സ്വാതന്ത്ര്യദിന ആഘോഷം: കേരളത്തിലെ ഈ പഞ്ചായത്തിലെ എല്ലാ വീട്ടിലും ദേശീയ ഗാനം ആലപിക്കും
ആലപ്പുഴ: സ്വാതന്ത്ര്യത്തിന്റെ എഴുപത്തിയഞ്ചാം വാര്ഷികദിനത്തില് ചട്ടങ്ങള് പാലിച്ച് ആലപ്പുഴ ജില്ലയിലെ കഞ്ഞിക്കുഴി ഗ്രാമപഞ്ചായത്തിലെ എല്ലാ വീടുകളിലും ദേശീയ ഗാനം ആലപിക്കും. ഓഗസ്റ്റ് 15-ന് രാവിലെ ഗ്രാമപഞ്ചായത്തിലെ എല്ലാ വീടുകളിലും കുടുംബാംഗങ്ങള് ചേര്ന്നാണ് ദേശീയ ഗാനം ആലപിക്കുക.
ഇതിനായി പഞ്ചായത്തിലെ പതിനായിരത്തോളം വീടുകളിലും ദേശീയ ഗാനം അച്ചടിച്ചു നല്കിയതായി പഞ്ചായത്ത് പ്രസിഡന്റ് ഗീതാ കാര്ത്തികേയനും വൈസ് പ്രസിഡന്റ് അഡ്വ.എം. സന്തോഷ്കുമാറും പറഞ്ഞു. എല്ലാ വീടുകളിലും ദേശീയപതാകയും ഉയര്ത്തും. കുടുംബശ്രീയുടെ തയ്യല് യൂണിറ്റുകളില് തയ്യാറാക്കിയ പതാകകള് വാര്ഡ് അംഗങ്ങളുടെ നേതൃത്വത്തില് വീടുകളില് എത്തിക്കും. സ്വാതന്ത്ര്യദിന പരിപാടികളുടെ വിളംബരത്തിന്റെ ഭാഗമായി ഓഗസ്റ്റ് 11-ന് എല്ലാ വാര്ഡിലും മാനവ സൗഹൃദ റാലിയും നടത്തും.
പതിനായിരത്തോളം കുടുംബങ്ങളാണ് പഞ്ചായത്തിലുള്ളത്. ദേശീയ ഗാനത്തിന്റെ പ്രിന്റൗട്ടുകള് എല്ലാ വീടുകളിലും തദ്ദേശ സ്ഥാപനം വിതരണം ചെയ്യുന്നുണ്ട്. ഏകത്വത്തിന്റെ സന്ദേശം പ്രചരിപ്പിക്കുന്നതിനാണ് പദ്ധതി ആസൂത്രണം ചെയ്തിരിക്കുന്നതെന്ന് ഭാരവാഹികള് പറഞ്ഞു. ദേശീയഗാനം ആലപിക്കുന്നതിന് പുറമെ ഓഗസ്റ്റ് 13 മുതല് എല്ലാ വീടുകളിലും ത്രിവര്ണ പതാക ഉയര്ത്തും.
തദ്ദേശ സ്ഥാപനത്തിലെ കുടുംബശ്രീ യൂണിറ്റുകളാണ് പതാകകള് നിര്മിക്കുന്നത്. താമസക്കാര്ക്ക് ദേശീയ പതാക ഒന്നിന് 30 രൂപ നിരക്കില് നല്കും. അതത് വാര്ഡ് അംഗങ്ങളുടെ നേതൃത്വത്തില് പതാക വിതരണം ചെയ്യും. സ്വാതന്ത്ര്യദിനാഘോഷത്തിന് തിരശ്ശീല ഉയര്ത്തി പഞ്ചായത്തിലെ 18 വാര്ഡുകളിലും ആഗസ്റ്റ് 11ന് റാലി സംഘടിപ്പിക്കും.
അതേസമയം, സ്വാതന്ത്ര്യത്തിന്റെ 75-ാം വാര്ഷികത്തോടനുബന്ധിച്ച് സംസ്ഥാന ലൈബ്രറി കൗണ്സിന്റെ ആഭിമുഖ്യത്തില് ഇന്ത്യന് സ്വാതന്ത്ര്യവുമായി ബന്ധപ്പെട്ട വിവിധ വിഷയങ്ങള് വിലയിരുത്തുന്ന പതിനായിരം ചരിത്ര സംവാദങ്ങളും സെമിനാറുകളും സംഘടിപ്പിക്കുന്നുണ്ട്.
നാം സഞ്ചരിച്ച വഴികള്, നേരിട്ട വെല്ലുവിളികള്, ഇന്നത്തെ അവസ്ഥ, ദേശരാഷ്ട്രം എന്ന നിലയില് ഇന്ത്യയുടെ ഭാവി, ഇന്ത്യ എന്ന രാഷ്ട്രം രൂപീകൃതമായ ചരിത്ര സന്ദര്ഭം, അതിനെ സ്വാധീനിച്ച രാഷ്ട്രീയ സാമൂഹിക പ്രതിഭാസങ്ങള്, പ്രതീക്ഷകള് തുടങ്ങിയവയാണ് വിഷയങ്ങള്. ഓഗസ്റ്റ് 15 മുതല് ഡിസംബര് 31 വരെ നടക്കുന്ന ചരിത്രോത്സവത്തിന്റെ ഭാഗമായി ആലപ്പുഴ ജില്ലയില് 750 സെമിനാറുകള് നടത്തും.
