കുംഭമേളയില് പങ്കെടുത്ത 30 സന്ന്യാസിമാര്ക്ക് കൊവിഡ്, 5 ദിനം കൊണ്ട് 2167 രോഗികള്
ഹരിദ്വാര്: കുംഭമേള ഇന്ത്യയിലെ കൊവിഡ് സൂപ്പര് സ്പ്രെഡറാവുന്നു. കുംഭമേളയില് പങ്കെടുത്ത 30 സന്ന്യാസിമാര്ക്ക് കൊവിഡ് സ്ഥിരീകരിച്ചിരിക്കുകയാണ്. മഹന്ദ നരേന്ദ്ര ഗിരി അടക്കമുള്ളവര്ക്കാണ് കൊവിഡ് സ്ഥിരീകരിച്ചത്. അഖിലേന്ത്യാ അഖാഡ പരിഷത്തിന്റെ നേതാവ് മഹന്ദ ഗിരി. പ്രമുഖനായ മറ്റൊരു സന്ന്യാസി സ്വാമി കപില് ദേവും കൊവിഡ് സ്ഥിരീകരിച്ചവരിലുണ്ടായിരുന്നു. അദ്ദേഹം ചികിത്സയിലിരക്കെ മരിച്ചു. മഹാ നിര്വാനി അഖാഡയുടെ സന്ന്യാസിവരനും നേതാവുമായിരുന്നു അദ്ദേഹം. നിരഞ്ജനി അഖാഡ കുംഭമേളയില് നിന്ന് പിന്മാറിയിരിക്കുകയാണ്.
നിരഞ്ജനി അഖാഡ കുംഭമേളയില് പങ്കെടുക്കുന്ന രണ്ടാമത്തെ വലിയ മതസംഘടനയാണ്. ഒരു അഖാഡയില് ഒതുങ്ങുന്നതല്ല കൊവിഡ് കേസുകള് എന്നാണ് വ്യക്തമാകുന്നത്. നിരഞ്ജി, ജൂണ അടക്കമുള്ള അഖാഡകളിലെല്ലാം കൊവിഡ് സ്ഥിരീകരിച്ചിട്ടുണ്ട്. ശനി സ്നാന് കഴിഞ്ഞതോടെ പലര്ക്കും കൊവിഡ് രോഗലക്ഷണം കാണിച്ച് തുടങ്ങിയെന്നും, ഇതോടെ കുംഭമേളയിലെ പങ്കാളിത്തം അവസാനിപ്പിക്കുകയാണെന്നും നിരഞ്ജനി അഖാഡയുടെ സെക്രട്ടരി രവീന്ദ്ര പൂരി പറഞ്ഞു. 2167 രോഗികളാണ് ഏപ്രില് പത്ത് മുതല് 15 വരെയുള്ള ദിവസങ്ങളിലായി സ്ഥിരീകരിച്ചത്.
രാജ്യത്ത് കൊവിഡ് കേസുകള് കൂടുമ്പോള് കുംഭമേള നടത്താനുള്ള തീരുമാനം വലിയ മണ്ടത്തരമാണെന്ന് വ്യക്തമായിരിക്കുകയാണ്. അതേസമയം താജ്മഹല്, ആഗ്ര ഫോര്ട്ട്, ഫത്തേപൂര് സിക്രി, എന്നിവ മേയ് 15 വരെ അടച്ചു. കൊവിഡ് ശക്തമായ സാഹചര്യത്തിലാണ് തീരുമാനം. അതേസമയം കുംഭമേളയിലെ കൊവിഡില് ആശങ്ക വേണ്ടെന്നാണ് ആരോഗ്യ വകുപ്പ് പറയുന്നത്. ഗുരുതരാവസ്ഥയിലുള്ളവരെ ഋഷികേശിലേക്ക് മാറ്റും. ഏപ്രില് 27ന് വളരെ സുപ്രധാനപ്പെട്ട കുംഭമേള ചടങ്ങുണ്ട്. അതേസമയം ചടങ്ങില് പലരും മാസ്ക് പോലും ഉപയോഗിക്കാതെയാണ് പങ്കെടുത്തത്.
Recommended Video
റമദാന് വ്രതം ആരംഭിച്ചു, രാജ്യത്തെ വിവിധയിടങ്ങളില് നിന്നുള്ള നോമ്പുതുറ ചിത്രങ്ങള് കാണാം
ഇന്ത്യയില് കൊവിഡ് കേസിന്റെ കുതിപ്പിന് കുംഭമേള കാരണമാകുമെന്നാണ് വിദഗ്ധര് ചൂണ്ടിക്കാണിക്കുന്നത്. കുംഭമേളയില് പങ്കെടുത്ത് മടങ്ങുന്നവരെ എല്ലാ സംസ്ഥാനങ്ങളും പരിശോധിക്കുന്നുണ്ട്. അതേസമയം കുംഭമേള നടത്താനുള്ള തീരുമാനത്തെ ഉത്തരാഖണ്ഡ് മുഖ്യമന്ത്രി തിരാഥ് സിംഗ് റാവത്ത് ന്യായീകരിച്ചു. മാസ്ക് ധരിക്കുന്നവരാണ് കുംഭമേളയില് പങ്കെടുക്കുന്നവര്, അവര് സാമൂഹിക അകലം പാലിക്കുന്നുണ്ടെന്നും തിരാഥ് സിംഗ് പറഞ്ഞു. അതേസമയം 24 മണിക്കൂറിനിടെ രണ്ട് ലക്ഷം കൊവിഡ് കേസുകളാണ് റിപ്പോര്ട്ട് ചെയ്തിരിക്കുന്നത്. കുംഭമേള നിര്ത്തിവെക്കുമെന്നും സൂചനയുണ്ട്.
പായൽ രാജ്പുതിൻ്റെ ഏറ്റവും പുതിയ ചിത്രങ്ങൾ കാണാം
Click it and Unblock the Notifications
Sign in with Google