എയർ ഇന്ത്യയുടെ ഡൽഹി-മുംബൈ വിമാനം അടിയന്തിരമായി തിരിച്ചിറക്കി; കാരണം എഞ്ചിൻ തകരാർ, യാത്രക്കാർ സുരക്ഷിതർ
മുംബൈ: ഡൽഹിയിൽ നിന്ന് മുംബൈയിലേക്ക് പറന്ന എയർ ഇന്ത്യ വിമാനം, എഞ്ചിൻ ഓയിൽ പ്രഷർ കുറഞ്ഞതിനെ തുടർന്ന് ടേക്ക്-ഓഫിന് തൊട്ടുപിന്നാലെ ഡൽഹിയിൽ അടിയന്തരമായി തിരിച്ചിറക്കി. വിമാനത്തിന്റെ വലത് എഞ്ചിനിലായിരുന്നു തകരാർ കണ്ടെത്തിയത്. വിമാനം പറന്നുയർന്നതിന് പിന്നാലെയാണ് സാങ്കേതിക തടസം കണ്ടെത്തിയത്.
ബോയിംഗ് 777-337 ഇആർ വിഭാഗത്തിലുള്ള എഐ887 ഫ്ലൈറ്റ് പുലർച്ചെ 3.20ന് ഇന്ദിരാഗാന്ധി വിമാനത്താവളത്തിൽ നിന്ന് പറന്നുയർന്നെങ്കിലും, വലത് എഞ്ചിനിലെ (എൻജിൻ നമ്പർ 2) ഓയിൽ പ്രഷർ പൂജ്യത്തിലേക്ക് താഴുകയായിരുന്നു എന്നാണ് വിവരം. തുടർന്ന് സ്റ്റാൻഡേർഡ് നടപടികളോടെ ഡൽഹിയിൽ തിരിച്ചിറക്കി. ഡൽഹി വിമാനത്താവളത്തിൽ വിമാനം സുരക്ഷിതമായി താഴെയിറക്കി.
യാത്രക്കാരും ജീവനക്കാരും സുരക്ഷിതരാണെന്നും, ആർക്കും പരിക്കുകളില്ലെന്നും അധികൃതർ അറിയിച്ചു. എഞ്ചിൻ ഓയിൽ പ്രഷർ പൂജ്യത്തിലേക്ക് താഴുന്നത് വ്യോമയാന സുരക്ഷയിൽ അതീവ ഗൗരവകരമായ കാര്യമാണ്. എഞ്ചിൻ ഘടകങ്ങളെ തണുപ്പിച്ച് പ്രവർത്തിപ്പിക്കാൻ ഓയിൽ അത്യാവശ്യം. മതിയായ പ്രഷറില്ലായ്മ അമിതമായി ചൂടാകാനും തകരാറിലാകാനും തീപിടിക്കാനും കാരണമാകും.
സംഭവത്തിന് പിന്നാലെ സിവിൽ വ്യോമയാന മന്ത്രാലയം എയർ ഇന്ത്യയോട് വിശദമായ റിപ്പോർട്ട് തേടിയിട്ടുണ്ട്. സാങ്കേതിക പ്രശ്നത്തിൽ വിശദമായ അന്വേഷണം നടത്താൻ ഡയറക്ടറേറ്റ് ജനറൽ ഓഫ് സിവിൽ ഏവിയേഷന് (ഡിജിസിഎ) നിർദ്ദേശം നൽകിയതായി മന്ത്രാലയം എക്സ് പോസ്റ്റിലൂടെ വ്യക്തമാക്കുകയും ചെയ്തിട്ടുണ്ട്.
യാത്രക്കാരുടെ സുരക്ഷ പരമപ്രധാനമാണെന്ന് ഊന്നിപ്പറഞ്ഞുകൊണ്ട്, യാത്രക്കാർക്ക് എല്ലാ സഹായവും നൽകാനും തുടർന്നുള്ള വിമാനങ്ങളിൽ അവരെ ഉൾക്കൊള്ളിക്കാനും മന്ത്രാലയം എയർലൈനിനോട് നിർദ്ദേശിച്ചു. അതേസമയം, എഞ്ചിൻ പാരാമീറ്റർ മുന്നറിയിപ്പിന് ശേഷം, വിമാന ജീവനക്കാർ സ്ഥാപിത സുരക്ഷാ പ്രോട്ടോക്കോളുകൾ അനുസരിച്ചാണ് പ്രവർത്തിച്ചതെന്ന് എയർ ഇന്ത്യ സ്ഥിരീകരിച്ചു.
