വെറും 10,000 രൂപ 16 ലക്ഷമാക്കി; ഈ മൾട്ടിബാഗർ ഓഹരി തന്നത് സ്വപ്‌ന നേട്ടം, നിക്ഷേപകർ ഡബിൾ ഹാപ്പി

മൾട്ടിബാഗർ സ്‌റ്റോക്ക് എന്ന് കേട്ടാൽ മാത്രമേ ഇന്നത്തെ കാലത്ത് പല നിക്ഷേപകരുടെയും മുഖം തെളിയുകയുള്ളൂ. അതിന് കൃത്യമായ കാരണവുമുണ്ട്, സ്വന്തം പണം എത്രയും വേഗത്തിൽ എത്ര അധികമായി തിരികെ കിട്ടുമെന്നാണല്ലോ ഞാനായാലും നിങ്ങളായാലും ചിന്തിക്കുക. അത് തന്നെയാവും ഓരോ ഉപഭോക്താവിനെയും സ്വാധീനിക്കുന്ന ഘടകം.

അങ്ങനെയുള്ളപ്പോൾ പിന്നെ മൾട്ടിബാഗർ സ്‌റ്റോക്കുകൾക്ക് പിന്നാലെ പായുന്നത് കാണുമ്പോൾ നമുക്കൊരിക്കലും അത്ഭുതപ്പെടാനാവില്ല. ഇനി അതിൽ തന്നെ ചെറിയ നേട്ടങ്ങൾ സ്ഥിരമായി സമ്മാനിക്കുന്നവയും അപ്രതീക്ഷിതമായ മുന്നേറ്റം കാഴ്‌ച വെച്ചവയും ഒക്കെ ഉൾപ്പെടുന്നു എന്നതാണ് ഏറ്റവും ശ്രദ്ധേയമായ കാര്യം.

അത്തരത്തിൽ ഭയങ്കരമായ ഒരു മൾട്ടിബാഗർ നേട്ടം മുന്നോട്ട് വച്ച ഒരു ഓഹരിയാണ് ടെയ്‌ലർമേഡ് റിന്യൂവബിൾ എനർജി ലിമിറ്റഡ്. 2010ൽ രൂപീകൃതമായ ടെയ്‌ലർമേഡ് റിന്യൂവബിൾസ് ലിമിറ്റഡ്, പുനരുപയോഗിക്കാവുന്ന ഊർജ ശ്രോതസുകളുമയി ബന്ധപ്പെട്ട പരിഹാരങ്ങൾ നൽകുന്ന ബിസിനസ്സിൽ ഏർപ്പെട്ടിരിക്കുന്ന രാജ്യത്തെ പ്രമുഖ കമ്പനികളിൽ ഒന്നാണ്.

523 കോടി രൂപ വിപണി മൂലധനമുള്ള കമ്പനിയാണ് ടെയ്‌ലർമേഡ്. കമ്പനിയുടെ ഓഹരികൾ വെള്ളിയാഴ്‌ച സ്‌റ്റോക്ക് സെഷൻ ക്ലോസ് ചെയ്‌ത് 471.50 രൂപയിലെത്തിയിരുന്നു. മുൻ സെഷനിലെ ക്ലോസിംഗ് ഫിഗറായ 487.15 രൂപയുമായി താരതമ്യം ചെയ്യുമ്പോൾ ഏകദേശം 3.30 ശതമാനം ഇടിവ് ഇതിന് നേരിട്ടുവെന്നാണ് കണക്കുകൾ വ്യക്തമാക്കുന്നത്.

ഈ കമ്പനിയുടെ നേട്ടം അവിശ്വസനീയമാണ് എന്നത് യാഥാർഥ്യം. ബോംബെ സ്‌റ്റോക്ക് എക്‌സ്‌ചേഞ്ചിൽ (ബിഎസ്ഇ) നിലവിൽ ലഭ്യമായ കണക്കുകൾ പ്രകാരം, 2020 ഏപ്രിലിൽ ഒരു ഷെയറൊന്നിന് 2.88 രൂപ മുതൽ വിലയുണ്ടായിരുന്നെങ്കിൽ ഇപ്പോൾ ഏകദേശം 16,500 ശതമാനം മൾട്ടിബാഗർ റിട്ടേൺ കമ്പനിയുടെ സ്‌റ്റോക്ക് നൽകിയിട്ടുണ്ട് എന്നാണ് കണക്കുകൾ വ്യക്തമാക്കുന്നത്.

അതായത് ഏതാണ്ട് നാല് വർഷം മുമ്പ് ആരെങ്കിലും 10,000 രൂപ ഈ ഓഹരിയിൽ നിക്ഷേപിച്ചിരുന്നെങ്കിൽ ഇന്ന് അത് ഏകദേശം 16.60 ലക്ഷം രൂപയായി മാറുമായിരുന്നു എന്നതാണ് ഈ ഓഹരിയെ സംബന്ധിച്ചുള്ള ഏറ്റവും വലിയ നേട്ടം. സാധാരണഗതിയിൽ മൾട്ടിബാഗർ ഓഹരികൾക്ക് ഉണ്ടാവുന്നതിലും എത്രയോ അപ്പുറമാണ് ഈ നേട്ടം എന്നതാണ് പ്രധാന കാര്യം.

(മുകളിൽ പറഞ്ഞിരിക്കുന്നത് ഒരു നിക്ഷേപ നിർദ്ദേശമല്ല. ലഭ്യമായ വസ്‌തുതകൾ അടിസ്ഥാനമാക്കിയുള്ള കാര്യങ്ങൾ മാത്രമാണ്. ഓഹരി നിക്ഷേപങ്ങൾ വിപണികളിലെ ലാഭ-നഷ്‌ട സാധ്യതകൾക്ക് വിധേയമാണ് എന്ന വസ്‌തുത എപ്പോഴും ഓർക്കുക. അതിനാൽ തന്നെ ഇത്തരം നിക്ഷേപങ്ങൾ സ്വന്തം ഉത്തരവാദിത്വത്തിൽ വേണം)

English summary

Taylormade Renewables Ltd: This Multibagger Stock Has Given Dream Profit Of 16500 Percentage To Investors