കാമുകിമാര്‍ 20, കുടിക്കുന്നത് ഷിവാസ് റീഗല്‍; ബെംഗളൂരുവില്‍ ശിവയല്ല, ഗുരുജി!

66 കാരനായ ശിവ എന്ന ശിവകുമാരയ്യ പോലീസ് പറയുന്നത് വെച്ച് നോക്കിയാല്‍ ഒരു പ്ലേ ബോയ് ആണ്. 17നും 40നും ഇടയിലുള്ള ഇരുപതോളം കാമുകിമാരാണ് ഇയാള്‍ക്കുള്ളത്. ഇവരുമായി ഇയാള്‍ നിരന്തരമായി ബന്ധം പുലര്‍ത്തുകയും ചെയ്യുന്നുണ്ടത്രെ. ഇവരില്‍ പലരോടും പോലീസ് സംസാരിച്ചു. ശിവയില്‍ എല്ലാവരും ആകൃഷ്ടരാണ് എന്നാണ് പോലീസ് പറയുന്നത്. പണമായിരിക്കണം പ്രധാന കാരണം.

റിട്ടയേര്‍ഡ് ഹെഡ്മാസ്റ്ററായ ശിവകുമാര്‍ മാര്‍ച്ച് 31 ന് രണ്ടാമതും ചോദ്യപ്പേപ്പര്‍ ചോര്‍ന്നതോടെയാണ് പോലീസിന്റെ അന്വേഷണത്തിന് കീഴില്‍ വരുന്നത്. മാര്‍ച്ച് 22ന് മുമ്പും ചോദ്യപ്പേപ്പര്‍ ചോര്‍ന്നിരുന്നു. ഒടുവില്‍ ഏപ്രില്‍ 12നാണ് പരീക്ഷ നടന്നത്. ഇതുമായി ബന്ധപ്പെട്ട് അറസ്റ്റ് നടന്നതോടെ ശിവകുമാര്‍ വളരെയധികം ശ്രദ്ധാലുവായി. മൊബൈല്‍ ഫോണോ എ ടി എം പോലുമോ ഇയാള്‍ ഉപയോഗിച്ചിരുന്നില്ലത്രെ.

ഏറ്റവും പ്രിയപ്പെട്ട ഒരു കാമുകിയുമായി മാത്രമാണ് ഇയാള്‍ ബന്ധം പുലര്‍ത്തിയിരുന്നത്. ഇവരെ പിന്തുര്‍ന്നാണ് പോലീസ് ശിവയെ ട്രാപ്പിലാക്കിയത്. പോലീസ് പിടിയിലായതും ഇയാള്‍ പറഞ്ഞത് തനിക്ക് ചോദ്യപ്പേപ്പര്‍ ചോര്‍ച്ചയുമായി ബന്ധമില്ല എന്നാണ്. തന്നെ ആളുകള്‍ ഇതില്‍ പെടുത്തിയതാണ് എന്നും ശിവ പോലീസിനോട് പറഞ്ഞു. ശിവയെ കിട്ടിയത് കൊണ്ട് മാത്രം ഈ കേസ് എങ്ങും എത്തുന്നില്ല. കുമാരസ്വാമി അടക്കമുള്ള പലരും ഒളിവിലാണ് എന്നത് തന്നെ കാരണം.

English summary

CID nabs PU paper leak main accused Shiva aks Shivakumaraiah from Hosur Road