ബ്രേക്കിന് പകരം ആക്‌സിലേറ്റര്‍, ടോള്‍ പ്ലാസയിലേക്ക് കാര്‍ ഇരച്ചുകയറി, ഒടുവില്‍ സംഭവിച്ചത് ഇങ്ങനെ

ജയ്പൂര്‍: രാജസ്ഥാനില്‍ ഞെട്ടിക്കുന്ന അപകടത്തിന്റെ വീഡിയോ ദൃശ്യങ്ങള്‍ പുറത്തുവന്നിരിക്കുകയാണ്. കാര്‍ ടോള്‍ പാസയിലേക്ക് നിയന്ത്രണം വിട്ട് ഇരച്ച് കയറുന്നതാണ് വീഡിയോയില്‍ ഉള്ളത്. രാജസ്ഥാനിലെ കിഷന്‍ഗഞ്ചിലുള്ള ടോള്‍ പാസയിലാണ് സംഭവം നടന്നത്. അതേസമയം വിശദവിവരങ്ങള്‍ ലഭ്യമായിട്ടില്ലെന്നാണ് പോലീസ് റിപ്പോര്‍ട്ട്. എന്നാല്‍ കഷ്ടിച്ചാണ് പലരും രക്ഷപ്പെട്ടതെന്ന് ദൃക്‌സാക്ഷികള്‍ പറയുന്നു.

ഡ്രൈവര്‍ ബ്രേക്കിന് പകരം ആക്‌സിലേറ്റര്‍ ചവിട്ടി പിടിച്ചതാണ് അതിവേഗത്തില്‍ കാര്‍ ആളുകള്‍ക്കിടയിലേക്ക് കുതിച്ച് കയറാന്‍ കാരണമായതെന്നാണ് വീഡിയോയില്‍ നിന്ന് വ്യക്തമാകുന്നത്. നിരവധി പേര്‍ക്ക് പരിക്കേറ്റിട്ടുണ്ട്. ആളുകള്‍ വാഹനം ഇടിച്ച് തെറിപ്പിക്കുന്നത് സമീപത്തെ ക്യാമറയില്‍ പതിഞ്ഞിട്ടുണ്ട്. എന്നാല്‍ ആക്‌സിലേറ്റര്‍ അബദ്ധത്തില്‍ അമര്‍ത്തിയതാണെന്നാണ് ഡ്രൈവര്‍ പറഞ്ഞിരിക്കുന്നത്.

അതേസമയം ആരും അപകടത്തില്‍ മരിച്ചിട്ടില്ലെന്ന് പോലീസ് പറയുന്നു. പരിക്കേറ്റവരെ ആശുപത്രിയില്‍ പ്രവേശിപ്പിച്ചിട്ടുണ്ട്. ഇയാള്‍ മനപ്പൂര്‍വം കാര്‍ ഇടിച്ചതാണെന്ന്് ആരോപണമുയര്‍ന്നിട്ടുണ്ട്. പോലീസ് ഡ്രൈവറെ ചോദ്യം ചെയ്‌തോ എന്ന് വ്യക്തമല്ല. എന്നാല്‍ കേസിനെ കുറിച്ചോ ആരാണ് വണ്ടിയോടിച്ചതെന്നോ തുടങ്ങിയ കാര്യങ്ങളും പോലീസ് വെളിപ്പെടുത്തിയിട്ടില്ല. ഇത് മനപ്പൂര്‍വം മറച്ചുവെക്കുന്നതാണെന്നും ചിലര്‍ ആരോപിക്കുന്നുണ്ട്.

വീഡിയോയില്‍ ടോള്‍ പ്ലാസയില്‍ വെച്ച് ആളുകള്‍ കാറിന് ചുറ്റും നില്‍ക്കുന്നത് കാണാം. പിന്നീട് കാര്‍ പിന്നോട്ടെടുക്കുന്നുണ്ട്. തുടര്‍ന്ന് ആളുകള്‍ മുന്നോട്ട് പോകുമ്പോള്‍ അതിവേഗത്തില്‍ ഈ കാര്‍ ഇവര്‍ക്കിടയിലേക്ക് ഓടിയെത്തുകയായിരുന്നു. ഇവരെയെല്ലാം ഇടിച്ചു തെറിപ്പിച്ചാണ് കാര്‍ മുന്നോട്ട് പോയത്. ഇതിനിടെ കാറിന്റെ വാതില്‍ തുറക്കുന്നുമുണ്ട്. ഇത് മനപ്പൂര്‍വം സംഭവിച്ചതാണെന്ന ആരോപണങ്ങള്‍ ശരിവെക്കുന്നതാണ് ദൃശ്യങ്ങളില്‍ നിന്ന് വ്യക്തമാകുന്നത്.

#WATCH Rajasthan: A car ran over people after the driver accidentally pressed the accelerator at a toll plaza in Kishangarh. No casualties reported. Police say,' Injured are undergoing treatment at a hospital.' pic.twitter.com/mBeaEbZ4b2

— ANI (@ANI) July 29, 2019

English summary

car rams into people at toll plaza