Click it and Unblock the Notifications
Just In
Don't Miss
-
IPL 2024: സന്ദീപിന്റെ ഫൈഫറോ, ജയ്സ്വാളിന്റെ സെഞ്ച്വറിയോ അല്ല; ടേണിങ് പോയിന്റ് മറ്റൊന്ന്! -
പുത്തൻ ഇലക്ട്രിക് തമ്പ്രാക്കന്മാരുടെ ആപ്പീസ് പൂട്ടും; ആക്ടിവ ഇവിയുടെ വരവിന് കുറിമാനമിട്ട് ഹോണ്ട -
നിങ്ങളുടെ ദാമ്പത്യബന്ധം ശക്തമാണോ? പങ്കാളിയുടെ സ്നേഹം മനസിലാക്കിത്തരും ഈ 8 ലക്ഷണങ്ങള് -
തങ്കപ്പനല്ല, പൊന്നപ്പൻ..! റെക്കോർഡ് വിലയിൽ നിന്നും താഴോട്ടിറങ്ങി സ്വർണം, 5 ദിവസം കൊണ്ട് കുറഞ്ഞത് 1,600 രൂപ -
വോട്ട് ചെയ്ത് തിരികെ പോകാം.. ഏപ്രിൽ 30 വരെ കെഎസ്ആർടിസി ബാംഗ്ലൂർ-കേരളാ സ്പെഷ്യൽ സർവീസ് -
ഐഫോൺ 16 കണ്ട് ഞെട്ടാൻ റെഡിയായിക്കോ! എഐക്കായി ഫോണുകളുടെ തലവര മാറ്റുന്ന നീക്കവുമായി ആപ്പിൾ -
'പോകരുതെന്ന് ആര്യ പലവട്ടം പറഞ്ഞതാണ്, ആ ഉപദേശവും അനുഭവങ്ങളുമാകും സിബിനെ ക്വിറ്റ് ചെയ്യാൻ പ്രേരിപ്പിച്ചത്'
കൊച്ചിയില്‍ നാളെ മുതല്‍ സ്വിഗ്ഗി വിതരണമുണ്ടാകില്ല: തൊഴിലാളികള്‍ പണിമുടക്കിലേക്ക്
കൊച്ചി: ഓണ്‍ലൈന്‍ ഭക്ഷ്യശൃംഖലയായ സ്വിഗ്ഗിയുടെ തൊഴിലാളികള്‍ നാളെ മുതല്‍ സമരത്തിലേക്ക്. വേതനം വര്‍ധിപ്പിക്കണമെന്ന ആവശ്യം കമ്പനി തള്ളിയതോടെയാണ് ജീവനക്കാര്‍ സമരത്തിലേക്ക് നീങ്ങുന്നത്. തിങ്കളാഴ്ച്ച മുതല്‍ അനിശ്ചിത കാല സമരമാണ് തൊഴിലാളികള്‍ പ്രഖ്യാപിച്ചിരിക്കുന്നത്.
അതേസമയം വലിയ പ്രതിസന്ധിയാണ് ഓണ്‍ലൈന്‍ ഭക്ഷണത്തെ ആശ്രയിച്ച് ജീവിക്കുന്നവര്‍ക്ക് ഇതോടെ കൊച്ചിയില്‍ ഉണ്ടാവാന്‍ പോവുന്നത്. സ്വിഗ്ഗി പോലുള്ള ആപ്പുകള്‍ നിരവധി പേര്‍ക്ക് എളുപ്പത്തില്‍ ഭക്ഷണം കിട്ടാനുള്ള മാര്‍ഗമായിരുന്നു. പ്രത്യേകിച്ച് പല ജില്ലകളില്‍ നിന്നും, സംസ്ഥാനത്തിന് പുറത്ത് നിന്നും വന്ന് താമസിക്കുന്നവര്‍ക്ക്.
