Click it and Unblock the Notifications
Just In
Don't Miss
-
ആ വേല കൈയ്യിലിരിക്കട്ടെ! ഹെൽമെറ്റ് ഇട്ടിരുന്നില്ല എന്ന പേരിൽ നഷ്ടപരിഹാരം തള്ളാനാവില്ലെന്ന് മദ്രാസ് ഹൈക്കോടതി -
എത്ര കഠിനമായ താരനും അകറ്റും, ചൊറിച്ചിലില്ലാത്ത തല ഉറപ്പു നല്‍കും കൂട്ട് -
മൾട്ടിബാഗർ റെയിൽവേ ഓഹരികൾ, ഇപ്പോൾ വാങ്ങിയാൽ 30% നേട്ടമുണ്ടാക്കാം, കൂടെക്കൂട്ടുന്നോ -
T20 World Cup 2024: ഈ 8 പേരെ ടീമിലെടുക്കൂ, ഇന്ത്യക്കു കപ്പുറപ്പ്! അഞ്ചും റോയല്സുകാര് -
ഇങ്ങനൊക്കെ മനുഷ്യന് മാറാന് പറ്റുമോ? അന്ന് റിമി വലിയ ചേച്ചിയായിരുന്നു, മേക്കോവറിൽ ഞെട്ടിച്ച് വീണ്ടും റിമി ടോമി -
ട്രെൻഡ് ഉണ്ടാക്കാൻ ഇൻഫിനിക്സ്! പുതിയ ഫോണിന്റെ വിലയടക്കം വലിച്ച് പുറത്തിട്ട് ടിപ്സ്റ്റർമാർ -
മഞ്ഞുപെയ്യും മുന്നേ കാശ്മീരിലേക്ക് ട്രെയിൻ യാത്ര, 12 ദിവസ പാക്കേജ്, ഇതാണ് പറ്റിയ സമയം
ഹരിപ്പാട് ബ്ലോക്ക് പരിധിയിലെ പഞ്ചായത്തുകളില്‍ സൗജന്യ ഭക്ഷണമെത്തിക്കാന്‍ കമ്യൂണിറ്റി കിച്ചണുകള്‍
ആലപ്പുഴ: കോവിഡ് 19 രോഗവ്യാപനം വര്‍ദ്ധിച്ച സാഹചര്യത്തില്‍ ക്വാറന്റൈനില്‍ കഴിയുന്നവരുടെ വിശപ്പകറ്റി ജനകീയ ഹോട്ടലുകളും കമ്യൂണിറ്റി കിച്ചണുകളും. ഹരിപ്പാട് ബ്ലോക്ക് പരിധിയിലുള്ള ചെറുതന, കരുവാറ്റ ഗ്രാമപഞ്ചായത്തുകള്‍ കോവിഡ് വ്യാപനത്തെ തുടര്‍ന്ന് പൂര്‍ണ്ണമായും കണ്ടെയിന്‍മെന്റ് സോണാക്കി അടച്ചിട്ടിരിക്കുകയാണ്. ഇത് കണക്കിലെടുത്ത് ചെറുതന ഗ്രാമപഞ്ചായത്തില്‍ കമ്യൂണിറ്റി കിച്ചണ്‍ പ്രവര്‍ത്തനം ആരംഭിച്ചു. 55 ഓളം പേര്‍ക്കാണ് ഇവിടെ നിന്നും സൗജന്യമായി ഭക്ഷണം എത്തിച്ചു നല്‍കുന്നത്.
സന്നദ്ധ പ്രവര്‍ത്തകരുടെയും ജനപ്രതിനിധികളുടെയും നേതൃത്വത്തിലാണ് ഭക്ഷണ വിതരണം. കരുവാറ്റ ഗ്രാമപഞ്ചായത്തില്‍ കുടുംബശ്രീയുടെ ജനകീയ ഹോട്ടല്‍ വഴിയാണ് ഭക്ഷണ വിതരണം. കരുവാറ്റയില്‍ ആരംഭിച്ച ജനകീയ ഹോട്ടലിന്റെ ഉദ്ഘാടനം ഗ്രാമപഞ്ചായത്ത് പ്രസിഡന്റ് എസ്. സുരേഷ് നിര്‍വ്വഹിച്ചു. വീയപുരം ഗ്രാമപഞ്ചായത്തില്‍ കോവിഡ് രണ്ടാം തരംഗത്തിന്റെ ആദ്യ ഘട്ടം മുതല്‍ തന്നെ കമ്യൂണിറ്റി കിച്ചണ്‍ പ്രവര്‍ത്തനനമാരംഭിച്ചിരുന്നു.
ജില്ലാ കളക്ടറുടെ നിര്‍ദ്ദേശ പ്രകാരം രൂപീകരിച്ച സന്നദ്ധ സംഘടനയായ 'സ്റ്റാര്‍ ' എന്ന കൂട്ടായ്മയാണ് കമ്യൂണിറ്റി കിച്ചണ്‍ വഴിയുള്ള ഭക്ഷണ വിതരണത്തിന് നേതൃത്വം നല്‍കുന്നത്. ഹോം ക്വാറന്റൈനിലുള്ളവര്‍ക്കും കിടപ്പുരോഗികള്‍ക്കുമടക്കം 80 ഓളം ഭക്ഷണ പൊതികളാണ് വീയപുരം പഞ്ചായത്തില്‍ വിതരണം ചെയ്യുന്നത്. കാര്‍ത്തികപ്പള്ളി ഗ്രാമപഞ്ചായത്തില്‍ കുടുംബശ്രീയുടെ ജനകീയ ഹോട്ടല്‍ വഴിയാണ് ഭക്ഷണ വിതരണം. ഇവിടെ ദിവസേന 35 ഓളം പേര്‍ക്ക് ഭക്ഷണം സൗജന്യമായി നല്‍കുന്നു.
തൃക്കുന്നപ്പുഴ പഞ്ചായത്തിലും ദിവസേന 10 പേര്‍ക്ക് ജനകീയ ഹോട്ടല്‍ വഴി ഭക്ഷണം നല്‍കുന്നുണ്ട്. ഹരിപ്പാട് നഗരസഭയില്‍ കുടുംബശ്രീ ജനകീയ ഹോട്ടല്‍ വഴി ഹോം ക്വാറന്റൈനില്‍ കഴിയുന്നവര്‍ക്ക് അടുത്ത ദിവസം മുതല്‍ ഭക്ഷണം എത്തിച്ചു നല്‍കും. വാര്‍ഡ് തല ജാഗ്രതാ സമിതി നല്‍കുന്ന കണക്കിന്റെ അടിസ്ഥാനത്തിലാകും ഭക്ഷണ വിതരണം.
