Click it and Unblock the Notifications
Just In
Don't Miss
-
Weekly Numerology Horoscope: മേടത്തിലെ സൂര്യന് വെറുതേ അസ്തമിക്കില്ല: സൂര്യനെപ്പോലെ തിളങ്ങും ഭാഗ്യം -
സ്വന്തമായി ബൈക്കില്ലെങ്കിലും ലോകത്തെവിടെയും ബുള്ളറ്റിൽ ചുറ്റിക്കറങ്ങാം; എങ്ങനയെന്ന് എൻഫീൽഡ് പറഞ്ഞു തരും -
സലിം കുമാര് പറ്റില്ലെന്ന് മുഖത്തടിച്ച പോലെ പറഞ്ഞു; സങ്കടമായി, പിന്നെ സംഭവിച്ചത്; കുളപ്പുള്ളി ലീല -
ദിവസവും 233 രൂപ മാറ്റിവയ്ക്കാമോ, 12 ലക്ഷം രൂപ കയ്യിലെത്തും, ഇതാണ് പോസ്റ്റ് ഓഫീസ് പദ്ധതി -
കൊട്ടിയൂർ വൈശാഖോത്സവം 2024: ദർശനം പോലും പുണ്യം! അറിയാം പ്രധാന തിയതികളും വിശേഷ ദിവസങ്ങളും -
വാങ്ങാൻ ഒരു നിമിഷം പോലും പാഴാക്കരുത്, മോട്ടറോളയുടെ ജീനിയസ് സ്മാർട്ട്ഫോണിന് 5000 രൂപ ഡിസ്കൗണ്ട്! -
IPL 2024: സിക്സര്രാജ! ലഖ്നൗ ടീമിനെ ഒറ്റയ്ക്ക് പിന്നിലാക്കി രോഹിത്തിന്റെ അഴിഞ്ഞാട്ടം
'മരിച്ച' ബന്ധുവിനെ കാണാന്‍ ആശുപത്രിയില്‍ എത്തിയവര്‍ അതു കണ്ട് ഞെട്ടി!! അയാള്‍...പിന്നീട് നടന്നത്
ബംഗാളിലാണ് സംഭവം നടന്നത്
ഹൗറ: പശ്ചിമ ബംഗാളിലെ ഹൗറയില്‍ ഒരേ സമയം ഞെട്ടിക്കുകയും ചിരിപ്പിക്കുകയും ചെയ്ത സംഭവം നടന്നു. ഡോക്ടര്‍മാര്‍ മരിച്ചെന്നു പ്രഖ്യാപിച്ച രോഗിയെ ആശുപത്രിയില്‍ ജീവനോടെ കണ്ട ബന്ധുക്കള്‍ അമ്പരക്കുകയായിരുന്നു.
56 കാരനായ ജയനാരായണ്‍ പാണ്ഡെയാണ് മരിച്ചെന്ന ഡോക്ടര്‍മാര്‍ ബന്ധുക്കളെ അറിയിച്ചത്. ഏകദേശം ഒരാഴ്ച മുമ്പാണ് അസുഖത്തെ തുടര്‍ന്ന് ഇയാളെ ആശുപത്രിയില്‍ പ്രവേശിപ്പിച്ചത്.
മെയ് 16നാണ് കടുത്ത ആസ്തമയെയും ക്ഷയത്തെയും തുടര്‍ന്ന് ഹൗറയിലെ ജില്ലാ ആശുപത്രിയില്‍ പ്രവേശിപ്പിച്ചത്. ജനറല്‍ വാര്‍ഡിലാണ് ഇയാളെ പ്രവേശിപ്പിച്ചിരുന്നത്.
അസുഖം ഭേദമായതിനെ തുടര്‍ന്ന് പാണ്ഡെയെ ഡിസ്ചാര്‍ജ് ചെയ്തതോടെയാണ് പ്രശ്‌നങ്ങള്‍ ആരംഭിച്ചത്. ആശുപത്രി വിടാന്‍ പാണ്ഡെ ആഗ്രഹിച്ചിരുന്നില്ല. ഇതേ തുടര്‍ന്ന് താന്‍ കിടന്നിരുന്ന ആശുപത്രി കിടക്കയില്‍ മറ്റൊരു രോഗിയെ ഇയാള്‍ പിടിച്ചുകിടത്തി. നേരത്തേ നിലത്തു കിടന്ന രോഗിയെയാണ് പാണ്ഡെ കട്ടിലില്‍ കിടക്കാന്‍ നിര്‍ബന്ധിച്ചത്.
ഡിസ്ചാര്‍ജ് ചെയ്യപ്പെട്ടതോടെ പാണ്ഡെ വീട്ടില്‍ പോവാനോ ബന്ധുക്കളെ കാണാനോ ശ്രമിക്കാതെ ആശുപത്രിയില്‍ തന്നെ ചുറ്റിക്കറങ്ങുകയായിരുന്നു. മറ്റു രോഗികള്‍ക്കൊപ്പം സമയം ചെലവഴിച്ചും ഭക്ഷണം പങ്കിട്ടു കഴിച്ചും ഇയാള്‍ ആശുപത്രിയില്‍ തന്നെ കഴിയുകയായിരുന്നു.
പാണ്ഡെയ്ക്കു പകരം ആശുപത്രി കിടക്കയില്‍ കിടന്നിരുന്ന രോഗിക്കൊപ്പം ആരുമുണ്ടായിരുന്നില്ല. ഗുരുതരമായ അസുഖമുണ്ടായിരുന്ന ഇയാള്‍ മരണത്തിനു കീഴടങ്ങി. പേര് തിരിച്ചറിയാത്തവര്‍ക്ക് x എന്നാണ് മാര്‍ക്ക് ചെയ്തിരുന്നതെന്ന് ആശുപത്രി അധികൃതര്‍ പറഞ്ഞു.
പാണ്ഡെയുടെ സ്ഥാനത്തു കിടന്നിരുന്ന രോഗി മരിച്ചപ്പോള്‍ അത് പാണ്ഡെയാണെന്നു കരുതി ആശുപത്രി അധികൃതര്‍ ബന്ധുക്കളെ വിളിച്ച് അറിയിക്കുകയായിരുന്നു.
പാണ്ഡെ മരിച്ചെന്ന് ആശുപത്രിയില്‍ നിന്നു വിളിച്ച് അറിയിച്ചതോടെ ബന്ധുക്കള്‍ ആശുപത്രിയിലേക്കു കുതിച്ചെത്തി. എന്നാല്‍ അവിടെത്തിയപ്പോള്‍ അവര്‍ കണ്ടത് വളരെ ആസ്വദിച്ച് ഭക്ഷണം കഴിക്കുന്ന പാണ്ഡെയെയാണ്.
വിവാഹമോചിതനായ പാണ്ഡെ തനിച്ചാണ് താമസിച്ചുവന്നിരുന്നത്. തനിക്കു കഴിക്കാന്‍ ഭക്ഷണമൊന്നും കിട്ടാറില്ലെന്നും അതുകൊണ്ടു തന്നെ ആശുപത്രിയില്‍ തന്നെ തുടരാന്‍ അനുവദിക്കണമെന്നും പാണ്ഡെ അഭ്യര്‍ഥിച്ചു. ഒടുവില്‍ എത്ര കാലവും വരെ ആശുപത്രിയില്‍ തന്നെ കഴിയാന്‍ അധികൃതര്‍ അനുവദിക്കുകയും ചെയ്യുകയായിരുന്നു.
