ദുബായുടെ മുഖം മാറ്റി, ബുര്ജ് ഖലീഫയും മാളും കെട്ടിപ്പൊക്കി; ആരാണ് മുഹമ്മദ് അല്അബാര്? ആസ്തി ഇത്ര
ദുബായ്: മുഹമ്മദ് അല്അബാര് ഈ പേര് കേട്ടാല് ആര്ക്കും ആളെ മനസ്സിലായെന്ന് വരില്ല. പക്ഷേ അല്അബാര് നിര്മിച്ച അംബരചുംബികളുടെ പേരുകള് കേട്ടാല് ആര്ക്കും കാര്യം മനസ്സിലാവും. ആധുനിക ലോകത്തെ സ്കൈലൈനുകളെ അടിമുടി നവീകരിച്ച വ്യക്തമാണ് അല്അബാര്. ആരാണ് അദ്ദേഹമെന്ന് ഇന്ന് ലോകത്തെ കോടാനുകോടി ജനങ്ങള്ക്ക് അറിയാം.
ബുര്ജ് ഖലീഫ പോലുള്ള അത്യാഡംബര കെട്ടിടങ്ങള് നിര്മിച്ചത് അദ്ദേഹമാണ്. ഇന്ന് വലിയ കോടീശ്വരന്മാരില് ഒരാളാണ് അദ്ദേഹം. വളരെ സാധാരണ കുടുംബത്തില് നിന്നാണ് അദ്ദേഹം ഇന്ന് ആഗോള റിയല് എസ്റ്റേറ്റ് മേഖലയുടെ തലതൊട്ടപ്പനായത്. അത്രത്തോളം പ്രചോദിപ്പിക്കുന്നതാണ് അദ്ദേഹത്തിന്റെ സഞ്ചാരവഴികള്.
1981ല് സിയാറ്റില് യൂണിവേഴ്സിറ്റിയില് നിന്ന് ബിസിനസ് അഡ്മിനിസ്ട്രേഷനില് ബിരുദമെടുത്ത ശേഷമാണ് അല്അബാറിന്റെ കരിയര് ആരംഭിച്ചത്. ബിരുദമെടുത്ത ശേഷം നേരത്തെ യുഎഇയിലെ സെന്ട്രല് ബാങ്കില് ബാങ്കിങ് മാനേജറായിട്ടായിരുന്നു അദ്ദേഹം കരിയര് ആരംഭിച്ചത്.
യുഎഇയുടെ സാമ്പത്തിക വികസന മന്ത്രാലയത്തിന്റെ സ്ഥാപക ഡയറക്ടര് ജനറലായി അദ്ദേഹം നിയമിതനായതോടെയാണ് അടിമുടി കരിയര് മാറിയത്. ഇവിടെ വെച്ചാണ് ദുബായ് ഭരണാധികാരി ഷെയ്ഖ് മുഹമ്മദ് ബില് റാഷിദ് അല് മഖ്തൂമുമായി അടതുത്ത ബന്ധം സ്ഥാപിക്കുന്നത്. ഇത് പിന്നീട് ദുബായ് ടൂറിസത്തിന്റെ മുഖം മാറ്റുത്തിന് തന്നെ കാരണമാവുകയായിരുന്നു.
ദുബായ് ടൂറിസം മേഖലയെ അടിമുടി മാറ്റുന്നതിനും, അന്താരാഷ്ട്ര തലത്തിലെ തന്നെ പ്രമുഖ ഡെസ്റ്റിനേഷനുകളിലൊന്നായി മാറ്റുകയും ചെയ്തത് പിന്നീട് അല്അബാറിന്റെ പ്രവര്ത്തനങ്ങളാണ്. 1997ലാണ് അല്അബാര് എമ്മാര് പ്രോപ്പര്ട്ടീസ് ആരംഭിക്കുന്നത്. ദുബായിലെ മാനം മുട്ടുന്ന പല കെട്ടിടങ്ങളുടെയും നിര്മാണം എമ്മാറാണ് ഏറ്റെടുത്ത് പൂര്ത്തിയാക്കിയത്.
ബുര്ജ് ഖലീഫയ്ക്ക് പുറമേ ദുബായ് മാളും അല്അബാറിന്റെ കമ്പനിയാണ് നിര്മിച്ചത്. എമ്മാറില് 24.3 ശതമാനം ഓഹരി പങ്കാളിത്തമാണ് അല്അബാറിന് ഉള്ളത്. അദ്ദേഹത്തിന്റെ ദീര്ഘവീക്ഷണമാണ് ഇന്ന് ലോകത്തെ തന്നെ ഏറ്റവും വലിയ റിയല് എസ്റ്റേറ്റ് കമ്പനികളിലൊന്നായി എമ്മാറിനെ മാറ്റിയത്. 405188 കോടിയുടെ കമ്പനിയുടെ മൂല്യം.
ആഡംബര ഹോട്ടലുകള്, റീട്ടെയില് ബിസിനസ്, ഖനനം, അങ്ങനെ നീളുന്നു ഇവരുടെ നിക്ഷേപമുള്ള മേഖലകള്. അതേസമയം ഇതുകൊണ്ടൊന്നും അല്അബ്ബാറിന്റെ നിക്ഷേപങ്ങള് അവസാനിച്ചിട്ടില്ല. യുഎഇയില് നൂണ്.കോം എന്നൊരു വെബ്സൈറ്റും 2016ല് അദ്ദേഹം സ്ഥാപിച്ചിരുന്നു.
അത് മിഡില് ഈസ്റ്റിലെ തന്നെ ഓണ്ലൈന് ഷോപ്പിംഗിനെ മാറ്റിമറിക്കുന്നതായിരുന്നു. ഒരു ബില്യണാണ് ഈ കമ്പനിയുടെ മൂല്യം. ഈഗിള് ഹില്സ് എന്ന റിയല് എസ്റ്റേറ്റ് ഡെവലെപ്മെന്റ് കമ്പനിയുടെ ചെയര്മാനുമാണ് അദ്ദേഹം. അബുദാബി ആസ്ഥാനമായി പ്രവര്ത്തിക്കുന്ന കമ്പനിയാണിത്. എമ്മാര് മാളുകളുടെ ബോര്ഡിലും അദ്ദേഹമുണ്ട്.
Click it and Unblock the Notifications
Sign in with Google