കെജ്രിവാളിന്റെ അറസ്റ്റ്; തോൽവി ഭയന്നിട്ടെന്ന് അഖിലേഷ്, രാജ്യവ്യാപക പ്രക്ഷോഭത്തിന് ആഹ്വാനം ചെയ്ത് എഎപി
ന്യൂഡൽഹി: ബിജെപിക്കെതിരെ രാജ്യവ്യാപക പ്രതിഷേധത്തിന് ആഹ്വാനം ചെയ്ത് എഎപി. ഡൽഹി മുഖ്യമന്ത്രി അരവിന്ദ് കെജ്രിവാളിനെ അറസ്റ്റ് ചെയ്ത ഇഡി നടപടിക്ക് പിന്നാലെയാണ് കടുത്ത വിമർശനവുമായി അവർ രംഗത്ത് വന്നിരിക്കുന്നത്. എഎപി ഡൽഹി യൂണിറ്റ് കൺവീനർ ഗോപാൽ റായ് പ്രതിഷേധത്തിന് ആഹ്വാനം ചെയ്തു. കെജ്രിവാളിന്റെ അറസ്റ്റ് ജനാധിപത്യത്തിന്റെ കൊലപാതകവും ഏകാധിപത്യത്തിന്റെ പ്രഖ്യാപനവുമാണെന്ന് റായ് കൂട്ടിച്ചേർത്തു.
വ്യാഴാഴ്ച വൈകുന്നേരത്തോടെയാണ് എക്സൈസ് നയവുമായി ബന്ധപ്പെട്ട കള്ളപ്പണം വെളുപ്പിക്കൽ കേസിൽ അരവിന്ദ് കെജ്രിവാളിനെ ഇഡി അറസ്റ്റ് ചെയ്യുകയും ഏജൻസിയുടെ ആസ്ഥാനത്തേക്ക് കൊണ്ടുപോവുകയും ചെയ്തത്. അറസ്റ്റ് തടയാൻ ഹൈക്കോടതി വിസമ്മതിച്ചതിനെ തുടർന്നാണ് കെജ്രിവാളിനെതിരെ ഇഡി കടുത്ത നടപടിയുമായി രംഗത്ത് വന്നത്.
'ഈ സ്വേച്ഛാധിപത്യത്തിനെതിരെ രാജ്യത്തുടനീളമുള്ള ബിജെപി ഓഫീസുകൾക്ക് പുറത്ത് പ്രതിഷേധിക്കാൻ ഞാൻ പൗരന്മാരോട് അഭ്യർത്ഥിക്കുന്നു. വെള്ളിയാഴ്ച രാവിലെ 10 മണിക്ക് എഎപി ഓഫീസിൽ ഒത്തുകൂടുകയും തുടർന്ന് ബിജെപി ആസ്ഥാനത്തിന് പുറത്ത് പ്രതിഷേധിക്കുകയും ചെയ്യും' ഗോപാൽ അറിയിച്ചു.
കെജ്രിവാളിനെ അറസ്റ്റ് ചെയ്യാൻ കഴിയുമെങ്കിൽ, ആരെയും അറസ്റ്റ് ചെയ്യാനും അവരുടെ ശബ്ദം അടിച്ചമർത്താനും കഴിയും. ഇന്ന് മുതൽ പോരാട്ടം ആരംഭിക്കുകയാണ്, അരവിന്ദ് കെജ്രിവാൾ കേവലം ഒരു വ്യക്തിയല്ല, പ്രത്യയശാസ്ത്രമാണെന്നും ഗോപാൽ റായ് കൂട്ടിച്ചേർത്തു. എഎപിയുടെ പ്രക്ഷോഭ പരിപാടിയിലേക്ക് ഇന്ത്യ സഖ്യത്തിലെ മറ്റ് കക്ഷികളെയും ക്ഷണിച്ചിട്ടുണ്ട്.
അതേസമയം, കെജ്രിവാളിന്റെ അറസ്റ്റിൽ കടുത്ത വിമർശനവുമായി സമാജ്വാദി പാർട്ടി അധ്യക്ഷൻ അഖിലേഷ് യാദവ് രംഗത്തെത്തി. വരാനിരിക്കുന്ന ലോക്സഭാ തിരഞ്ഞെടുപ്പിൽ ബിജെപിക്ക് പരാജയപ്പെടുമെന്ന ഭയപ്പെടുന്നുണ്ടെന്നും അതിനാൽ പ്രതിപക്ഷ നേതാക്കളെ പൊതുജനങ്ങളിൽ നിന്ന് അകറ്റി നിർത്താനാണ് ശ്രമിക്കുന്നതെന്നും അഖിലേഷ് യാദവ് ഒരു എക്സ് പോസ്റ്റിലൂടെ പറഞ്ഞു.
