Get Updates
Get notified of breaking news, exclusive insights, and must-see stories!

കളമശ്ശേരി സ്ഫോടനം; ഒരാൾ കൂടി മരണത്തിന് കീഴടങ്ങി, ആകെ മരണം ഏഴായി

കൊച്ചി: കേരളത്തെ നടുക്കിയ കളമശ്ശേരി സ്‌ഫോടനത്തിൽ പരിക്കേറ്റ്‌ ചികിത്സയിലായിരുന്ന ഒരാൾ കൂടി മരണപ്പെട്ടു. തൊടുപുഴ വണ്ടമറ്റം സ്വദേശി കെ വി ജോണാണ്‌ മരണത്തിന് കീഴടങ്ങിയത്. 78 വയസായിരുന്നു. സ്വകാര്യാശുപത്രിയിൽ ചികിത്സയിലിരിക്കെയാണ് അന്ത്യം സംഭവിച്ചത്. ഇദ്ദേഹത്തിന്റെ ഭാര്യ ലില്ലി ജോണും സ്‌ഫോടനത്തിൽ പരിക്കേറ്റ്‌ ചികിത്സയിൽ കഴിയുകയാണ്. വില്ലേജ് ഓഫീസര്‍ ആയി വിരമിച്ച ജോണും ഭാര്യയും കൂടിയാണ് യഹോവാസാക്ഷികളുടെ സമ്മേളനത്തില്‍ പങ്കെടുക്കാനെത്തിയത്.

ജോണിന്റെ മരണത്തോടെ സ്‌ഫോടനത്തിൽ കൊല്ലപ്പെട്ടവരുടെ എണ്ണം ആകെ ഏഴായി ഉയർന്നു. കളമശ്ശേരി സ്ഫോടനം നടന്നിട്ട് ഒരു മാസം പിന്നിട്ടു കഴിഞ്ഞു. ഒക്ടോബര്‍ 29ന് രാവിലെ ഒമ്പതരയോടെ ആയിരുന്നു യഹോവ സാക്ഷികളുടെ കണ്‍വന്‍ഷന്‍ നടന്ന കളമശ്ശേരിയിലെ സാമ്ര ഇന്റര്‍നാഷണല്‍ കണ്‍വെന്‍ഷന്‍ സെന്ററില്‍ സ്‌ഫോടനമുണ്ടായത്. സംഭവസമയം 2500 ഓളം പേര്‍ ഹാളിലുണ്ടായിരുന്നു.

kalamassery

തമ്മനം സ്വദേശിയായ ഡൊമിനിക് മാര്‍ട്ടിനാണ് സ്‌ഫോടനം നടത്തിയത്. ആകെ അമ്പതോളം പേര്‍ക്കായിരുന്നു സ്‌ഫോടനത്തില്‍ പരിക്കേറ്റത്. യഹോവ സാക്ഷികളില്‍പ്പെട്ടയാള്‍ തന്നെയായ ഡൊമിനിക് മാര്‍ട്ടിന്‍ ഭിന്നാഭിപ്രായത്തെ തുടര്‍ന്നാണ് സ്‌ഫോടനം നടത്തിയത്.

വര്‍ഷത്തില്‍ മൂന്ന് തവണയാണ് യഹോവ സാക്ഷികളുടെ പ്രാര്‍ഥന നടക്കാറ്. എല്ലാവര്‍ക്കും സ്വാഗതം എന്നാണ് ഇവരുടെ നിലപാട്. എത്തുന്നവരെ നിരീക്ഷിക്കാന്‍ പ്രത്യേക സംവിധാനമില്ല. സംഘാടകര്‍ തന്നെ സുരക്ഷാ ക്രമീകരണങ്ങള്‍ വരുത്തുകയാണ് ചെയ്യാറുള്ളത്. ഇതിനിടെയാണ് മാർട്ടിന്റെ കടന്നുവരവ്.

അതേസമയം, കളമശ്ശേരി സ്ഫോടനത്തിൽ മരണപ്പെട്ടവരുടെ കുടുംബങ്ങൾക്ക് മുഖ്യമന്ത്രിയുടെ ദുരിതാശ്വാസ നിധിയിൽ നിന്ന് 5 ലക്ഷം രൂപ വീതം ധനസഹായം അനുവദിക്കാൻ മന്ത്രിസഭ യോ​ഗം തീരുമാനിച്ചിരുന്നു. സ്വകാര്യ ആശുപത്രികളിൽ ഉൾപ്പെടെ ചികിത്സയിലുള്ളവരുടെ ചികിത്സാ ചെലവും അനുവദിക്കാൻ ധാരണയായിരുന്നു.

More From
Prev
Next
Notifications
Settings
Clear Notifications
Notifications
Use the toggle to switch on notifications
  • Block for 8 hours
  • Block for 12 hours
  • Block for 24 hours
  • Don't block
Gender
Select your Gender
  • Male
  • Female
  • Others
Age
Select your Age Range
  • Under 18
  • 18 to 25
  • 26 to 35
  • 36 to 45
  • 45 to 55
  • 55+