സെമിനാറുകളില് ക്ലാസ് എടുക്കുന്നവര്ക്ക് ജില്ലാതലത്തില് പരിശീലനം നല്കി. ജില്ലയിലെ അംഗീകാരമുള്ള എല്ലാ ഗ്രന്ഥശാലകളും സെമിനാറുകള്, പ്രദര്ശനങ്ങള്, പ്രഭാഷണങ്ങള് എന്നിവ സംഘടിപ്പിക്കണമെന്ന് ജില്ലാ സെക്രട്ടറി ടി. തിലകരാജ് അറിയിച്ചു.
ദേ വീണ്ടും വന്നു ഞങ്ങളുടെ ക്യാപ്ഷന് ക്യൂന്; അമേയാ...എടുത്ത ഫോട്ടോ കൂടി ഇടുമോ, വൈറല് ചിത്രങ്ങള്
ചരിത്രോത്സവത്തിന്റെ ഭാഗമായി 50 വര്ഷത്തില് കൂടുതല് പഴക്കമുള്ള ഗ്രന്ഥശാലകളുടെ ചരിത്രവും അനുബന്ധ പ്രാദേശിക ചരിത്ര രേഖകളും തയ്യാറാക്കുകയും ഡിജിറ്റല് ഡോക്യൂമെന്റേഷന് നടത്തുകയും ചെയ്യും. ജില്ലയിലെ എല്ലാ ഗ്രന്ഥശാലകളും രണ്ടില് കുറയാതെ ചരിത്ര സദസുകള് സംഘടിപ്പിക്കും.
-
സ്വര്ണവില 75000 ത്തിലേക്ക് വീഴും, ഗ്രാമിന് 9500 രൂപ..! അതും 2026 ല് തന്നെ..! -
സ്വര്ണം ഞെട്ടിച്ചു; ഇന്ന് സ്വര്ണവിലയില് വന് കുതിപ്പ്, രൂപ തകര്ന്നടിഞ്ഞു, ഇന്നത്തെ പവന് വില -
അച്ഛനും അമ്മയും എന്നും വഴക്ക്, എന്നെ ഷൂട്ടിംഗിന് കൊണ്ടുപോകുന്നത് ഇഷ്ടമല്ലായിരുന്നു; കിച്ചു പറയുന്നു -
സന്തോഷ് പണ്ഡിറ്റിന്റെ 500 കോടി പടം! ഹോർമുസ് കടലിടുക്ക് നീന്തിക്കടക്കാൻ 'പണ്ഡിറ്റ് കപൂർ ഐപിഎസ്' -
ഇറാന്റെ ആണവനിലയങ്ങളിലേക്ക് മിസൈൽ വർഷം; തിരിച്ചടിക്കാനൊരുങ്ങി ഐആർജിസി -
വൈപ്പിൻകാരുടെ ചിരകാല സ്വപ്നം; തീരദേശ പാത വൈകുന്നു, അഴിക്കോട്-മുനമ്പം പാലം വന്നാൽ ഗതാഗത കുരുക്കേറും -
സ്വർണം വാങ്ങിക്കൂട്ടി, ഇപ്പോൾ വിറ്റൊഴിവാക്കുന്നു: 3 രാജ്യങ്ങളുടെ നീക്കം ഇങ്ങനെ..ഇനി സ്വർണ വില താഴേക്ക്? -
ഗള്ഫ് രാജ്യങ്ങള് പട്ടിണിയിലാകുമോ? ലോകം വന് പ്രതിസന്ധിയിലേക്ക്, ഇന്ത്യയ്ക്കും തിരിച്ചടി -
മോദി-ട്രംപ് ടെലിഫോൺ സംഭാഷണത്തിൽ ഒപ്പം ചേർന്ന് ഇലോൺ മസ്കും; അസാധാരണ നീക്കം, പിന്നാലെ വിവാദം -
"അതവരോട് പോയി ചോദിക്ക്!" എസ്ഡിപിഐ ഡീൽ ചോദ്യങ്ങളിൽ കലിപ്പിലായി മുഖ്യമന്ത്രി -
സ്വര്ണത്തിന്റെ വിലയിടിവ് യാദൃശ്ചികമല്ല... മൂന്ന് തവണ ഇതുപോലെ ഇടിഞ്ഞു! അന്ന് സംഭവിച്ചത് -
നടി ഖുഷ്ബുവിന്റെ ഭര്ത്താവ് തമിഴ്നാട്ടില് സ്ഥാനാര്ഥി; ഇതാണ് മണ്ഡലം, പുതിയ പാര്ട്ടി, രണ്ടില ചിഹ്നം
Click it and Unblock the Notifications
Sign in with Google