"തോൽവി ഭയന്ന് കഴിയുന്നവർ മറ്റൊരാളെ ജയിലിലടച്ചാൽ എന്ത് ചെയ്യും? ഇനി അധികാരത്തിൽ വരില്ലെന്ന് ബിജെപിക്ക് അറിയാം. ഈ ഭയം മറികടന്ന് പ്രതിപക്ഷ നേതാക്കളെ ഏത് വിധേനയും പൊതുജനമധ്യത്തിൽ നിന്ന് അകറ്റാനാണ് അവർ ആഗ്രഹിക്കുന്നത്. ഈ അറസ്റ്റ് ഒരു പുതിയ ജനകീയ വിപ്ലവത്തിന് ജന്മം നൽകും" അഖിലേഷ് യാദവ് എക്സ് പോസ്റ്റിൽ കൂട്ടിച്ചേർത്തു.
അതേസമയം, എക്സൈസ് നയവുമായി ബന്ധപ്പെട്ട കള്ളപ്പണം വെളുപ്പിക്കൽ കേസിൽ അരവിന്ദ് കെജ്രിവാളിന്റെ അറസ്റ്റിനെതിരായ ഹർജി വെള്ളിയാഴ്ച സുപ്രീം കോടതി പരിഗണിക്കുമെന്ന് ഡൽഹി മന്ത്രി അതിഷി അറിയിച്ചു. നേരത്തെ കേസിൽ അടിയന്തര ഹിയറിംഗ് വേണമെന്ന് അരവിന്ദ് കെജ്രിവാൾ ആവശ്യപ്പെട്ടെങ്കിലും സുപ്രീം കോടതി ആവശ്യം തള്ളിയിരുന്നു.
-
"എന്റെ യോഗ്യത ചർച്ച ചെയ്തത് കൊണ്ടാണ് പിഷാരടിയുടെ കാര്യം എടുത്തിട്ടത്, തൃക്കാക്കരക്കാർ മാറി ചിന്തിക്കണം" -
പ്രധാനമന്ത്രി ഒരുപാടു കാര്യങ്ങള് പറഞ്ഞു; ഓമിക്ക് കൊടുത്ത ചോക്ലേറ്റ് നിധി പോലെ സൂക്ഷിച്ചുവച്ചിട്ടുണ്ട് -
പാൻ കാർഡ് നിയമങ്ങളിൽ വൻ മാറ്റം; ഏപ്രിൽ മുതൽ പണമിടപാടുകളിൽ ജാഗ്രത, ഇല്ലെങ്കിൽ പണി കിട്ടും! -
സ്വര്ണം തിരിച്ചുകയറി; എണ്ണ വീണു, ട്രംപിന്റെ ഒറ്റ പ്രഖ്യാപനത്തോടെ വിപണിയില് ട്വിസ്റ്റ്, ചര്ച്ചയില് പ്രതീക്ഷ -
സ്വര്ണം ഊരി നല്കി സ്ത്രീകള്; ഒരു മാസത്തെ ശമ്പളം നല്കി എംഎല്എ, ഇന്ത്യയോട് നന്ദി പറഞ്ഞ് ഇറാന് -
ശുക്രൻ തെളിയും വൈകാതെ; ഈ രാശിക്കാർ പുതിയ കാറും വീടും വാങ്ങും, സ്വത്ത് തർക്കങ്ങൾ പരിഹരിക്കും! -
പൊന്നും പണവും കൈയിലേക്ക്...; ഈ രാശിക്കാര്ക്കിനി രാജയോഗത്തിന് സമാനമായ നേട്ടം -
ഏപ്രില് 1 മുതല് ശമ്പള ഘടന മാറും..! കൈയില് കിട്ടുന്ന ശമ്പളം കുറയുമോ? അറിയേണ്ടതെല്ലാം -
ഹണി റോസിനെ വിട്ട് മൊണാലിസയെ എത്തിച്ച ബോച്ചെയുടെ തന്ത്രം ജയിച്ചു; എന്നാല് സര്ക്കാര് പെടുമോ? -
കേരളത്തിലെ ഈ ജില്ലയ്ക്ക് പറയാനുള്ളത് 'നാണക്കേടിന്റെ' തിരഞ്ഞെടുപ്പ് ചരിത്രം; ഇത്തവണ മാറുമോ -
അഖില് ഇന്ന് പറയുന്നത് നാളെ മാറ്റിപ്പറയും.. മറുപടി രണ്ട് വര്ഷം കഴിഞ്ഞ് തരാം; പരിഹസിച്ച് പിഷാരടി -
ജയിച്ച ആദ്യ സിനിമാക്കാരൻ എംഎൽഎ ആയില്ല- നിയമസഭയിലെ സിനിമാ വിശേഷങ്ങൾ
Click it and Unblock the Notifications
Sign in with Google