എൻഡിഎയുടെ തിരിച്ചടി ഓഹരി വിപണിയെ തകർത്തെറിഞ്ഞു; നിക്ഷേപകർക്ക് നഷ്ടം 45 ലക്ഷം കോടി രൂപ
മുംബൈ: എക്സിറ്റ് പോൾ ഫലങ്ങളെ കാറ്റിൽപറത്തി കൊണ്ട് ഇന്ത്യ സഖ്യത്തിന്റെ അപ്രതീക്ഷിത മുന്നേറ്റം കണ്ട തിരഞ്ഞെടുപ്പ് ഫലങ്ങൾക്ക് പിന്നാലെ ഓഹരി വിപണി തകർന്നടിഞ്ഞു. ബിജെപി നേതൃത്വം നൽകുന്ന എൻഡിഎയുടെ ഏകപക്ഷീയമായ മുന്നേറ്റം സ്വപ്നം കണ്ട വിപണിക്ക് പ്രതിപക്ഷ സഖ്യമായി ഇന്ത്യയുടെ തിരിച്ചുവരവിൽ പിടിച്ചു നിൽക്കാൻ കഴിഞ്ഞില്ല.
ഏറ്റവും ഒടുവിൽ ലഭ്യമായ വിവരങ്ങൾ അനുസരിച്ച് എൻഡിഎ കേവല ഭൂരിപക്ഷം കടന്നെങ്കിലും തിരഞ്ഞെടുപ്പ് ഫലത്തിന്റെ ആദ്യ മണിക്കൂറുകൾ തന്നെ വിപണിക്ക് ആഘാതം സൃഷ്ടിച്ചിരുന്നു. ഇതിൽ നിന്നൊരു തിരിച്ചുപോക്ക് പിന്നീട് സാധ്യമായതുമില്ല എന്നതാണ് ശ്രദ്ധേയമായ കാര്യം. സെൻസെക്സ്, നിഫ്റ്റി എന്നിവ നിന്ന നിൽപ്പിൽ താഴേക്ക് പതിക്കുകയായിരുന്നു.
വിപണിയിൽ രക്തച്ചൊരിച്ചിൽ ഉണ്ടാക്കി കൊണ്ടാണ് സെൻസെക്സും നിഫ്റ്റിയും തകർന്നടിഞ്ഞത്. കോവിഡ് പകർച്ചവ്യാധിക്ക് ശേഷം ദലാൽ സ്ട്രീറ്റ് നേരിട്ട ഏറ്റവും മോശം സെഷന് ഒടുവിൽ സെൻസെക്സ് 6,000 പോയിൻറിലധികം താഴുകയും നിഫ്റ്റി 2,000 പോയിന്റോളം ഇടിയുകയും ചെയ്തതാണ് ഇന്നത്തെ പ്രധാന വാർത്ത.
30-ഷെയർ സെൻസെക്സ് 6,000 പോയിന്റ് അല്ലെങ്കിൽ 8 ശതമാനത്തിലധികം ഇടിഞ്ഞതിനാൽ, ബിഎസ്ഇയിലെ എല്ലാ ലിസ്റ്റഡ് കമ്പനികളുടെയും മൊത്തം വിപണി മൂലധനം ഏകദേശം 45 ലക്ഷം കോടി രൂപയോളം ഇടിഞ്ഞ് 380.35 ലക്ഷം കോടി രൂപയായി മാറി. ചുരുങ്ങിയ സമയം കൊണ്ടാണ് നിക്ഷേപകർക്ക് അപ്രതീക്ഷിതമായി 40 ലക്ഷം കോടിയിലധികം രൂപ നഷ്ടമായത്.
ഇന്നത്തെ നിർണായകമായ ട്രേഡിംഗ് സെഷനിൽ ബെഞ്ച്മാർക്ക് സ്റ്റോക്ക് മാർക്കറ്റ് സൂചികകൾ കുത്തനെ ഇടിഞ്ഞതോടെ അദാനി എൻ്റർപ്രൈസസും അദാനി പോർട്ട്സും കനത്ത നഷ്ടമാണ് നേരിടുന്നത്. 25 ശതമാനം വരെ ഇടിവാണ് അദാനി ഓഹരികൾക്ക് നേരിടേണ്ടി വന്നത്. അദാനി ഗ്രൂപ്പ് ഓഹരികളാണ് ഏറ്റവും കൂടുതൽ നഷ്ടം നേരിട്ടവ. കഴിഞ്ഞ ദിവസങ്ങളിൽ ഉണ്ടാക്കിയെടുത്ത നേട്ടം ഈ ഒറ്റ സെഷനിൽ അവർക്ക് നഷ്ടമായി.
