സ്റ്റൈപെൻഡ് വിതരണം മുടങ്ങിയിട്ട് ഒരാഴ്ച പിന്നിട്ടു; ആലപ്പുഴ മെഡിക്കൽ കോളേജിൽ 234 ഡോക്ടർമാർ സമരത്തിൽ
ആലപ്പുഴ: ആലപ്പുഴ മെഡിക്കൽ കോളേജ് ആശുപത്രിയിലെ പിജി ഡോക്ടർമാർ സമരത്തിലേക്ക്. സ്റ്റൈപെൻഡ് വിതരണം മുടങ്ങിയതോടെയാണ് ഇവർ സമരത്തിന് ഇറങ്ങിയത്. ആശുപത്രിയിലെ 234 പിജി ഡോക്ടർമാരാണ് സമരം ചെയ്യുന്നത്. എല്ലാ മാസവും പത്താം തീയതിയോടെയാണ് സാധാരണയായി സ്റ്റൈപെൻഡ് ലഭിച്ചിരുന്നത്.
എന്നാൽ ഇക്കുറി ഏപ്രിൽ 19 ആയിട്ടും സ്റ്റൈപെൻഡ് ലഭിക്കാതെ വന്ന സാഹചര്യത്തിലാണ് ഡോക്ടർമാർ സമരം ഉൾപ്പെടെയുള്ള കടുത്ത നടപടികളിലേക്ക് കടക്കുന്നത്. ഇതിന് പിന്നാലെ ആശുപത്രിയുടെ പ്രവർത്തനത്തെയും സമരം സാരമായി ബാധിച്ചു. അത്യാഹിത വിഭാഗം ഉൾപ്പെടെ എല്ലാ വിഭാഗങ്ങളിലെയും ഡോക്ടർമാർ സമരത്തിൽ പങ്കെടുക്കുന്നുണ്ട്. ഇതോടെ രോഗികളും വലയുകയാണ്.
കഴിഞ്ഞ ദിവസം വിഷയം ചൂണ്ടിക്കാട്ടി പിജി ഡോക്ടർമാരും സീനിയർ റസിഡന്റുമാരും കോളേജിൽ പ്രതിഷേധ പ്രകടനം നടത്തിയിരുന്നു. ഇതിന് പിന്നാലെയാണ് സമരം ശക്തമാക്കാൻ തീരുമാനിച്ചത്. ആലപ്പുഴയൊഴികെ ബാക്കി എല്ലാ മെഡിക്കൽ കോളേജുകളിലും സ്റ്റൈപെൻഡ് കിട്ടിയിട്ടുണ്ടെന്നാണ് പിജി അസോസിയേഷൻ ഭാരവാഹികൾ ആരോപിക്കുന്നത്. മുടങ്ങിയിട്ട് ഒരാഴ്ച പിന്നിട്ടിട്ടും കൃത്യമായി നടപടി എടുക്കാൻ അധികൃതർ തയ്യാറായിട്ടില്ല.
അടുത്തിടെ ആശുപത്രിയിൽ മരുന്ന് ക്ഷാമം രൂക്ഷമായിരുന്നു. രോഗികൾക്ക് ഡോക്ടർമാർ നിർദ്ദേശിക്കുന്ന മരുന്നിൽ ഭൂരിഭാഗവും ഫാർമസിയിൽ ഇല്ലാത്ത സ്ഥിതിവിശേഷമായിരുന്നു. ആശുപത്രിയിൽ നിന്ന് മരുന്ന് കിട്ടാതായതോടെ വൻ വിലകൊടുത്ത് പുറത്തുനിന്ന് വാങ്ങേണ്ട അവസ്ഥയിലായിരുന്നു നിർധനരായ രോഗികൾ. ഇതിന് പിന്നാലെ ശക്തമായ പ്രതിഷേധം ഉയർന്നിരുന്നു.
അതിരാവിലെ ഒപിയിലെ നീണ്ട ക്യൂവിൽ മണിക്കൂറുകൾ കാത്തിരുന്നാണ് പല രോഗികളും ഡോക്ടർമാരെ കാണുന്നത്. ഇതിന് ശേഷം ഫാർമസിയിലെ നീണ്ട ക്യൂവിൽ ദീർഘനേരം നിന്ന് കൗണ്ടറിലെത്തുമ്പോഴായിരിക്കും മരുന്നില്ലെന്ന കാര്യം പലരും അറിയുക. ഹൃദ്രോഗം, ന്യൂറോ, അർബുദ , വൃക്ക രോഗികൾക്കുള്ള മരുന്നുകൾക്ക് ഉൾപ്പെടെ ക്ഷാമം നേരിട്ടിരുന്നു.
