ടിആര്എസിന് തിരിച്ചടി നല്കി കോണ്ഗ്രസ്; മുന് മന്ത്രിയായ പ്രമുഖ നേതാവ് പാര്ടിയിലേക്ക്
ഹൈദരാബാദ്: ടിപിസിസി അധ്യക്ഷനായി രേവന്ത് റെഡ്ഡി എത്തിയതോടെ വലിയ ആവേശത്തിലാണ് തെലങ്കാനയിലെ കോണ്ഗ്രസ്. പാര്ട്ടി എംഎല്എമാര് ഉള്പ്പടേയുള്ളവരുടെ കൂറുമാറ്റം ഉള്പ്പടെ കഴിഞ്ഞ കാലങ്ങളില് ഉണ്ടായ തിരിച്ചടിക്കെല്ലാം വരാനിരിക്കുന്ന നിയമസഭാ തിരഞ്ഞെടുപ്പില് തിരിച്ചടി നല്കുക എന്നതാണ് കോണ്ഗ്രസ് ലക്ഷ്യമിടുന്നത്.
ഇതിന്റെ ഭാഗമായി വിവിധ തരത്തിലുള്ള പദ്ധതികള്ക്ക് സംസ്ഥാനത്ത് കോണ്ഗ്രസ് തുടക്കം കുറിച്ചിട്ടുണ്ട്. അതില് ഏറ്റവും പ്രധാനപ്പെട്ട ഒന്നാണ് മറ്റ് പാര്ട്ടികളിലെ ജനകീയ പിന്തുണയുള്ള നേതാക്കളെ പാര്ട്ടികളെ തിരികെ എത്തിക്കുക എന്നുള്ളത്.
പ്രായം ചോര്ത്താത്ത സൗന്ദര്യം: ബിക്കിനിയില് തിളങ്ങി പറങ്കിമലയിലെ നടി: വൈറലായി ചിത്രങ്ങള്
ടിആര്എസില് നിന്നും ബിജെപിയില് നിന്നുമുള്ള വിവിധ നേതാക്കള് വരും ദിവസങ്ങളില് കോണ്ഗ്രസില് എത്തുമെന്ന് കെപിസിസി അധ്യക്ഷന് രേവന്ത് റെഡ്ഡി അവകാശപ്പെട്ടിരുന്നു. ഇതിന് പിന്നാലെ ബിജെപി എംപിയുടെ സഹോദരന് ഉള്പ്പടേയുള്ള നേതാക്കള് കോണ്ഗ്രസില് എത്തുകയും ചെയ്തു.
ഇപ്പോഴിതാ സംസ്ഥാനത്തെ ഭരണകക്ഷിയായ ടിആര്എസിന് കനത്ത തിരിച്ചടി നല്കികൊണ്ട് അവരുടെ പാളയത്തിലെ ഒരു പ്രമുഖ നേതാവിനെ പാര്ട്ടിയില് എത്തിച്ചിരിക്കുകയാണ് കോണ്ഗ്രസ്. ടിആർഎസ് നേതാവും മുൻ മന്ത്രിയുമായ പട്നം മഹേന്ദർ റെഡ്ഡിയാണ് കോണ്ഗ്രസില് ചേരാന് പോവുന്നത്. ഇത് സംബന്ധിച്ച ഔദ്യോഗിക പ്രഖ്യാപനം ഉടനുണ്ടാവും.
ഐക്യരംഗറഡി ജില്ലയിലെ ഏറ്റവും ശക്തമായ നേതാക്കളിൽ ഒരാളാണ് പട്ടം മഹേന്ദര് റെഡ്ഡി. പട്നം മഹേന്ദർ റെഡ്ഡി പാര്ട്ടി വിട്ടാല് ജില്ലയിലെ ടിആര്എസിന്റെ പ്രശസ്തി തന്നെ നഷ്ടപ്പെടുമെന്നാണ് രാഷ്ട്രീയ വിശകലന വിദഗ്ധർ പറയുന്നത്. അദ്ദേഹത്തോടൊപ്പം മറ്റ് കുടുംബാംഗങ്ങളും കോണ്ഗ്രസില് ചേരുമെന്നാണ് പ്രതീക്ഷിക്കുന്നത്.
മഹേന്ദര് റെഡ്ഡി ടിആര്എസ് വിടുന്നത് സംബന്ധിച്ച അഭ്യൂഹം കഴിഞ്ഞ കുറച്ച് ദിവസമായി സംസ്ഥാനത്തെ പ്രധാന ചര്ച്ചാ വിഷയമാണ്. 2014 ലാണ് ടിഡിപി വിട്ട് മഹേന്ദര് റെഡ്ഡി ടിആര്എസില് ചേരുന്നത്. 2014 ലെ നിയമസഭാ തെരഞ്ഞെടുപ്പിൽ തണ്ടൂർ എംഎൽഎയായി വിജയിച്ച അദ്ദേഹം മന്ത്രിസഭയില് അംഗവുമായി. അക്കാലത്ത് രംഗറെഡ്ഡി ജില്ലയിൽ ദുർബലമായിരുന്ന ടിആർഎസ് പാർട്ടിയെ ശക്തിപ്പെടുത്തുന്നതിൽ നിര്ണ്ണായക പങ്കായിരുന്നു അദ്ദേഹം വഹിച്ചത്.
2018 ലെ തിരഞ്ഞെടുപ്പില് കോണ്ഗ്രസിലെ പൈലറ്റ് രോഹിത് റെഡ്ഡിയോട് മഹേന്ദര് പരാജയപ്പെട്ടു. എന്നാല് പിന്നീട് രോഹിത് റെഡ്ഡി കോണ്ഗ്രസ് വിട്ട് ടിആര്എസില് ചേരുകയും ചെയ്തു. തുടക്കതില് ടിആര്എസില് രോഹിതും മഹേന്ദറും നല്ല സുഹൃത്തുക്കളായി പ്രവര്ത്തിച്ചെങ്കിലും പിന്നീട് ഇവര്ക്കിടയില് വലിയ പ്രശ്നങ്ങള് രൂപപ്പെടാന് തുടങ്ങി. ഇതാണ് പാര്ട്ടിവിടലിന് കാരണമായി വിലയിരുത്തുന്നത്.
വരാനിരിക്കുന്ന നിയമസഭാ തിരഞ്ഞെടുപ്പില് തണ്ടൂര് സീറ്റ് ടിആര്എസ് രോഹിത്തിന് നല്കിയേക്കും. ഇതും മഹേന്ദറിന്റെ പാര്ട്ടി മാറ്റത്തിന് ആക്കം കൂട്ടുന്നു. മഹേന്ദര് റെഡ്ഡി പാര്ട്ടിയിലേക്ക് കടന്ന് വന്നാല് ജില്ലയിലെ നഷ്ടപ്പെട്ട സ്വാധീനം തിരിച്ച് പിടിക്കാന് കഴിയുമെന്ന കണക്ക് കൂട്ടലിലാണ് കോണ്ഗ്രസ്.
Click it and Unblock the Notifications
Sign in with Google