സ്റ്റോക്ക് മാർക്കറ്റിലും രാഹുൽ പുലി തന്നെ; ഈ അഞ്ച് മ്യൂച്വൽ ഫണ്ടുകളിലായി നിക്ഷേപിച്ചത് 3.81 കോടി രൂപ
ന്യൂഡൽഹി: വരാനിരിക്കുന്ന ലോക്സഭാ തിരഞ്ഞെടുപ്പിൽ കേരളത്തിലെ വയനാട് മണ്ഡലത്തിൽ മത്സരിക്കാൻ ഒരുങ്ങുകയാണ് കോൺഗ്രസ് നേതാവ് രാഹുൽ ഗാന്ധി. വയനാട്ടിൽ അദ്ദേഹത്തിന് ഇത് രണ്ടാമൂഴമാണ്. കഴിഞ്ഞ ദിവസമാണ് രാഹുൽ ഗാന്ധി തന്റെ നാമനിർദ്ദേശ പത്രിക സമർപ്പിച്ചത്. അതിൽ അദ്ദേഹത്തിന്റെ ഏറ്റവും പുതിയ സ്വത്തു വിവരങ്ങളും പരസ്യപ്പെടുത്തിയിരുന്നു എന്നത് ശ്രദ്ധേയമാണ്.
അതിൽ ഏറ്റവും ശ്രദ്ധേയമായ കാര്യം രാഹുൽ ഗാന്ധിയിലെ നിക്ഷേപകനെ അടയാളപ്പെടുത്തുന്ന ഭാഗമാണ്. ഒരു രാഷ്ട്രീയ നേതാവ് എന്നതിലുപരി താൻ എത്ര വലിയൊരു നിക്ഷേപകൻ ആണെന്ന് രാഹുൽ തെളിയിച്ചിരിക്കുകയാണ്. അതിനുള്ള ഉത്തരം പറയുക ഈ കണക്കുകളാണ്. ചെറിയ നിക്ഷേപം ഒന്നുമല്ല രാഹുലിന് ഓഹരി വിപണിയിലും മ്യൂച്വൽ ഫണ്ടുകളിലുമായി ഉള്ളതെന്ന് ഓർക്കണം.
തിരഞ്ഞെടുപ്പ് കമ്മീഷന് നൽകിയ സത്യവാങ്മൂല പ്രകാരം 4.3 കോടി രൂപയുടെ ഓഹരി വിപണി നിക്ഷേപവും 3.81 കോടി രൂപയുടെ മ്യൂച്വൽ ഫണ്ട് നിക്ഷേപവുമാണ് രാഹുലിന് നിലവിലുള്ളത്. ഏതാണ്ട് എട്ട് കോടിയിലധികം രൂപയുടെ ആകെ നിക്ഷേപം ഉണ്ടെന്ന് ചുരുക്കം. 15.21 ലക്ഷം രൂപ വിപണി മൂല്യമുള്ള സോവറിൻ ഗോൾഡ് ബോണ്ടുകളും രാഹുൽ കൈവശമുണ്ട്.
രാഹുൽ നിക്ഷേപം നടത്തിയ ഓഹരികൾ ഇവയൊക്കെ:
പിഡിലൈറ്റ് ഇൻഡസ്ട്രീസ് ലിമിറ്റഡ്: 42.27 ലക്ഷം മൂല്യം-1474 ഓഹരികൾ, ബജാജ് ഫിനാൻസ് ലിമിറ്റഡ്: 35.89 ലക്ഷം മൂല്യം-551 ഓഹരികൾ, നെസ്ലെ ഇന്ത്യ ലിമിറ്റഡ്: 35.67 ലക്ഷം മൂല്യം-1370 ഓഹരികൾ, ഏഷ്യൻ പെയിന്റ്സ് ലിമിറ്റഡ്: 35.29 ലക്ഷം മൂല്യം- 1231 ഓഹരികൾ, ടൈറ്റൻ കമ്പനി ലിമിറ്റഡ്: 32.59 ലക്ഷം മൂല്യം-897 ഓഹരികൾ, ഹിന്ദുസ്ഥാൻ യുണിലിവർ ലിമിറ്റഡ്: 27.02 ലക്ഷം മൂല്യം-1161 ഓഹരികൾ, ഐസിഐസിഐ ബാങ്ക് ലിമിറ്റഡ്: 24.83 ലക്ഷം മൂല്യം- 2299 ഓഹരികൾ, ദിവിസ് ലബോറട്ടറീസ് ലിമിറ്റഡ്: 19.7 ലക്ഷം മൂല്യം- 567 ഓഹരികൾ, സുപ്രജിത് എഞ്ചിനീയറിംഗ് ലിമിറ്റഡ്: 16.65 ലക്ഷം മൂല്യം- 4068 ഓഹരികൾ, ഗാർവെയർ ടെക്നിക്കൽ ഫൈബേഴ്സ് ലിമിറ്റഡ്: 16.43 ലക്ഷം മൂല്യം- 508 ഓഹരികൾ. എന്നിങ്ങനെയാണ് അദ്ദേഹം വിപണിയിൽ നടത്തിയ ഓഹരി നിക്ഷേപങ്ങൾ.
