ഷണം ഉറപ്പാക്കുന്ന സര്ക്കാരാണ് നിലവിലുള്ളതെന്ന് പൊതുമരാമത്ത്- രജിസ്ട്രേഷന് വകുപ്പ് മന്ത്രി ജി. സുധാകരന് പറഞ്ഞു. അമ്പലപ്പുഴ മണ്ഡലത്തിലെ വിവിധ പഞ്ചായത്തുകളിലായി 13 റോഡുകളുടെ നിര്മാണോദ്ഘാടനം നിര്വഹിക്കുകയായിരുന്നു അദ്ദേഹം. അഞ്ചു വര്ഷം കൊണ്ട് ഗതാഗത സൗകര്യം, സ്കൂള്, ആശുപത്രി, കാര്ഷിക മേഖല എന്നിവ മെച്ചപ്പെട്ടു. 30 വര്ഷം വരെ കേടുവരാത്ത ബി.എം. ആന്റ് ബി.സി നിലവാരത്തിലുള്ള റോഡുകളാണ് നിര്മ്മിക്കുന്നത്. നഗര-ഗ്രാമ വ്യത്യാസമില്ലാതെയാണ് ഈ സര്ക്കാര് വികസനം നടപ്പാക്കുന്നതെന്നും മന്ത്രി പറഞ്ഞു.
പുന്നപ്ര വടക്ക് പഞ്ചായത്തില് 30 കോടി ബജറ്റ് ഫണ്ടില് ഉള്പ്പെട്ട ഒരു റോഡിന്റെയും എം.എല്.എ.യുടെ ആസ്തി വികസന ഫണ്ടില് ഉള്പ്പെടുത്തിയ നാലു റോഡുകളുടെയും നിര്മാണമാണ് ആരംഭിച്ചത്.
ബജറ്റില് ഉള്പ്പെടുത്തി 30 കോടി രൂപ ചെലവില് നിര്മിക്കുന്ന അമ്പലപ്പുഴ മണ്ഡലത്തിലെ മൂന്ന് ഗ്രാമപഞ്ചായത്തുകളിലൂടെ കടന്നുപോകുന്ന പത്ത് ഗ്രാമീണ റോഡുകളുടെ നിര്മാണോദ്ഘാടനവും മന്ത്രി നിര്വഹിച്ചു. 2.38 കോടി രൂപ ചെലവില് നൂതന സാങ്കേതിക വിദ്യ ഉപയോഗിച്ചു പുനര്നിര്മിക്കുന്ന തോട്ടപ്പള്ളി-കളര്കോട് കണക്ടിവിറ്റി റോഡിന്റെ ഭാഗമായ ഉള്ളാടന് പറമ്പ്- ശാതങ്കന് ക്ഷേത്രം റോഡ്, എം.എല്.എയുടെ ആസ്തി വികസന ഫണ്ടില് നിന്ന് 23 ലക്ഷം രൂപ മുടക്കി നിര്മിക്കുന്ന മാതൃഭൂമി- പഴയനടക്കാവ് റോഡ്, 25 ലക്ഷം രൂപ ചെലവില് നിര്മിക്കുന്ന പറവൂര്- അമൃത ജംഗ്ഷന് -കാപ്പിത്തോട് റോഡ്, 22 ലക്ഷം രൂപ ചെലവില് നിര്മിക്കുന്ന മാടപ്പറമ്പ്- അങ്കണവാടി റോഡ്, 20.05 ലക്ഷം രൂപ ചെലവില് നിര്മിക്കുന്ന ഉള്ളാടന് പറമ്പ്- തൈവേലിക്കകം റോഡ് എന്നിവയുടെ നിര്മാണോദ്ഘാടനവും നടന്നു.
റോഡ് നിര്മാണത്തിനൊപ്പം ഓടകള് ഉയര്ത്തി നിര്മിക്കും. ഓടയുടെ പൊളിഞ്ഞ ഭാഗങ്ങളുടെ പുനരുദ്ധാരണ പ്രവൃത്തി, ഓടയ്ക്ക് സ്ലാബ് എന്നിവ ഉള്പ്പെടുത്തിയാണ് റോഡ് പുനര്നിര്മ്മിക്കുന്നത്.
