Click it and Unblock the Notifications
Just In
Don't Miss
-
ഫോൺ പൊട്ടിത്തെറിക്കുമോ എന്ന് പേടിയുണ്ടോ? പ്രഷർ കൂട്ടേണ്ട! ഇക്കാര്യങ്ങൾ ശ്രദ്ധിച്ചാൽ മതി -
ആഡംബര കാറിനായി മുടക്കിയത് 1.50 കോടി രൂപ, ചലിക്കുന്ന കൊട്ടാരം സ്വന്തമാക്കി ഹിന്ദി സിനിമയുടെ 'വിക്കി ഡോണർ' -
മേയ് സമ്പൂര്ണഫലം: ശനി വര്ഷത്തില് അതിഗംഭീര നേട്ടങ്ങള്ക്ക് തുടക്കം -
'പ്രണയത്തിൻ്റെ പേരിൽ ജാസ്മിൻ എന്നെ വിഡ്ഢിയാക്കി, ഞാൻ അനുഭവിക്കുന്നത് ഇനി അവൾ മനസിലാക്കും'; ഭാവി വരൻ അഫ്സൽ -
മുന്നേറ്റം തുടരാൻ ഗ്രീൻ സ്റ്റോക്ക്, വളർച്ച 37 ശതമാനം വരെ, ഓഹരി വാങ്ങാൻ ബ്രോക്കറേജ് നിർദ്ദേശം -
ട്രെയിനുമുണ്ട്, ടിക്കറ്റുമുണ്ട്, വോട്ട് ചെയ്യാൻ നാട്ടിൽ വരാം... മടക്ക യാത്രയ്ക്കും തീവണ്ടി -
T20 World Cup 2024: കീപ്പിങ്ങില് മിന്നിച്ച് രാഹുല്‍, പക്ഷെ സഞ്ജുവിനോളം വരുമോ? പോരാട്ടം കടുക്കുന്നു
മകന് വേണ്ടിയുള്ള 17 വര്‍ഷത്തെ കാത്തിരിപ്പ് അവസാനിപ്പിച്ചു; ആലപ്പുഴയില്‍ പിതാവ് ആത്മഹത്യ ചെയ്തു
ആലപ്പുഴ: ആലപ്പുഴയില്‍ നിന്ന് വര്‍ഷങ്ങള്‍ക്ക് മുന്‍പ് കാണാതായ രാഹുലിന്റെ അച്ഛന്‍ എ കെ രാജു ആത്മഹത്യ ചെയ്തു. ഇക്കഴിഞ്ഞ 18 നാണ് രാഹുലിനെ കാണാതായിട്ട് 17 വര്‍ഷം തികഞ്ഞത്. ഇതിന് പിന്നാലെയാണ് രാജു ആത്മഹത്യ ചെയ്തത്. ഈ സമയം രാജുവിന്റെ ഭാര്യ മിനി വീട്ടിലുണ്ടായിരുന്നില്ല. എന്നാല്‍ താന്‍ ആത്മഹത്യ ചെയ്യാന്‍ പോവുകയാണ് എന്ന് രാജു ഭാര്യ മിനിയെ ഫോണില്‍ വിളിച്ച് അറിയിച്ചതിന് ശേഷമാണ് ജീവനൊടുക്കിയത്.
മിനി ഉടന്‍ തന്നെ അയല്‍ക്കാരെ വിവരം അറിയിച്ചിരുന്നു. എന്നാല്‍ ഇവര്‍ എത്തിയപ്പോഴേക്കും രാജു തൂങ്ങി മരിക്കുകയായിരുന്നു. രാജുവിന്റെ മൃതശരീരം ആശുപത്രിയിലേക്ക് മാറ്റിയിരിക്കുകയാണ്. ആലപ്പുഴ ആശ്രമം വാര്‍ഡില്‍ രാഹുല്‍ നിവാസിലാണ് രാജു-മിനി ദമ്പതികള്‍ താമസിക്കുന്നത്. ഇവരുടെ മകനായ രാഹുലിനെ 2005 മേയ് 18 നാണ് കാണാതാകുന്നത്. കാണാതാകുമ്പോള്‍ മൂന്നാം ക്ലാസ് വിദ്യാര്‍ത്ഥിയായിരുന്നു രാഹുല്‍.
വീടിന് സമീപത്തെ മഞ്ഞിപ്പുഴ മൈതാനത്ത് ക്രിക്കറ്റ് കളിച്ചു കൊണ്ടിരിക്കുകയായിരുന്ന രാഹുലിനെ ഇവിടെ നിന്നാണ് കാണാതായത്. ആലപ്പുഴ പൊലീസും ക്രൈം ഡിറ്റാച്ച്മെന്റ് സംഘവും വര്‍ഷങ്ങളോളം അന്വേഷണം നടത്തിയിട്ടും ഒരു തുമ്പും കണ്ടെത്താനായില്ല. പിന്നീട് രാഹുലിന്റെ മുത്തച്ഛന്‍ ശിവ രാമപണിക്കരുടെ പരാതിയെ തുടര്‍ന്ന് 2009 ല്‍ എറണാകുളം സി ജെ എം കോടതി കേസ് സി ബി ഐക്ക് വിട്ടു. എന്നാല്‍ സി ബി ഐക്കും രാഹുലിനെ കണ്ടെത്താനായില്ല.
രാഹുലിനെ കാണാതാകുമ്പോള്‍ രാജു വിദേശത്തായിരുന്നു. മകനെ കാണാതായതോടെ വിദേശത്തെ ജോലി മതിയാക്കി നാട്ടില്‍ വന്നതായിരുന്നു. പിന്നീട് ശാരീരിക അസ്വാസ്ഥ്യങ്ങള്‍ നേരിട്ടിരുന്നു. ഇതിനെ തുടര്‍ന്ന് ഇദ്ദേഹം ചികിത്സയിലായിരുന്നു. രാഹുലിനെ കാണാതായ ശേഷം രാജു - മിനി ദമ്പതികള്‍ക്ക് പെണ്‍കുഞ്ഞ് പിറന്നിരുന്നു. ശിവാനി എന്ന് പേരുള്ള ഈ പെണ്‍കുട്ടി ഇപ്പോള്‍ ഒന്‍പതാം ക്ലാസിലാണ്. മിനിയ്ക്ക് കണ്‍സ്യൂമര്‍ ഫെഡിന്റെ നീതി സ്റ്റോറിലാണ് ജോലി. രാഹുലിന്റെ തിരോധാനം വരുത്തി വെച്ച വിഷമത്തിന് പുറമെ രാജുവിന്റെ മരണം കൂടി വരുത്തി വെക്കുന്ന ശൂന്യതയിലാണ് മിനിയും ശിവാനിയും.
Recommended Video
ജെന്ററല്ല, പ്രതിഭ നോക്കൂ; സ്ത്രീകളെ മാറ്റിനിര്‍ത്തി ഒന്നും ചെയ്യാനാകില്ലെന്ന് ഐശ്വര്യ റായ്
