കോവിഡ് ചികിത്സയ്ക്കായി എറണാകുളം ജില്ലയില് ഒഴിവുള്ളത് 1522 കിടക്കകള്
എറണാകുളം: കോവിഡ് ചികിത്സയ്ക്കായി ജില്ലയില് ഒഴിവുള്ളത് 1522 കിടക്കകള്. കോവിഡ് രോഗികളുടെ ചികിത്സയ്ക്കായി ജില്ലയില് വിവിധ വിഭാഗങ്ങളിലായി തയ്യാറാക്കിയ 3306 കിടക്കകളില് 1784 പേര് നിലവില് ചികിത്സയിലുണ്ട്. രോഗം സ്ഥിരീകരിച്ച് വീടുകളില് നിരീക്ഷണത്തില് കഴിയാന് സാധിക്കാത്തവര്ക്കായി തയ്യാറാക്കിയ ഡൊമിസിലറി കെയര് സെന്റെറുകളിലായി ജില്ലയില് 586 പേര് ചികിത്സയിലുണ്ട്. ജില്ലയില് ഇതുവരെ ഇത്തരം 28 കേന്ദ്രങ്ങള് സജ്ജമാക്കിയിട്ടുണ്ട്. ഇവിടങ്ങളില് 1049 കിടക്കള് ഒഴിവുണ്ട്.
ജില്ലയില് ബിപിസിഎല്, ടിസിഎസ് എന്നീ സ്ഥാപനങ്ങള് അവരുടെ ജീവനക്കാര്ക്കായി കോവിഡ് ഫസ്റ്റ് ലൈന് ട്രീറ്റ്മെന്റ് സെന്റെറുകള് സജ്ജമാക്കിയിട്ടുണ്ട്. ഇവിടെ 32 പേര് ചികിത്സയിലുണ്ട്. ആരോഗ്യവിഭാഗത്തിന്റെ നേതൃത്വത്തില് സജ്ജമാക്കിയ മുവാറ്റുപുഴ ജനറല് ആശുപത്രിയിലെ കോവിഡ് ഫസ്റ്റ് ലൈന് ട്രീറ്റ്മെന്റ് സെന്ററില് 18 പേര് ചികിത്സയിലുണ്ട് .
ആരോഗ്യവിഭാഗത്തിന്റെ നേതൃത്വത്തില് പതിനൊന്നു കേന്ദ്രങ്ങളിലായി സജ്ജമാക്കിയ കോവിഡ് സെക്കന്റ് ലൈന് ട്രീറ്റ്മെന്റ് സെന്റെറുകളില് 626 കിടക്കള് സജ്ജമാക്കി. ഇവിടങ്ങളില് 452 പേര് ചികിത്സയിലാണ്. ഓക്സിജന് കിടക്കള് അടക്കമുള്ള സെക്കന്റ് ലൈന് ട്രീറ്റ്മെന്റ് സെന്റെറുകളില് കാറ്റഗറി ബി യില് ഉള്പ്പെടുന്ന രോഗികളെയാണ് പ്രവേശിപ്പിക്കുന്നത്. ജില്ലയില് 174 കിടക്കള് വിവിധ സെക്കന്റ് ലൈന് ട്രീറ്റ്മെന്റ് സെന്റെറുകളിലായി ലഭ്യമാണ്.
കോവിഡ് ചികിത്സാ രംഗത്തുള്ള മെഡിക്കല് കോളേജ് ഉള്പ്പെടെയുള്ള പന്ത്രണ്ട് സര്ക്കാര് ആശുപത്രികളിലായി 1045 കിടക്കള് സജ്ജമാണ്. ഇവിടങ്ങളില് നിലവില് 746 പേര് ചികിത്സയിലാണ്. കോവിഡ് രോഗതീവ്രതയുള്ളവരെ ചികിത്സിക്കാന് കഴിയുന്ന ജില്ലയിലെ വിവിധ ആശുപത്രികളിലായി 299 കിടക്കകളും ലഭ്യമാണ്.
Recommended Video
വിജയദിനം ആഘോഷിച്ച് ഇടതുപക്ഷം, ചിത്രങ്ങള് കാണാം
അതേസമയം കോവിഡ് വ്യാപനം അതിരൂക്ഷമായി തുടരുന്ന സാഹചര്യത്തില് പ്രതിരോധനടപടികളുടെ ഭാഗമെന്നോണം ജനങ്ങള് പരമാവധി വീടുകളില് തന്നെ തുടരണമെന്നും , അവശ്യ സാധനങ്ങള് വാങ്ങുന്നതിന് വീട്ടിലെ ഒരു അംഗം മാത്രം പുറത്ത് പോയി വരണം.കോവിഡ് പ്രോട്ടോക്കോള് മാനദണ്ഡങ്ങള് ലംഘിക്കുവാന് ശ്രമിക്കുന്നവര്ക്കെതിരെ 2005ലെ ദുരന്ത നിവാരണ നിയമം, 2020ലെ പകര്ച്ചവ്യാധി തടയല് ഓര്ഡിനന്സ് കൂടാതെ ഇന്ഡ്യന് ശിക്ഷാനിയമം എന്നീവയിലെ ബന്ധപ്പെട്ട വകുപ്പുകള് പ്രകാരം കേസ്സ് എടുക്കുമെന്ന് പോലീസ് കമ്മീഷണര് അറിയിച്ചു .
സൂപ്പർ നായിക തമന്നയുടെ ഫോട്ടോഷൂട്ട് ചിത്രങ്ങൾ
Click it and Unblock the Notifications
Sign in with Google