രാഹുൽ നിക്ഷേപം നടത്തിയ മ്യൂച്വൽ ഫണ്ടുകൾ:
1. എച്ച്ഡിഎഫ്സി സ്മോൾ ക്യാപ് Reg-G: 1.23 കോടിയുടെ നിക്ഷേപം.
2. ഐസിഐസിഐ പ്രുഡൻഷ്യൽ റെഗ് സേവിംഗ്സ്-ജി: 1.02 കോടിയുടെ നിക്ഷേപം
3. പിപിഎഫ്എഎസ് എഫ്സിഎഫ് ഡി വളർച്ച: 19.76 ലക്ഷം
4. എച്ച്ഡിഎഫ്സി എംകോപ് ഡിപി: 19.58 ലക്ഷം
5. ഐസിഐസിഐ ഇക്യൂ ആൻഡ് ഡിഎഫ്: 19.03 ലക്ഷം
രാഹുലിന്റെ ആകെ ആസ്തി വിവരം
വയനാട്ടിൽ രണ്ടാം വട്ടവും ജനവിധി തേടുന്ന രാഹുൽ ഗാന്ധിക്ക് ആകെയുള്ളത് 20.4 കോടി രൂപയുടെ സ്വത്തുക്കളാണെന്നാണ് സത്യവാങ്മൂലത്തിൽ പറയുന്നത്. 55,000 രൂപയാണ് പണമായി രാഹുലിന്റെ കൈവശമുള്ളത്. മേലെ പറഞ്ഞ ഓഹരി, മ്യൂച്വൽ ഫണ്ട്, സ്വർണ ബോണ്ട് എന്നിവയ്ക്ക് പുറമെ 61,52,426 രൂപയുടെ പോസ്റ്റൽ സേവിങ്സ്, 168.800 ഗ്രാമിന്റെ സ്വർണമടക്കം ആഭരണങ്ങൾ എന്നിവയുമുണ്ട്. എന്നാൽ രാഹുലിന് സ്വന്തമായി കാറില്ല എന്നതാണ് കൗതുകകരമായ കാര്യം.
-
മോഹൻലാലിനെ ആര് പിടിച്ച് അഭിനയിപ്പിച്ചു എന്ന് തോന്നി;മമ്മൂട്ടിയുടെ സ്വഭാവമാണത്; ഗോപകുമാർ -
6500 വർഷം പഴക്കമുള്ള കല്ലറയിൽ 1.5 കിലോ സ്വർണം..! മൂവായിരത്തിൽ അധികം ആഭരണങ്ങൾ, ഇതാണ് വർണ -
യുഡിഎഫ് അധികാരത്തിലേക്ക്: രമേശ് ചെന്നിത്തല മുഖ്യമന്ത്രിയാകും! വൻ പ്രഖ്യാപനം -
ഇറാന് കടുത്ത ഉപാധികള് വച്ചു; യുഎസ് താവളങ്ങള് പൂട്ടണം, നിങ്ങള് സ്വയം ചര്ച്ച നടത്തുകയാണോ -
ബെംഗളൂരു നിവാസികളുടെ ശ്രദ്ധയ്ക്ക്; പാർക്കിംഗ് ഇനി കരുതലോടെ മതി, ഇല്ലെങ്കിൽ വൻ പിഴ, കാറിന് 1000, ബൈക്കിന് 650! -
ഇറാൻ ആണവായുധങ്ങൾ വികസിപ്പിക്കില്ലെന്ന് സമ്മതിച്ചു; സംഘർഷം വിജയകരമായി അവസാനിച്ചെന്ന് ട്രംപ് -
ഗുജറാത്ത് ഏകസിവില് കോഡ് ബില്ല് പാസാക്കി; മുസ്ലിം വിരുദ്ധം എന്ന് കോണ്ഗ്രസ്, എതിര്ത്ത് എഎപി -
ശ്രേയ ഘോഷാലിന്റെ ലൈവ് ഷോയുടെ പ്രതിഫലം ലക്ഷങ്ങളല്ല; അമ്പരന്ന് ആരാധകര്: തൊട്ടുമുകളില് എആര് റഹ്മാന് -
'ഇതെന്റെ അവസാനത്തെ വീഡിയോ..'; മൊണാലിസയുടെ ആരോപണത്തില് സനോജ് മിശ്രയുടെ മറുപടി -
യു പ്രതിഭയെ അപമാനിച്ച് ലീഗ് നേതാവ്, കണ്ണീരോടെ ഇടത് സ്ഥാനാർത്ഥി, അപലപിച്ച് മുഖ്യമന്ത്രി പിണറായി വിജയൻ -
യുഡിഎഫ് ആവശ്യപ്പെട്ടു, എസ്ഡിപിഐ പിന്മാറുന്നു? മഞ്ചേശ്വരത്ത് ബിജെപിയെ തോൽപിക്കുക ലക്ഷ്യം -
അവധികാലത്ത് വെറും 24,000 രൂപയ്ക്ക് റെയിൽവേ ഒരുക്കുന്ന അത്ഭുത യാത്ര; ടിക്കറ്റ് ബുക്കിംഗ് തുടങ്ങിക്കഴിഞ്ഞു
Click it and Unblock the Notifications
Sign in with Google