എണ്ണവില കുറയുന്നു.... കാരണമെന്ത്?

കഴിഞ്ഞ അഞ്ച് വര്‍ഷത്തെ ചരിത്രമെടുത്താല്‍ അസംസ്‌കൃത എണ്ണവില കുത്തനെ ഇടിഞ്ഞിരിക്കുകയാണ്. 2009 ന് ശേഷം ആദ്യമായി ബാരലിന് അറുപത് ഡോളറിന് താഴെയെത്തിയിരിക്കുന്നു. കൃത്യമായി പറഞ്ഞാല്‍ 59 ഡോളര്‍.

ആഗോള സാമ്പത്തിക മാന്ദ്യത്തിന് ശേഷം എണ്ണ വിപണി പതുക്കെ മുകളിലേക്ക് കയറി വരികയായിരുന്നു. 2008 ജൂലായ് മാസത്തിലാണ് എണ്ണക്ക് റെക്കോര്‍ഡ് വില ഉണ്ടായിരുന്നത്. ബരലിന് 145 ഡോളര്‍. എന്നാല്‍ ലോകം സാമ്പത്തിക മാന്ദ്യത്തിന്റെ പിടിയില്‍ അമര്‍ന്നപ്പോള്‍ അത് അഞ്ച് മാസം കൊണ്ട് 30 ഡോളര്‍ വരെയായി തകര്‍ന്നടിഞ്ഞു.

എന്നാല്‍ രണ്ടായിരത്തി ഒമ്പതിന്റെ അവസാനത്തോടെ വില കൂടിത്തുടങ്ങി. നൂറ് ഡോറളോടടുപ്പിച്ചുള്ള കണക്കുകളായി പിന്നീടങ്ങോട്ട്. എന്നാല്‍ 2014 ല്‍ എത്തിയപ്പോള്‍ എണ്ണവില വീണ്ടും കുത്തനെ ഇടിയാന്‍ തുടങ്ങി. സമീപകാല ചരിത്രത്തിലെ ഏറ്റവും താഴ്ന്ന നിലയിലേക്ക് എണ്ണവില അടുത്ത വര്‍ഷം താഴ്ന്നേക്കുമെന്നാണ് ആശങ്കകള്‍.

എണ്ണവില താഴുന്നത് ലോകത്തിന്റെ സാമ്പത്തിക ക്രമത്തെ തന്നെ ബാധിക്കുന്ന ഒന്നാണ്. ഡോളറിന്റെ വിനിമയ നിരക്കാണ് പല രാജ്യങ്ങളുടേയും സാമ്പത്തികാവസ്ഥ തന്നെ നിര്‍ണയിക്കുന്നത്. എണ്ണവില എവിടേയും പരാമര്‍ശിക്കപ്പെടുന്നത് പോലും ഡോളറിന്റെ പേരിലാണ്.

English summary

What is the reason for crude oil price fall? It may affected by seasonality in the demand for heating oil, Changes in the cost of crude oil, Competition in local markets and even political instabilities.