Get Updates
Get notified of breaking news, exclusive insights, and must-see stories!

എബിസിഡി സംവിധായകന്‍ റെമോ ഡിസൂസയ്ക്ക് ഹൃദയാഘാതം, ആശുപത്രിയില്‍ പ്രവേശിപ്പിച്ചു!!

മുംബൈ: എബിസിഡി സിനിമകളിലൂടെ ബോളിവുഡിനെ ത്രസിപ്പിച്ച സംവിധായകന്‍ റെമോ ഡിസൂസയ്ക്ക് ഹൃദയാഘാതം. മുംബൈയിലെ കോകിലാബെന്‍ ആശുപത്രിയില്‍ അദ്ദേഹത്തെ പ്രവേശിപ്പിച്ചിരിക്കുകയാണ്. അദ്ദേഹം ഗുരുതരാവസ്ഥയിലാണെന്ന് റിപ്പോര്‍ട്ടുണ്ട്. ആരാധകര്‍ അദ്ദേഹത്തിന്റെ ആരോഗ്യത്തിനായി പ്രാര്‍ത്തിക്കുകയാണ്. അതേസമയം ഇപ്പോഴും എങ്ങനെയാണ് റെമോയ്ക്ക് ഹൃദയാഘാതമുണ്ടായതെന്ന് വ്യക്തമല്ല. ഗംഭീര ഡാന്‍സ് കൊറിയോഗ്രാഫിയിലൂടെ ഇന്ത്യ മുഴുവന്‍ അറിയപ്പെടുന്ന നടനും സംവിധായകനും കൂടിയാണ് അദ്ദേഹം.

1

ശക്തി, യെന്തിരന്‍, യെ ജവാനി ഹെ ദിവാനി എന്നീ ചിത്രങ്ങളിലെ റെമോയുടെ ഡാന്‍സ് സ്‌റ്റെപ്പുകള്‍ വളരെ പ്രശസ്തമായിരുന്നു. റെമോയുടെ എനിബഡി ക്യാന്‍ ഡാന്‍സ് എന്ന എബിസിഡി ചിത്രങ്ങളുടെ പരമ്പരയാണ് വളരെയധികം ശ്രദ്ധിക്കപ്പെട്ടത്. പ്രഭുവേ അടക്കമുള്ളവര്‍ ഈ ചിത്രങ്ങളില്‍ അണിനിരന്നിരുന്നു. ഇതിന്റെ സംവിധാനത്തിന് പുറമേ കൊറിയോഗ്രാഫിയും അദ്ദേഹം തന്നെ ഏറ്റെടുത്തു. വളരെ പ്രയാസമേറിയ സ്റ്റെപ്പുകള്‍ മനോഹരമായി ആ ചിത്രം സ്‌ക്രീനില്‍ കാണിച്ചിരുന്നു. ഇന്ത്യയിലെ അതിപ്രശസ്തമായ ഡാന്‍സ് റിയാലിറ്റി ഷോകളില്‍ ജഡ്ജായും അദ്ദേഹമെത്തിയിരുന്നു.

സല്‍മാന്‍ ഖാനെ വെച്ച് റേസ് ത്രീ, വരുണ്‍ ധവാനെ വെച്ച് എബിസിഡി 2, സ്ട്രീറ്റ് ഡാന്‍സര്‍ എന്നീ ചിത്രങ്ങളും അദ്ദേഹം സംവിധാനം ചെയ്തിട്ടുണ്ട്. അതിന് പുറമേ വലിയൊരു ഡാന്‍സ് അക്കാദമിയും അദ്ദേഹം നടത്തുന്നുണ്ട്. ഇന്ത്യയിലെ യുവ ഡാന്‍സര്‍മാരെ വളര്‍ത്തി കൊണ്ടുവരാനും പരിശീലിപ്പിക്കാനും ലക്ഷ്യമിട്ടുള്ളതാണ് ഈ അക്കാദമി. റെമോ ആന്‍ജിയോ പ്ലാസ്റ്റി ശസ്ത്രക്രിയക്ക് വിധേയനായെന്നാണ് റിപ്പോര്‍ട്ട്. അദ്ദേഹത്തിന്റെ ഭാര്യയും ആശുപത്രിയിലുണ്ട്.

നിലവില്‍ അദ്ദേഹത്തിന്റെ നിലയില്‍ മാറ്റമില്ല. നിരീക്ഷണത്തിലാണെന്ന് ഡോക്ടര്‍മാര്‍ പറയുന്നു. 48കാരനായ റെമോ ബെംഗളൂരുവില്‍ നിന്നാണ് ബോളിവുഡിലെത്തുന്നത്. കോസ്റ്റിയൂം ഡിസൈനറായ ലീസലാണ് അദ്ദേഹത്തിന്റെ ഭാര്യ. ധ്രുവ്, ഗബ്രിയേല്‍ എന്നിങ്ങനെ രണ്ട് മക്കളും അദ്ദേഹത്തിനുണ്ട്. ബോളിവുഡ് സിനിമാ ലോകം ഒന്നടങ്കം അദ്ദേഹം അതിവേഗം സുഖം പ്രാപിച്ച് മടങ്ങിയെത്താന്‍ പ്രാര്‍ത്ഥിക്കുകയാണ്.

Recommended Video

cmsvideo
    Australia ends Covid-19 vaccine trials due to HIV antibody positives | Oneindia Malayalam

    More From
    Prev
    Next
    Notifications
    Settings
    Clear Notifications
    Notifications
    Use the toggle to switch on notifications
    • Block for 8 hours
    • Block for 12 hours
    • Block for 24 hours
    • Don't block
    Gender
    Select your Gender
    • Male
    • Female
    • Others
    Age
    Select your Age Range
    • Under 18
    • 18 to 25
    • 26 to 35
    • 36 to 45
    • 45 to 55
    • 55+