ഐആർസിടിസിയും, ഐആർഎഫ്സിയും ഒരേ ട്രാക്കിൽ; ഈ ജനപ്രിയ റെയിൽവേ ഓഹരികളിൽ മികച്ചത് ഏത്? ഉത്തരം ഇതാ
ഓഹരിവിപണിയെ വളരെ ഗൗരവത്തോടെ ആളുകൾ നോക്കി കാണുന്ന കാലഘട്ടമാണ് ഇപ്പോൾ കടന്നുപോവുന്നത്. ഏത് സ്റ്റോക്കുകൾ വേണമെന്നും, അവ ദീർഘകാല അടിസ്ഥാനത്തിൽ എങ്ങനെ ഉപകരിക്കുമെന്നൊക്കെ ആളുകൾ കാര്യമായി തന്നെ പരിശോധന നടത്തിയാണ് ഇപ്പോൾ നിക്ഷേപം നടത്തി കൊണ്ടിരിക്കുന്നത്.
അത്തരത്തിൽ കഴിഞ്ഞ കാലങ്ങളിൽ ഏറ്റവുമധികം പേർ വാങ്ങിയ, താൽപര്യം പ്രകടിപ്പിച്ച ഓഹരികൾ ഏറെയും റെയിൽവേ മേഖലയിൽ നിന്നുള്ളവയായിരുന്നു. അതിൽ ഏറ്റവും പ്രധാനപ്പെട്ട രണ്ട് ഓഹരികളാണ് ഐആർസിടിസിയും ഐആർഎഫ്സിയും. സ്റ്റോക്ക് എക്സ്ചേഞ്ചുകളിൽ നിക്ഷേപകരെ ഏറ്റവും ആകർഷിച്ച ഇവ രണ്ടും വൺ മൂലധന നിക്ഷേപമുള്ള പൊതുമേഖലാ കമ്പനികളാണ്. ഇവയിൽ ഏതാണ് മികച്ചതെന്ന് നമുക്ക് പരിശോധിക്കാം.
2.07 ലക്ഷം കോടിയിലധികം വിപണി മൂലധനമുള്ള ഏറ്റവും വലിയ റെയിൽവേ ഓഹരിയാണ് ഐആർഎഫ്സി. 76,100 കോടിയിലധികം എം-ക്യാപ് ഉള്ള ഐആർസിടിസിയും ഒട്ടും പിന്നിലല്ല, കണക്കുകളിൽ ആയാലും വാങ്ങുന്നതിൽ ആയാലും. ഇരു കമ്പനികളും അടുത്തിടെ തങ്ങളുടെ മൂന്നാം പാദത്തിലെ വരുമാനം പ്രഖ്യാപിച്ചിരുന്നു.
ആറ് മാസത്തിനുള്ളിൽ 210 ശതമാനം ഉയർച്ചയുള്ള ഒരു മൾട്ടി-ബാഗറാണ് ഐആർഎഫ്സി എന്നത് ശ്രദ്ധിക്കേണ്ടതുണ്ട്. അതേ കാലയളവിൽ ഐആർസിടിസി ഓഹരികൾ 48 ശതമാനം ഉയർച്ചയാണ് രേഖപ്പെടുത്തിയത്. എങ്കിലും ഇവയിൽ ഏത് വാങ്ങണം എന്ന് ചിന്തിക്കുമ്പോൾ നമ്മൾ മറ്റ് ചില ഘടകങ്ങൾ കൂടി പരിഗണിക്കേണ്ടത് അത്യാവശ്യമാണ്.
ഐആർഎഫ്സി :: ഐആർസിടിസി
അതിനായി നാം ആദ്യം പരിശോധിക്കേണ്ടത് വില-ഇക്വിറ്റി അനുപാതമാണ്. ഈ അനുപാതം ഒരു കമ്പനിയുടെ നിലവിലെ സ്റ്റോക്ക് വിലയെ അതിന്റെ ഒരു ഷെയറിലുള്ള വരുമാനവുമായി താരതമ്യം ചെയ്യുന്ന രീതിയിൽ വ്യാപകമായി ഉപയോഗിക്കുന്ന ഘടകമാണ്. ഫെബ്രുവരി 15 വരെ ലഭ്യമായ ബിഎസ്ഇ ഡാറ്റ പ്രകാരം, ഐആർസിടിസിയുടെ വില-ഇക്വിറ്റി അനുപാതം 68.83 ആണ്, 34.37 എന്ന അനുപാതമുള്ള ഐആർഎഫ്സിയേക്കാൾ കൂടുതലാണ് ഇത്.
കൂടാതെ ഇപിഎസും നാം പരിഗണിക്കേണ്ടതുണ്ട്. ഇപിഎസ് എന്നത് ഒരു കമ്പനിയുടെ ലാഭത്തിന്റെ ഭാഗത്തെ പ്രതിനിധീകരിക്കുന്ന സൂചകമാണ്. 2024 സാമ്പത്തിക വർഷത്തിൽ, ഐആർസിടിസിയുടെ ഇപിഎസ് ഷെയറൊന്നിന് 3.75 രൂപയായി ഉയർന്നു, 2023ൽ ഒരു ഷെയറിന് 3.19 രൂപയായിരുന്ന സ്ഥാനത്ത് നിന്ന് ഉയർന്നു. എന്നാൽ ഐആർഎഫ്സിയുടെ ഇപിഎസ് നേരിയ ഇടിവ് രേഖപ്പടുത്തി. 2024 സാമ്പത്തിക വർഷത്തിൽ ഒരു ഓഹരിക്ക് 1.23 രൂപയായി, ഇത് 2023ൽ 1.25 രൂപയായിരുന്നു.
