കണ്ണൂര് വിമാനത്താവളത്തില് വീണ്ടും വന് സ്വര്ണവേട്ട: കാസര്കോട് സ്വദേശികള് പിടിയില്
മട്ടന്നൂര്: കണ്ണൂര് വിമാനത്താവളത്തില് വീണ്ടും സ്വര്ണവേട്ട. ഓണം അവധിക്ക് നാട്ടിലെത്തുന്നവരുടെ തിരക്ക് മറയാക്കിയാണ് കാസര്കോട് സ്വദേശികളായ യുവാക്കള് സ്വര്ണം കടത്താന് ശ്രമിച്ചത്. വിമാനത്താവളത്തിലൂടെയുള്ള സ്വര്ണം കടത്തിന് നൂതനമാര്ഗമാണ് ഇവര് അവലംബിച്ചതെന്ന് കസ്റ്റംസ് പറഞ്ഞു.
ചെരുപ്പിനടിയിലും ബാന്ഡേജിലും ഇറുകി വെച്ചു സ്വര്ണം കടത്താന് ശ്രമിച്ച രണ്ടുപേരെയാണ് കസ്റ്റംസ് കൈയ്യോടെ പൊക്കിയത്. ഒന്നര കിലോ സ്വര്ണവുമായി കാസര്കോട് സ്വദേശികളായ രണ്ടു യുവാക്കളാണ് പിടിയിലായത്. അബുദാബിയില് നിന്ന് ജി8 54 വിമാനത്തില് എത്തിയ കാസര്കോട് ചെര്ക്കള സ്വദേശിയായ ഇബ്രാഹിം ഖലീലില് നിന്നാണ് 17,48,700 രൂപയുടെ 335 ഗ്രാം സ്വര്ണം പിടികൂടിയത്.
ഇയാള് ധരിച്ചിരുന്ന ചെരുപ്പുകള്ക്കുള്ളില് സമര്ത്ഥമായി ഒളിപ്പിച്ച രണ്ട് പാക്കറ്റുകളിലായിരുന്നു സ്വര്ണം. ഡിആര്ഐ കണ്ണൂര് യൂണിറ്റിന്റെ പ്രത്യേക വിവരത്തിന്റെ അടിസ്ഥാനത്തില് ഞായറാഴ്ച അബുദാബിയില് നിന്ന് വന്ന കാസര്കോട് ഹൊസ്ദുര്ഗ് ബീച്ച് സ്വദേശി അബ്ദുള് ബാസിത്തില് നിന്നാണ് 62,43,120 രൂപയുടെ 1196 ഗ്രാം സ്വര്ണം എയര്പോര്ട്ട് എയര് ഇന്റലിജന്സ് യൂണിറ്റിലെ ഡിആര്ഐ കണ്ണൂര് യൂണിറ്റിലെ ഉദ്യോഗസ്ഥരും കണ്ണൂര് യൂണിറ്റിലെ ഉദ്യോഗസ്ഥരും ചേര്ന്ന് പിടികൂടിയത്.
ഇയാള് ധരിച്ചിരുന്ന കാല്മുട്ട് ബാന്ഡുകള്ക്കുള്ളില് ഒളിപ്പിച്ച ചതുരാകൃതിയിലുള്ള രണ്ട് പാക്കറ്റുകളില് സംയുക്ത രൂപത്തില് സ്വര്ണ്ണം കൊണ്ടുവരികയായിരുന്നു. അസിസ്റ്റന്റ് കമ്മീഷണര് ടി.എം മുഹമ്മദ് ഫൈസ്, സൂപ്രണ്ടുമാരായ കൂവന് പ്രകാശന്, ശ്രീവിദ്യ സുധീര്, ഇന്സ്പെക്ടര്മാരായ നിഖില് കെ ആര്, സന്ദീപ് ദാഹിയ, നിശാന്ത് താക്കൂര്, ജുബര് ഖാന്, ഓഫീസ് സ്റ്റാഫുകളായ ലിനീഷ്, ലയ എന്നിവരുടെ നേതൃത്വത്തിലുള്ള കസ്റ്റംസ് സംഘമാണ് റെയ്ഡ് നടത്തിയത്.
ശരിയാണ്...രാജ്ഞിയെ പോലെ തന്നെ ഉണ്ട്..; സാരിയില് സംയുക്തയുടെ കിടിലന് ചിത്രങ്ങള്
ഓണം അവധിക്കാലത്ത് നാട്ടിലെത്തുന്ന പ്രവാസികളുടെ എണ്ണം വര്ധിച്ചിരിക്കെ സ്വര്ണക്കടത്ത് സംഘം കൂടുതലെത്താന് സാധ്യതയുണ്ടെന്നാണ് കസ്റ്റംസിന്റെ വിലയിരുത്തല്. അതുകൊണ്ടു തന്നെ വരുംദിനങ്ങളിലും റെയ്ഡ് ശക്തമാക്കാനാണ് തീരുമാനം. കഴിഞ്ഞ മൂന്ന് മാസത്തിനിടെ കോടികളുടെ സ്വര്ണമാണ് കണ്ണൂര് രാജ്യാന്തരവിമാനത്താവളത്തില് നിന്നും പിടികൂടിയത്. സ്വര്ണക്കടത്തിനിടെ പിടിയിലായവരില് വനിതകളുമുണ്ട്
Click it and Unblock the Notifications
Sign in with Google