ആനുകൂല്യങ്ങള്‍ നല്‍കാതെ സ്വിഗ്ഗി തങ്ങളെ വഞ്ചിക്കുകയാണെന്ന് തൊഴിലാളികള്‍ ആരോപിക്കുന്നു. ജീവനക്കാരുടെ സമരപ്രഖ്യാപനത്തില്‍ കമ്പനി ഇതുവരെ പ്രതികരിച്ചിട്ടില്ല. നേരത്തെ വേതന വര്‍ധനവ് ആവശ്യപ്പെട്ട് തിരുവനന്തപുരത്ത് സ്വിഗ്ഗി ജീവനക്കാര്‍ സൂചന പണിമുടക്ക് നടത്തിയിരുന്നു.
ഇന്ധന വിലയുടെ അടക്കം അടിസ്ഥാനത്തില്‍, ചെലവുകള്‍ ധാരാളം വര്‍ധിച്ചിട്ടും, വേതന വര്‍ധനവിനോട് കമ്പനി മുഖം തിരിക്കുകയാണെന്ന് തൊഴിലാളികള്‍ ആരോപിക്കുന്നു. കുറഞ്ഞ വേതനം രണ്ട് കിലോമീറ്ററിന് 25 രൂപയാക്കണമെന്നാണ് പ്രധാന ആവശ്യം. അതേസമയം ജീവനക്കാരുടെ ആവശ്യങ്ങള്‍ അംഗീകരിക്കാനാവില്ലെന്ന നിലപാടിലാണ് കമ്പനി.
അധികം ഓടുന്ന ഓരോ കിലോമീററിനും പത്ത് രൂപ അധികം നല്‍കണം. പാര്‍ട്ട് ടൈം ജീവനക്കാര്‍ക്ക് കുറഞ്ഞത് 500 രൂപയുടെ വരുമാനം ഉറപ്പാക്കുക, എന്നീ മുപ്പത് ആവശ്യങ്ങള്‍ ഉന്നയിച്ചായിരുന്നു തിരുവനന്തപുരത്ത് സമരം നടത്തി. ഇതോടെ അഡീഷണല്‍ ലേബര്‍ കമ്മീഷണറുടെ അധ്യക്ഷതയില്‍ ചര്‍ച്ചയും നടത്തി. ഇതിന് പിന്നാലെയാണ് ജീവനക്കാര്‍ സമരം അവസാനിപ്പിച്ചത്.
വളരെ തുച്ഛമായ തുകയാണ് കമ്പനിയില്‍ നിന്ന് ലഭിക്കുന്നതെന്ന് കൊച്ചിയിലെ സ്വിഗ്ഗി തൊഴിലാളികള്‍ പറയുന്നു. നാല് കിലോമീറ്ററോളം സഞ്ചരിച്ച് തിരികെ എത്തുമ്പോള്‍ കിട്ടുന്നത് ആകെ 20 രൂപ മാത്രമാണെന്ന് ഇവര്‍ പറയുന്നു.
പോകുന്നതും തിരിച്ചുവരുന്നതും അടക്കം എട്ട് കിലോമീറ്റര്‍ വരും. എന്നിട്ടും ചെറിയ വേതനം നല്‍കുന്നതാണ് ജീവനക്കാരെ സമരത്തിലേക്ക് നയിച്ചിരിക്കുന്നത്. കഴിഞ്ഞ ദിവസം സ്വിഗ്ഗി അധികൃതരുമായി ഇവര്‍ ചര്‍ച്ച നടത്തിയിരുന്നു. എന്നാല്‍ അനുകൂലമായ ഒരു മറുപടി കമ്പനിയില്‍ നിന്ന് ഉണ്ടായില്ലെന്ന് ജീവനക്കാര്‍ പറയുന്നു.
വേതനം വര്‍ധിക്കാതെ, ഇനി ഈ തൊഴിലുമായി മുന്നോട്ട് പോകാനാവില്ലെന്നാണ് ജീവനക്കാര്‍ പറയുന്നത്. മിനിമം ഒരു 35 രൂപയെങ്കിലും നല്‍കാതെ പിടിച്ച് നില്‍ക്കാനാവില്ലെന്നാണ് ഇവര്‍ പറയുന്നത്. വേതന വര്‍ധന ഉണ്ടാവുന്നത് വരെ സമരവുമായി മുന്നോട്ട് പോകാനാണ് തീരുമാനമെന്നും സ്വിഗ്ഗി തൊഴിലാളികള്‍ പറഞ്ഞു.