പുന്നപ്ര തെക്ക് പഞ്ചായത്തില് 30 കോടി ബഡ്ജറ്റ് ഫണ്ടില് ഉള്പ്പെട്ട അഞ്ചു റോഡുകളുടെയും ആസ്തി വികസന ഫണ്ടില് ഉള്പ്പെടുത്തിയ ഒരു റോഡിന്റെയും നിര്മാണമാണ് ആരംഭിച്ചത്. അറവുകാട് കുളത്തില് ജംഗ്ഷന്- കാഞ്ഞൂല് അങ്കണവാടി റോഡ്(360 ലക്ഷം രൂപ), അറവുകാട് ക്ഷേത്രം- ഗുരുസാഗര ജംഗ്ഷന് റോഡ്(40 ലക്ഷം), പരപ്പില് പുതുവല് പാലം റോഡ് (139 ലക്ഷം) , കണ്ണാട്- കളരിക്കല് റോഡ്(250 ലക്ഷം), വെമ്പാലമുക്ക്- മങ്ങാട്ട്പള്ളി റോഡ്(277 ലക്ഷം), പുന്നപ്ര കെ.എസ്.ഇ.ബി.- ചൂളപ്പറമ്പ് വളപ്പില് ജംഗ്ഷന് റോഡ് (250 ലക്ഷം) എന്നിവയുടെ നിര്മാണോദ്ഘാടനവും നടന്നു.
അമ്പലപ്പുഴ വടക്ക് പഞ്ചായത്തില് എം.എല്.എയുടെ ആസ്തി വികസന ഫണ്ടില് ഉള്പ്പെടുത്തി രണ്ട് റോഡുകളുടെ നിര്മാണത്തിനാണ് തുടക്കമായത്. 20 ലക്ഷം രൂപ ചെലവില് വളഞ്ഞവഴി റെയില്വേ ക്രോസ്സ്- കമ്പിവളപ്പ് റോഡും അഞ്ചു ലക്ഷം രൂപ ചെലവില് എച്ച്.ഐ.എല്.പി.എസ് ജംഗ്ഷന്- ആഞ്ഞിലിപ്പറമ്പ് റോഡുമാണ് നിര്മിക്കുന്നത്.
-
സ്വര്ണം ആര്ക്കും വേണ്ടേ? ആഭരണം വാങ്ങുന്നത് വിവാഹപാര്ട്ടിക്കാര് മാത്രം, കാരണമിത് -
'മോഹൻലാലിനോടൊപ്പമുള്ള ഈ കിടപ്പറ സീനിനെ കുറിച്ച് കേട്ടപാടെ നടിമാർ പലരും ഓടി രക്ഷപ്പെട്ടു,കാരണം';ആലപ്പി അഷ്റഫ് -
നടനും സംവിധായകനുമായ ഇഎ രാജേന്ദ്രൻ അന്തരിച്ചു -
ഖത്തര് വീണത് അമേരിക്കക്ക് നേട്ടമായി; ജപ്പാനും ജര്മനിയും മറ്റു വഴി തേടി, ഗള്ഫ് രാജ്യങ്ങള്ക്ക് തിരിച്ചടി -
ഇന്ത്യയ്ക്ക് വേണ്ടി ഹോർമുസ് തുറന്നു; അഞ്ച് സൗഹൃദ രാജ്യങ്ങളുടെ കപ്പലുകൾ തടയില്ലെന്ന് വ്യക്തമാക്കി ഇറാൻ -
സ്വര്ണവില കുറഞ്ഞേക്കും; സ്വര്ണത്തില് കൈവച്ച് തുര്ക്കി, വിപണിയില് ട്രെന്ഡ് മാറുന്നു എന്ന് റിപ്പോര്ട്ട് -
സമാധാനം ഇനിയും അകലെ? യുദ്ധം ഉടനെ അവസാനിക്കില്ലെന്ന് ഇറാന്: യുഎസുമായി യാതൊരു ചര്ച്ചയുമില്ല -
റഷ്യ ഇനി സ്വര്ണ കയറ്റുമതി ചെയ്യില്ല.!? പുതിയ പ്രഖ്യാപനവുമായി പുടിന്, വില കൂടാന് പോകുന്നു? -
ഇന്ന് ലോട്ടറിയെടുക്കുന്നവര്ക്ക് ഭാഗ്യം... ശുക്രദശ തലയ്ക്ക് മുകളില്; ഈ രാശിക്കാരാണോ? -
വിജയ്യെ സഭയിൽ എത്തിക്കാൻ എഐഎഡിഎംകെയുടെ കൈത്താങ്ങ്? പേരമ്പൂരിൽ കരുത്തർക്ക് സീറ്റില്ല, കാരണം? -
'സ്വര്ണം വാങ്ങലും വില്ക്കലും രണ്ടും നില്ക്കും, പൊതുജനം ആകെ അങ്കലാപ്പിൽ, ഒരു ദിവസം തന്നെ ലാഭവും നഷ്ടവും' -
ഉഗാദിക്കും ശിവരാത്രിക്കും ഞാന് മാംസം കഴിക്കാറുണ്ട്, അതിനെന്താണ് കുഴപ്പം: സിദ്ധരാമയ്യ
Click it and Unblock the Notifications
Sign in with Google