കൊച്ചിയിലെ സ്വകാര്യ ബസ്സുകളുടെ മത്സരയോട്ടം; പരിഹരിക്കാന് ഗതാഗത മന്ത്രിയുടെ ചര്ച്ച
സംസ്ഥാനത്തെ റോഡുകളില് പ്രത്യേകിച്ച് എറണാകുളം നഗരത്തിലെ സ്വകാര്യ ബസ്സുകളുടെ മത്സരയോട്ടം മൂലം നിരന്തരമുണ്ടാകുന്ന അപകടങ്ങളുടെ പശ്ചാത്തലത്തിലാണ് യോഗം ചേരുവാന് തീരുമാനിച്ചതെന്ന് മന്ത്രി ആന്റണി രാജു പറഞ്ഞു
കൊച്ചി: കൊച്ചിയിലെ സ്വകാര്യ ബസുകളുടെ മത്സര ഓട്ടത്തെ തുടര്ന്നുണ്ടാവുന്ന അപകട സാഹചര്യങ്ങള് ചര്ച്ച ചെയ്യുവാന് ഗതാഗമന്ത്രി ആന്റണി രാജു യോഗം വിളിച്ചു ചേര്ക്കുന്നു. എറണാകുളത്ത് ഫെബ്രുവരി 14 ന് രാവിലെ 10-30ന് ആണ് യോഗം.
മോട്ടോര് വാഹന വകുപ്പ്, പോലീസ്, റോഡ് സേഫ്റ്റി അതോറിറ്റി, തദ്ദേശ സ്വയംഭരണ വകുപ്പ് എന്നിവയിലെ ഉന്നത ഉദ്യോഗസ്ഥരും സ്വകാര്യ ബസ് ഉടമകള്, തൊഴിലാളി സംഘടനകള് എന്നിവയുടെ പ്രതിനിധികളും യോഗത്തില് പങ്കെടുക്കും.
സംസ്ഥാനത്തെ റോഡുകളില് പ്രത്യേകിച്ച് എറണാകുളം നഗരത്തിലെ സ്വകാര്യ ബസ്സുകളുടെ മത്സരയോട്ടം മൂലം നിരന്തരമുണ്ടാകുന്ന അപകടങ്ങളുടെ പശ്ചാത്തലത്തിലാണ് യോഗം ചേരുവാന് തീരുമാനിച്ചതെന്ന് മന്ത്രി ആന്റണി രാജു പറഞ്ഞു.
അതേസമയം സംസ്ഥാനത്തെ റോഡുകളുടെ കുറുകെയും വശങ്ങളിലും അലക്ഷ്യമായി കേബിളുകള് ഇടുന്നത് കൊണ്ടും അനിയന്ത്രിതമായി കുഴികള് കുഴിക്കുന്നത് മൂലവും ഓടയില് സ്ലാബുകള് കൃത്യമായി ഇടാത്തതു കൊണ്ടും ഉണ്ടാകുന്ന അപകടങ്ങള് സംബന്ധിച്ച് ചര്ച്ച ചെയ്യുവാന് ബന്ധപ്പെട്ടവരുടെ യോഗം റോഡ് സുരക്ഷാ അതോറിറ്റി ചെയര്മാന് കൂടിയായ ഗതാഗമന്ത്രി ആന്റണി രാജു വിളിച്ചു ചേര്ക്കുന്നു.
5000 രൂപയുണ്ടോ; എങ്കില് ഈ യാത്ര ഗംഭീരമാക്കാം, ഉറപ്പായും കണ്ടിരിക്കണം ഈ സ്ഥലങ്ങള്
എറണാകുളം കളക്ട്രേറ്റ് കോണ്ഫറന്സ് ഹാളില് ഫെബ്രുവരി 14 ന് ഉച്ചകഴിഞ്ഞ് മൂന്നിന് ആണ് യോഗം. പൊതുമരാമത്ത്, ഗതാഗതം,തദ്ദേശസ്വയംഭരണം എന്നീ വകുപ്പുകളിലെ ഉന്നത ഉദ്യോഗസ്ഥരും കെഎസ്ഇബി, കേരള വാട്ടര് അതോറിറ്റി, വിവിധ ടെലഫോണ് കമ്പനികള്, വിവിധ ടെലിവിഷന് കേബിള് കമ്പനികള് എന്നിവയുടെ പ്രതിനിധികളും യോഗത്തില് പങ്കെടുക്കും.
സംസ്ഥാനത്തെ റോഡുകളില് അലക്ഷ്യമായിട്ടിരിക്കുന്ന കേബിളുകള് മൂലം ഇരുചക്ര വാഹന യാത്രക്കാര്ക്കും സൈക്കിള് യാത്രക്കാര്ക്കും കാല്നടക്കാര്ക്കും നിരന്തരമുണ്ടാകുന്ന റോഡ് സുരക്ഷയുമായി ബന്ധപ്പെട്ട സര്ക്കാര് ഏജന്സികളുടെ ഏകോപനം റോഡ് സുരക്ഷാ അതോറിറ്റിയുടെ ചുമതലയാണ്.
പൊതുനിരത്തിലെ അപകടകരമായ വസ്തുക്കള് നീക്കുന്നതിന് ഉത്തരവിടാനുള്ള അധികാരം 2007-ലെ കേരള റോഡ് സുരക്ഷാ അതോറിറ്റി ആക്ടിലെ 14-) വകുപ്പ് പ്രകാരം റോഡ് സുരക്ഷാ അതോറിറ്റിക്കുണ്ട്. ഇക്കാര്യം കണക്കിലെടുത്താണ് യോഗം വിളിച്ചതെന്ന് മന്ത്രി ആന്റണി രാജു പറഞ്ഞു.
Click it and Unblock the Notifications
Sign in with Google