എറണാകുളം ജില്ലയില് കോവിഡ് ചികിത്സയ്ക്കായി ഒഴിവുള്ളത് 3951 കിടക്കകള്
എറണാകുളം: കോവിഡ് ചികിത്സയ്ക്കായി ജില്ലയില് ഒഴിവുള്ളത് 3951 കിടക്കകള്. കോവിഡ് രോഗികളുടെ ചികിത്സയ്ക്കായി ജില്ലയില് വിവിധ വിഭാഗങ്ങളിലായി തയ്യാറാക്കിയ 6259 കിടക്കകളില് 2308 പേര് നിലവില് ചികിത്സയിലുണ്ട്. രോഗം സ്ഥിരീകരിച്ച് വീടുകളില് നിരീക്ഷണത്തില് കഴിയാന് സാധിക്കാത്തവര്ക്കായി തയ്യാറാക്കിയ ഡൊമിസിലറി കെയര് സെന്ററുകളിലായി 3138 കിടക്കകള് സജ്ജമാക്കിയിട്ടുണ്ട്. ഇവിടങ്ങളില് 1082 പേര് ചികിത്സയിലുണ്ട്. ജില്ലയില് ഇതുവരെ ഇത്തരം 76 കേന്ദ്രങ്ങള് സജ്ജമാക്കിയിട്ടുണ്ട്. ഇവിടങ്ങളില് 2056 കിടക്കള് ഒഴിവുണ്ട്.
ജില്ലയില് ബിപിസിഎല്, ടിസിഎസ് എന്നീ സ്ഥാപനങ്ങള് അവരുടെ ജീവനക്കാര്ക്കായി കോവിഡ് ഫസ്റ്റ് ലൈന് ട്രീറ്റ്മെന്റ് സെന്ററുകളില് 54 കിടക്കകള് സജ്ജമാക്കിയിട്ടുണ്ട്. ഇവിടെ 2 പേര് ചികിത്സയിലുണ്ട്. ആരോഗ്യവിഭാഗത്തിന്റെ നേതൃത്വത്തില് 13 കേന്ദ്രങ്ങളിലായി സജ്ജമാക്കിയ കോവിഡ് ഫസ്റ്റ് ലൈന് ട്രീറ്റ്മെന്റ് സെന്ററുകളില് 946 കിടക്കകള് സജ്ജമാക്കി. ഇവിടങ്ങളില് 442 പേര് ചികിത്സയിലുണ്ട്. ജില്ലയില് 504 കിടക്കള് വിവിധ ഫസ്റ്റ് ലൈന് ട്രീറ്റ്മെന്റ് സെന്ററുകളിലായി ലഭ്യമാണ്.
Recommended Video
ആരോഗ്യവിഭാഗത്തിന്റെ നേതൃത്വത്തില് 15 കേന്ദ്രങ്ങളിലായി സജ്ജമാക്കിയ കോവിഡ് സെക്കന്റ് ലൈന് ട്രീറ്റ്മെന്റ് സെന്റെറുകളില് 777 കിടക്കള് സജ്ജമാക്കി. ഇവിടങ്ങളില് 287 പേര് ചികിത്സയിലാണ്. ജില്ലയില് 490 കിടക്കള് വിവിധ സെക്കന്റ് ലൈന് ട്രീറ്റ്മെന്റ് സെന്ററുകളിലായി ലഭ്യമാണ്. കോവിഡ് ചികിത്സാ രംഗത്തുള്ള മെഡിക്കല് കോളേജ് ഉള്പ്പെടെയുള്ള 18 സര്ക്കാര് ആശുപത്രികളിലായി 1344 കിടക്കള് സജ്ജമാണ്. ഇവിടങ്ങളില് നിലവില് 495 പേര് ചികിത്സയിലാണ്.
കോവിഡ് രോഗതീവ്രതയുള്ളവരെ ചികിത്സിക്കാന് കഴിയുന്ന ജില്ലയിലെ വിവിധ ആശുപത്രികളിലായി 849 കിടക്കകളും ലഭ്യമാണ്. അതേസമയം ടെസ്റ്റ് പോസിറ്റിവിറ്റി നിരക്ക് 30 ശതമാനത്തിനു മുകളില് ആയ ചിറ്റാറ്റുകര പഞ്ചായത്ത് ഒരു ക്ലസ്റ്റര് ആയി പരിഗണിച്ച് നടപടികള് ശക്തിപ്പെടുത്തുമെന്ന് ജില്ലാ കളക്ടര് എസ് സുഹാസ്. കൊച്ചി കോര്പ്പറേഷന്റെ സഹകരണത്തോടെ തെരുവ് നിവാസികള്ക്ക് വേണ്ടി വാക്സിനേഷന് ഡ്രൈവ് നടത്തിവരികയാണെന്നും കളക്ടര് പറഞ്ഞു. ഓരോ ജില്ലയിലെയും കോവിഡ് രോഗ്യ വ്യാപന സ്ഥിതിഗതികള് വിലയിരുത്തുന്നതിനായി ചേര്ന്ന അവലോകന യോഗത്തിലാണ് കളക്ടര് ഇക്കാര്യം വ്യക്തമാക്കിയത്.
Click it and Unblock the Notifications
Sign in with Google