18 ആകാന് കാത്തിരിക്കേണ്ട, 17 കഴിഞ്ഞവര്ക്ക് വോട്ടര് പട്ടികയില് പേര് ചേര്ക്കാം, അറിയേണ്ട കാര്യങ്ങള്
ദില്ലി: ഇനി മുതല് വോട്ടര് പട്ടികയില് പേര് ചേര്ക്കുന്നതിന് 18 വയസ് തികയേണ്ട ആവശ്യമില്ല. 17 വയസിന് മുകളില് പ്രായമുള്ളവര്ക്ക് വോട്ടര് പട്ടികയില് പേര് ചേര്ക്കുന്നതിന് മുന്കൂറായി അപേക്ഷിക്കാമെന്ന് കേന്ദ്ര തിരഞ്ഞെടുപ്പ് കമ്മിഷന് അറിയിച്ചു. ഇതുമായി ബന്ധപ്പെട്ട് എല്ലാ സംസ്ഥാനങ്ങളിലെ സി ഇ ഒ, ഇ ആര് ഒ, എ ഇ ഒമാര്ക്കും നിര്ദ്ദേശം നല്കി.
മാൽദ്വീവ്സ് ചിത്രങ്ങൾ അവസാനിക്കുന്നില്ല: അടിപൊളി ലുക്കിൽ അഹാന, വൈറൽ ചിത്രങ്ങൾ
'ദിലീപിന്റെ പേര് വലിച്ചിഴക്കരുത്':'പറഞ്ഞത് മുഖ്യമന്ത്രിയാണ്'..വീഡിയോ പങ്കിട്ട് ദിലീപ് ഓൺലൈൻ
വര്ഷത്തില് നാല് തവണയാണ് പേര് ചേര്ക്കാന് അവസരമുണ്ടാകുക. ജനുവരി ഒന്ന്, ഏപ്രില് ഒന്ന്, ഒക്ടോബര് ഒന്ന് എന്നീ പാദങ്ങളിലാണ് പേര് ചേര്ക്കാനുള്ള അവസരം. 2023 ഏപ്രില് ഒന്ന് ജൂലായ് ഒന്ന് , ഒക്ടോബര് ഒന്ന് എന്നീ തീയതികളില് 18 വയസ് തികയുന്നയാള്ക്ക് ഇത് സംബന്ധിച്ച് കരട് പ്രസിദ്ധീകരിച്ച തീയതി മുതല് വോട്ടര് പട്ടികയില് പേര് ചേര്ക്കാന് മുന്കൂര് അപേക്ഷ സമര്പ്പിക്കാം. തിരഞ്ഞെടുപ്പ് നിയമ ഭേദഗതിയുടെ അടിസ്ഥാനത്തിലാണ് തീരുമാനം.
യുവാക്കള്ക്ക് അവരുടെ മുന്കൂര് അപേക്ഷകള് ഫയല് ചെയ്യാന് സൗകര്യമൊരുക്കുന്ന സാങ്കേതിക-പ്രാപ്തമായ പരിഹാരങ്ങള് തയ്യാറാക്കാന് മുഖ്യ തിരഞ്ഞെടുപ്പ് കമ്മീഷണര് ശ്രീ രാജീവ് കുമാറിന്റെയും തിരഞ്ഞെടുപ്പ് കമ്മീഷണര് ശ്രീ അനുപ് ചന്ദ്ര പാണ്ഡെയുടെയും നേതൃത്വത്തിലുള്ള ഇസിഐ എല്ലാ സംസ്ഥാനങ്ങളിലെയും സി ഇ ഒ / ഇ ആര് ഒ/ എ ഇ ആര് ഒമാരോട് നിര്ദ്ദേശിച്ചു.
ഓഗസ്റ്റ് 1 മുതല് വോട്ടര് ഐ ഡി ആധാറുമായി ബന്ധിപ്പിക്കുന്നതിനുള്ള പ്രചാരണം മഹാരാഷ്ട്രയിലുടനീളം ആരംഭിക്കുമെന്ന് ജൂലൈ 25 ന് സംസ്ഥാന ചീഫ് ഇലക്ഷന് ഓഫീസര് പറഞ്ഞു. ഈ വര്ഷം ആദ്യം,തിരഞ്ഞെടുപ്പ് ശുപാര്ശകളെ തുടര്ന്ന്, നിയമ മന്ത്രാലയം പേര് ചേര്ക്കുന്ന നിയമത്തില് ഭേദഗതി വരുത്തിയിരുന്നു. ജനുവരി 1, ഏപ്രില് 1, ജൂലൈ 1, ഒക്ടോബര് 1 എന്നിങ്ങനെ യുവാക്കള്ക്ക് വോട്ടര് പട്ടികയില് രജിസ്റ്റര് ചെയ്യാനുള്ള തീയതി നിശ്ചയിച്ചു. നേരത്തെ ഏക യോഗ്യതാ തീയതി ജനുവരി 1 മാത്രമായിരുന്നു.
ഇലക്ടറല് റോള് ഡാറ്റയുമായി ആധാര് നമ്പര് ബന്ധിപ്പിക്കുന്നതിന്, പരിഷ്ക്കരിച്ച രജിസ്ട്രേഷന് ഫോമുകളില് വോട്ടര്മാരുടെ ആധാര് വിശദാംശങ്ങള് തേടുന്നതിനുള്ള വ്യവസ്ഥകള് ഏര്പ്പെടുത്തിയിട്ടുണ്ടെന്നും തിരഞ്ഞെടുപ്പ് കമ്മിഷന് അറിയിച്ചു. നിലവിലുള്ള വോട്ടര്മാരുടെ ആധാര് നമ്പര് ശേഖരിക്കുന്നതിനായി പുതിയ ഫോം-6ബിയും അവതരിപ്പിച്ചിട്ടുണ്ട്.
അതേസമയം, ഒരു വ്യക്തിക്ക് ആധാര് നമ്പര് നല്കാനോ അറിയിക്കാനോ കഴിയാത്തതിന്റെ പേരില് വോട്ടര് പട്ടികയില് പേര് ചേര്ക്കുന്നതിനുള്ള അപേക്ഷ നിരസിക്കുകയോ വോട്ടര് പട്ടികയിലെ എന്ട്രികള് ഇല്ലാതാക്കുകയോ ചെയ്യുന്നതല്ലെന്നും തിരഞ്ഞെടുപ്പ് കമ്മിഷന് അറിയിച്ചു.
ഇറാഖ് പാര്ലമെന്റില് ജനങ്ങളുടെ വിളയാട്ടം; ഓടി നടന്ന്, നൃത്തം ചെയ്ത്... അമ്പരന്ന് അറബ് മേഖല
Recommended Video