കോടികളുടെ ഓൺലൈൻ ട്രേഡിംഗ് തട്ടിപ്പ്; ആലപ്പുഴയിൽ വ്യത്യസ്ത കേസുകളിലായി രണ്ട് യുവാക്കൾ അറസ്റ്റിൽ
ആലപ്പുഴ: ഓൺലൈൻ ട്രേഡിംഗിന്റെ മറവിൽ കോടികളുടെ തട്ടിപ്പ് നടത്തിയ രണ്ട് യുവാക്കൾ അറസ്റ്റിൽ. രണ്ട് വ്യത്യസ്ത സൈബർ കേസുകളിലായാണ് രണ്ട് പേർ പിടിയിലായത്. കോഴിക്കോട് താമരശ്ശേരി കരുവൻപൊയിൽ കൊടുവള്ളി പടിഞ്ഞാറെ തൊടിയിൽ വീട്ടിൽ മുഹമ്മദ് മിസ്ഫിർ (20) കോഴിക്കോട് ചാത്തമംഗലം പഞ്ചായത്ത് മുണ്ടോട്ട് പൊയിൽ വീട്ടിൽ ജാബിർ (19) എന്നിവരെയാണ് പോലീസ് പിടികൂടിയത്.
മാന്നാറിലെ മുതിർന്ന പൗരന് 2.67 കോടി രൂപ നഷ്ടപ്പെട്ട സംഭവത്തിലാണ് മിസ്ഫിർ അറസ്റ്റിലായത്. കഴിഞ്ഞ ഡിസംബർ മുതൽ ഈ വർഷം ജനുവരി 20 വരെയുള്ള കാലയളവിൽ ആകെ 32 ഇടപാടുകളിലായാണ് 2.67 കോടി രൂപയോളം യുവാവ് തട്ടിയെടുത്തത് എന്നാണ് പരാതി. പ്രതിയെ ആലപ്പുഴ ചീഫ് ജുഡീഷ്യൽ മജിസ്ട്രേട്ട് കോടതിയിൽ ഹാജരാക്കി, പതിനാല് ദിവസത്തേക്ക് റിമാൻഡ് ചെയ്തു.
കേസിൽ നടക്കുന്ന ഏഴാമത്തെ അറസ്റ്റാണിത്. സംഭവത്തിൽ പ്രായപൂർത്തിയാവാത്ത ഒരാൾ ഉൾപ്പെടെ ഇതുവരെ ആറോളം പ്രതികൾ പിടിയിലായിരുന്നു. വളരെ ആസൂത്രിതമായാണ് ഇവർ കൃത്യം നടത്തിയതെന്നാണ് പോലീസ് കണ്ടെത്തിയത്.
വെൺമണിയിലെ യുവാവിന് 1.3 കോടി നഷ്ടപ്പെട്ട സംഭവത്തിലാണ് ജാബിറിന്റെ അറസ്റ്റ്.ഓൺലൈൻ ട്രേഡിംഗ് കമ്പനിയിൽ അക്കൗണ്ട് തുടങ്ങി പണം അടച്ചാൽ 30 ഓർഡറുകൾ സ്വന്തം അക്കൗണ്ടിലെ കാർട്ടിലേക്കു മാറ്റി റിവ്യൂ നൽകിയാൽ വരുമാനം നേടാമെന്നാണ് ഇയാൾ യുവാവിനെ വിശ്വസിപ്പിച്ചത്. പിന്നീട് പലതവണയായി ഒന്നേകാൽ കോടി രൂപയിൽ അധികം തട്ടിയെടുക്കുകയായിരുന്നു.
ജൂൺ 19 മുതലുള്ള 10 ദിവസങ്ങളിലായി 1,30,25,000 രൂപയോളമാണ് യുവാവ് ലാഭം പ്രതീക്ഷിച്ച് നിക്ഷേപിച്ചത്. തട്ടിപ്പ് മനസിലായതോടെ ഇയാൾ പോലീസ് പരാതി നൽകുകയായിരുന്നു. തുടർന്ന് നടത്തിയ അന്വേഷണത്തിലാണ് വെൺമണി പോലീസ് ജാബിറാണ് പ്രതിയെന്ന് കണ്ടെത്തിയത്. ഇതോടെ ഇയാളെ അറസ്റ്റ് ചെയ്യുകയായിരുന്നു.