ഇന്നലത്തെ ട്രേഡിംഗ് സെഷനിൽ, സെൻസെക്സും നിഫ്റ്റിയും ഉൾപ്പെടെയുള്ള എല്ലാ സൂചികകളും എക്സിറ്റ് പോളിന്റെ ചുവട് പിടിച്ച് മികച്ച ഇൻട്രാഡേ നേട്ടം രേഖപ്പെടുത്തിയിരുന്നു. നരേന്ദ്ര മോദിയുടെ ബിജെപി 350 സീറ്റുകളിൽ കൂടുതൽ വിജയിക്കുകയും നാഷണൽ ഡെമോക്രാറ്റിക് അലയൻസ് അഥവാ എൻഡിഎ സഖ്യം 360 മുതൽ 400 വരെ സീറ്റുകൾ നേടുകയും ചെയ്യുമെന്ന പ്രതീക്ഷയിലായിരുന്നു ഈ മുന്നേറ്റം.
-
സ്വര്ണം 'പറ്റിക്കല്' തുടരുന്നു.. ഇന്ന് വീണ്ടും വില കൂടി, തിരികെ കയറി തുടങ്ങിയോ? ഗ്രാം, പവന് വില അറിയാം -
മഞ്ജു വാര്യർ പറയുന്നു, 'സ്ഥാനാർത്ഥിത്വം വാഗ്ദാനം ചെയ്ത് വന്നിട്ടുണ്ട്',ഇനി രാഷ്ട്രീയത്തിലേക്കോ?മറുപടി -
'വിനീതാണ് അമ്മയ്ക്ക് മൊബൈൽ ഫോൺ വാങ്ങിച്ചു കൊടുത്തത്, അത് എനിക്ക് പാരയായി';എം മോഹനൻ്റെ കുറിപ്പ് -
ശനിയും സൂര്യനും ഒന്നിക്കുന്നു; ഈ നക്ഷത്രക്കാരുടെ ഭാഗ്യം തെളിയും, കടം കൊടുത്ത പണം കിട്ടും, പ്രണയം പൂവണിയും! -
ആഗ്രഹിക്കുന്നതെല്ലാം നടക്കും... ഈ രാശിക്കാരുടെ ശുക്രനുദിച്ചു, നിങ്ങളുമുണ്ടോ? -
'പക്വത ഇല്ല,ഭർത്താവിനുള്ള പിന്തുണ തനിക്കും കിട്ടുമെന്ന തെറ്റിധാരണ,ആര്യ രാജേന്ദ്രന് വിനയായത് ഇതൊക്കെ' -
വീണ്ടും ലോക്ക്ഡൗണോ? വ്യക്തത വരുത്തി കേന്ദ്ര സര്ക്കാര്, എന്തും നേരിടാന് സജ്ജം -
യുഎഇയിൽ വ്യാപകമായ മഴ, കൂട്ടിന് ഇടിമിന്നലും ശക്തമായ കാറ്റും; കാരണം ന്യൂനമർദ്ദം, ഡ്രൈവർമാർ ജാഗ്രത! -
10 എണ്ണ ടാങ്കറുകൾ ഹോർമുസ് വഴി കടത്തിവിട്ടു; ഇറാൻ്റെ 'രഹസ്യ സമ്മാനം',വെളിപ്പെടുത്തി ട്രംപ് -
എല്ലാ ആഴ്ചയിലും ഒരു ഗ്രാം പൊന്ന്! കൊച്ചിക്കാരെ പോലെ സ്വര്ണം വാങ്ങി നോക്കിയാലോ? -
പെന്ഷന് 25740 രൂപയായി വര്ധിക്കും? 186% വര്ധനവ്, ശമ്പള കമ്മീഷന് ശുപാര്ശ ഇങ്ങനെയോ? -
കൊടുവള്ളിയിൽ പികെ ഫിറോസിന് കാര്യങ്ങൾ എളുപ്പമാവില്ല; സലീം മടവൂർ തിളങ്ങുമോ? 13 സ്ഥാനാർത്ഥികൾ രംഗത്ത്
Click it and Unblock the Notifications
Sign in with Google