ഇപ്പോഴിതാ അതിന്റെ തുടർച്ചയായി പിജി ഡോക്ടർമാരുടെ സ്റ്റൈപെൻഡ് വിതരണം കൂടി മുടങ്ങിയതോടെ രോഗികളുടെ ദുരിതം ഇരട്ടിയാവുകയാണ്. കാഷ്വാലിറ്റി ഉൾപ്പെടെ പ്രധാന വിഭാഗങ്ങളിൽ ഉൾപ്പെടെ ഉള്ള ഡോക്ടർമാർ പോലും പണിമുടക്കിന് പിന്തുണ അറിയിച്ചതോടെ രോഗികൾ വലയുകയാണ്. പ്രശ്ന പരിഹാരം എന്നുണ്ടാവുമെന്ന കാര്യത്തിൽ ഇതുവരെയും ഒരു ധാരണ ഉണ്ടായിട്ടില്ല.
-
സ്വര്ണം ആര്ക്കും വേണ്ടേ? ആഭരണം വാങ്ങുന്നത് വിവാഹപാര്ട്ടിക്കാര് മാത്രം, കാരണമിത് -
'മോഹൻലാലിനോടൊപ്പമുള്ള ഈ കിടപ്പറ സീനിനെ കുറിച്ച് കേട്ടപാടെ നടിമാർ പലരും ഓടി രക്ഷപ്പെട്ടു,കാരണം';ആലപ്പി അഷ്റഫ് -
നടനും സംവിധായകനുമായ ഇഎ രാജേന്ദ്രൻ അന്തരിച്ചു -
ഖത്തര് വീണത് അമേരിക്കക്ക് നേട്ടമായി; ജപ്പാനും ജര്മനിയും മറ്റു വഴി തേടി, ഗള്ഫ് രാജ്യങ്ങള്ക്ക് തിരിച്ചടി -
ഇന്ത്യയ്ക്ക് വേണ്ടി ഹോർമുസ് തുറന്നു; അഞ്ച് സൗഹൃദ രാജ്യങ്ങളുടെ കപ്പലുകൾ തടയില്ലെന്ന് വ്യക്തമാക്കി ഇറാൻ -
സ്വര്ണവില കുറഞ്ഞേക്കും; സ്വര്ണത്തില് കൈവച്ച് തുര്ക്കി, വിപണിയില് ട്രെന്ഡ് മാറുന്നു എന്ന് റിപ്പോര്ട്ട് -
സമാധാനം ഇനിയും അകലെ? യുദ്ധം ഉടനെ അവസാനിക്കില്ലെന്ന് ഇറാന്: യുഎസുമായി യാതൊരു ചര്ച്ചയുമില്ല -
റഷ്യ ഇനി സ്വര്ണ കയറ്റുമതി ചെയ്യില്ല.!? പുതിയ പ്രഖ്യാപനവുമായി പുടിന്, വില കൂടാന് പോകുന്നു? -
ഇന്ന് ലോട്ടറിയെടുക്കുന്നവര്ക്ക് ഭാഗ്യം... ശുക്രദശ തലയ്ക്ക് മുകളില്; ഈ രാശിക്കാരാണോ? -
വിജയ്യെ സഭയിൽ എത്തിക്കാൻ എഐഎഡിഎംകെയുടെ കൈത്താങ്ങ്? പേരമ്പൂരിൽ കരുത്തർക്ക് സീറ്റില്ല, കാരണം? -
'സ്വര്ണം വാങ്ങലും വില്ക്കലും രണ്ടും നില്ക്കും, പൊതുജനം ആകെ അങ്കലാപ്പിൽ, ഒരു ദിവസം തന്നെ ലാഭവും നഷ്ടവും' -
ഉഗാദിക്കും ശിവരാത്രിക്കും ഞാന് മാംസം കഴിക്കാറുണ്ട്, അതിനെന്താണ് കുഴപ്പം: സിദ്ധരാമയ്യ
Click it and Unblock the Notifications
Sign in with Google