അതിനിടെ, ആലപ്പുഴയിൽ എസ്ഐയുടെ പേരിൽ വ്യാജ അക്കൗണ്ട് ഉണ്ടാക്കി പണം തട്ടിയ സംഭവവും കഴിഞ്ഞ ദിവസം റിപ്പോർട്ട് ചെയ്തിരുന്നു. മാരാരിക്കുളം സ്വദേശിനിയുടെ കൈയിൽ നിന്നുമാണ് 70,000 തട്ടിയെടുത്തത്. ഫർണിച്ചർ വിൽപ്പനയുടെ പേരിലാണ് തട്ടിപ്പ് നടന്നത്. സംഭവത്തിൽ മണ്ണഞ്ചേരി പോലീസ് കേസെടുത്ത് അന്വേഷണം ആരംഭിച്ചിട്ടുണ്ട്.
-
'മോഹൻലാലിനോടൊപ്പമുള്ള ഈ കിടപ്പറ സീനിനെ കുറിച്ച് കേട്ടപാടെ നടിമാർ പലരും ഓടി രക്ഷപ്പെട്ടു,കാരണം';ആലപ്പി അഷ്റഫ് -
നടനും സംവിധായകനുമായ ഇഎ രാജേന്ദ്രൻ അന്തരിച്ചു -
ഖത്തര് വീണത് അമേരിക്കക്ക് നേട്ടമായി; ജപ്പാനും ജര്മനിയും മറ്റു വഴി തേടി, ഗള്ഫ് രാജ്യങ്ങള്ക്ക് തിരിച്ചടി -
ഇന്ത്യയ്ക്ക് വേണ്ടി ഹോർമുസ് തുറന്നു; അഞ്ച് സൗഹൃദ രാജ്യങ്ങളുടെ കപ്പലുകൾ തടയില്ലെന്ന് വ്യക്തമാക്കി ഇറാൻ -
സ്വര്ണവില കുറഞ്ഞേക്കും; സ്വര്ണത്തില് കൈവച്ച് തുര്ക്കി, വിപണിയില് ട്രെന്ഡ് മാറുന്നു എന്ന് റിപ്പോര്ട്ട് -
സമാധാനം ഇനിയും അകലെ? യുദ്ധം ഉടനെ അവസാനിക്കില്ലെന്ന് ഇറാന്: യുഎസുമായി യാതൊരു ചര്ച്ചയുമില്ല -
റഷ്യ ഇനി സ്വര്ണ കയറ്റുമതി ചെയ്യില്ല.!? പുതിയ പ്രഖ്യാപനവുമായി പുടിന്, വില കൂടാന് പോകുന്നു? -
ഇന്ന് ലോട്ടറിയെടുക്കുന്നവര്ക്ക് ഭാഗ്യം... ശുക്രദശ തലയ്ക്ക് മുകളില്; ഈ രാശിക്കാരാണോ? -
വിജയ്യെ സഭയിൽ എത്തിക്കാൻ എഐഎഡിഎംകെയുടെ കൈത്താങ്ങ്? പേരമ്പൂരിൽ കരുത്തർക്ക് സീറ്റില്ല, കാരണം? -
'സ്വര്ണം വാങ്ങലും വില്ക്കലും രണ്ടും നില്ക്കും, പൊതുജനം ആകെ അങ്കലാപ്പിൽ, ഒരു ദിവസം തന്നെ ലാഭവും നഷ്ടവും' -
ഉഗാദിക്കും ശിവരാത്രിക്കും ഞാന് മാംസം കഴിക്കാറുണ്ട്, അതിനെന്താണ് കുഴപ്പം: സിദ്ധരാമയ്യ -
കോട്ടയത്ത് ഒമ്പതിടത്തും പാകത്തിന് പോരാട്ട വേവ്
Click it and Unblock the Notifications
Sign in with Google