വിമാനം ആവശ്യമായ സാങ്കേതിക പരിശോധനകൾക്ക് വിധേയമാക്കിയിട്ടുണ്ടെന്നും പൂർണമായ അനുമതി ലഭിച്ചതിനുശേഷം മാത്രമേ സർവീസ് പുനരാരംഭിക്കുകയുള്ളൂവെന്നും എയർലൈൻ കൂട്ടിച്ചേർത്തു. എന്നാൽ ഇത് എപ്പോൾ പൂർത്തിയാവുമെന്നോ സർവീസ് എപ്പോൾ പുനരാരംഭിക്കുമെന്നോ കമ്പനി കൃത്യമായി അറിയിച്ചിട്ടില്ല.
ഡിസംബർ 18ന് രാത്രി ഗണ്ണവാരം വിമാനത്താവളത്തിൽ വിശാഖപട്ടണത്തേക്ക് പോകുകയായിരുന്ന എയർ ഇന്ത്യ എക്സ്പ്രസ് വിമാനം എഞ്ചിൻ സംബന്ധമായ സാങ്കേതിക തകരാർ കണ്ടെത്തിയതിനെ തുടർന്ന് റദ്ദാക്കിയതിന് ദിവസങ്ങൾക്ക് ശേഷമാണ് ഈ സംഭവം ഉണ്ടായിരിക്കുന്നത്. ഇത് എയർ ഇന്ത്യ എക്സ്പ്രസ് സർവീസുകളെ കുറിച്ചുള്ള ആശങ്ക ഉയർത്തുന്നതിന് കാരണമാവുന്നുണ്ട്. പിന്നാലെയാണ് എയർ ഇന്ത്യ വിമാനത്തിനും തകരാർ ഉണ്ടായിരിക്കുന്നത്.
-
"എന്റെ യോഗ്യത ചർച്ച ചെയ്തത് കൊണ്ടാണ് പിഷാരടിയുടെ കാര്യം എടുത്തിട്ടത്, തൃക്കാക്കരക്കാർ മാറി ചിന്തിക്കണം" -
പ്രധാനമന്ത്രി ഒരുപാടു കാര്യങ്ങള് പറഞ്ഞു; ഓമിക്ക് കൊടുത്ത ചോക്ലേറ്റ് നിധി പോലെ സൂക്ഷിച്ചുവച്ചിട്ടുണ്ട് -
പാൻ കാർഡ് നിയമങ്ങളിൽ വൻ മാറ്റം; ഏപ്രിൽ മുതൽ പണമിടപാടുകളിൽ ജാഗ്രത, ഇല്ലെങ്കിൽ പണി കിട്ടും! -
സ്വര്ണം തിരിച്ചുകയറി; എണ്ണ വീണു, ട്രംപിന്റെ ഒറ്റ പ്രഖ്യാപനത്തോടെ വിപണിയില് ട്വിസ്റ്റ്, ചര്ച്ചയില് പ്രതീക്ഷ -
സ്വര്ണം ഊരി നല്കി സ്ത്രീകള്; ഒരു മാസത്തെ ശമ്പളം നല്കി എംഎല്എ, ഇന്ത്യയോട് നന്ദി പറഞ്ഞ് ഇറാന് -
ശുക്രൻ തെളിയും വൈകാതെ; ഈ രാശിക്കാർ പുതിയ കാറും വീടും വാങ്ങും, സ്വത്ത് തർക്കങ്ങൾ പരിഹരിക്കും! -
പൊന്നും പണവും കൈയിലേക്ക്...; ഈ രാശിക്കാര്ക്കിനി രാജയോഗത്തിന് സമാനമായ നേട്ടം -
ഏപ്രില് 1 മുതല് ശമ്പള ഘടന മാറും..! കൈയില് കിട്ടുന്ന ശമ്പളം കുറയുമോ? അറിയേണ്ടതെല്ലാം -
ഹണി റോസിനെ വിട്ട് മൊണാലിസയെ എത്തിച്ച ബോച്ചെയുടെ തന്ത്രം ജയിച്ചു; എന്നാല് സര്ക്കാര് പെടുമോ? -
കേരളത്തിലെ ഈ ജില്ലയ്ക്ക് പറയാനുള്ളത് 'നാണക്കേടിന്റെ' തിരഞ്ഞെടുപ്പ് ചരിത്രം; ഇത്തവണ മാറുമോ -
അഖില് ഇന്ന് പറയുന്നത് നാളെ മാറ്റിപ്പറയും.. മറുപടി രണ്ട് വര്ഷം കഴിഞ്ഞ് തരാം; പരിഹസിച്ച് പിഷാരടി -
ജയിച്ച ആദ്യ സിനിമാക്കാരൻ എംഎൽഎ ആയില്ല- നിയമസഭയിലെ സിനിമാ വിശേഷങ്ങൾ
Click it and Unblock the Notifications
Sign in with Google