ചെന്നൈ-ദുബായ് ഇൻഡിഗോ വിമാനത്തിന് വ്യാജ ബോംബ് ഭീഷണി

ചെന്നൈ: ചെന്നൈയിൽ നിന്നും ദുബായിലേക്ക് പോകുന്ന ഇൻഡിഗോ വിമാനത്തിന് വ്യാജ ബോംബ് ഭീഷണി. പോലീസ് കൺട്രോൾ റൂമിലേക്കായിരുന്നു സന്ദേശം വന്നത്.
തുടർന്ന് സുരക്ഷാ ഏജൻസികൾ സമഗ്രമായ പരിശോധന നടത്തിയതായി വിമാനത്താവള അധികൃതർ അറിയിച്ചു.

രാവിലെ 7.20 ന് പുറപ്പെടേണ്ടതായിരുന്നു വിമാനം. 170 യാത്രക്കാരായിരുന്നു വിമാനത്തിൽ ഉണ്ടായിരുന്നത്. ഇതിനിടയിലായിരുന്നു ഭീഷണി സന്ദേശം വന്നത്. പരിശോധനയിൽ അസ്വാഭാവികമായി ഒന്നും കണ്ടെത്തിയില്ലെന്ന് അധികൃതർ അറിയിച്ചു. സംഭവത്തിൽ അന്വേഷണം ആരംഭിച്ചതായും അധികൃതർ വ്യക്തമാക്കി.

English summary

Chennai-Dubai IndiGo flight receives fake bomb threat