ആദായ വർധനവും നിക്ഷേപത്തിന് മുൻപ് പരിഗണിക്കേണ്ട മുഖ്യ ഘടകങ്ങളിൽ ഒന്നാണ്. ആദായ വർധനവ് അഥവാ ഡിവിഡന്റ് യീൽഡ് എന്നത് സ്റ്റോക്കിൻ്റെ നിലവിലെ മാർക്കറ്റ് വില കൊണ്ട് ഹരിച്ചുള്ള വാർഷിക ഡിവിഡന്റ് പേയ്മെന്റാണ്. നിലവിൽ, ഐആർസിടിസിയുടെ ലാഭവിഹിതം 0.84 ശതമാനം ആണ്, കഴിഞ്ഞ 12 മാസങ്ങളിൽ കമ്പനി ഒരു ഓഹരിക്ക് 8 രൂപ വരെ ലാഭവിഹിതം നൽകിയിട്ടുണ്ട്. ഐആർഎഫ്സിക്ക് 0.94 ശതമാന ത്തോളം ഉയർന്ന ലാഭവിഹിതമുണ്ട്, കഴിഞ്ഞ 12 മാസത്തിനിടെ ഒരു ഓഹരിക്ക് 1.50 രൂപ വരെയാണ് അവർ ലാഭവിഹിതം നൽകിയത്.
കൂടാതെ 2023 ഡിസംബർ 31ന് അവസാനിച്ച പാദത്തിലെ വരുമാനത്തിന്റെ കാര്യത്തിൽ, ഐആർസിടിസി റെയിൽവേ വിഭാഗത്തിലെ മറ്റ് കമ്പനികളെക്കാൾ മികച്ച പ്രകടനം കാഴ്ചവച്ചു. ഐആർഎഫ്സി സമ്മിശ്ര പ്രകടനമാണ് റിപ്പോർട്ട് ചെയ്തത്. ഇതിൽ നിന്നും നിലവിലെ സാഹചര്യത്തിൽ ഏത് ഓഹരി തിരഞ്ഞെടുക്കണം എന്ന കാര്യത്തിൽ ഏകദേശ ധാരണ ലഭിക്കും. എങ്കിലും മാർക്കറ്റ് ട്രെൻഡുകൾ മാറി മറിയുമെന്ന കാര്യത്തിൽ എപ്പോഴും ധാരണ വേണം.
-
"എന്റെ യോഗ്യത ചർച്ച ചെയ്തത് കൊണ്ടാണ് പിഷാരടിയുടെ കാര്യം എടുത്തിട്ടത്, തൃക്കാക്കരക്കാർ മാറി ചിന്തിക്കണം" -
പ്രധാനമന്ത്രി ഒരുപാടു കാര്യങ്ങള് പറഞ്ഞു; ഓമിക്ക് കൊടുത്ത ചോക്ലേറ്റ് നിധി പോലെ സൂക്ഷിച്ചുവച്ചിട്ടുണ്ട് -
പാൻ കാർഡ് നിയമങ്ങളിൽ വൻ മാറ്റം; ഏപ്രിൽ മുതൽ പണമിടപാടുകളിൽ ജാഗ്രത, ഇല്ലെങ്കിൽ പണി കിട്ടും! -
സ്വര്ണം തിരിച്ചുകയറി; എണ്ണ വീണു, ട്രംപിന്റെ ഒറ്റ പ്രഖ്യാപനത്തോടെ വിപണിയില് ട്വിസ്റ്റ്, ചര്ച്ചയില് പ്രതീക്ഷ -
സ്വര്ണം ഊരി നല്കി സ്ത്രീകള്; ഒരു മാസത്തെ ശമ്പളം നല്കി എംഎല്എ, ഇന്ത്യയോട് നന്ദി പറഞ്ഞ് ഇറാന് -
ശുക്രൻ തെളിയും വൈകാതെ; ഈ രാശിക്കാർ പുതിയ കാറും വീടും വാങ്ങും, സ്വത്ത് തർക്കങ്ങൾ പരിഹരിക്കും! -
പൊന്നും പണവും കൈയിലേക്ക്...; ഈ രാശിക്കാര്ക്കിനി രാജയോഗത്തിന് സമാനമായ നേട്ടം -
ഏപ്രില് 1 മുതല് ശമ്പള ഘടന മാറും..! കൈയില് കിട്ടുന്ന ശമ്പളം കുറയുമോ? അറിയേണ്ടതെല്ലാം -
ഹണി റോസിനെ വിട്ട് മൊണാലിസയെ എത്തിച്ച ബോച്ചെയുടെ തന്ത്രം ജയിച്ചു; എന്നാല് സര്ക്കാര് പെടുമോ? -
കേരളത്തിലെ ഈ ജില്ലയ്ക്ക് പറയാനുള്ളത് 'നാണക്കേടിന്റെ' തിരഞ്ഞെടുപ്പ് ചരിത്രം; ഇത്തവണ മാറുമോ -
അഖില് ഇന്ന് പറയുന്നത് നാളെ മാറ്റിപ്പറയും.. മറുപടി രണ്ട് വര്ഷം കഴിഞ്ഞ് തരാം; പരിഹസിച്ച് പിഷാരടി -
ജയിച്ച ആദ്യ സിനിമാക്കാരൻ എംഎൽഎ ആയില്ല- നിയമസഭയിലെ സിനിമാ വിശേഷങ്ങൾ
Click it and Unblock the Notifications
Sign in with Google