കെജ്രിവാള്‍, പാര്‍ട്ടിയില്ലാത്ത ആദ്യത്തെ ഇന്ത്യന്‍ മുഖ്യമന്ത്രി?

യോഗേന്ദ്ര യാദവും പ്രശാന്ത് ഭൂഷണും എന്ത് പറഞ്ഞാലും ആം ആദ്മി പാര്‍ട്ടി എന്നാല്‍ ഇപ്പോഴും അരവിന്ദ് കെജ്രിവാളാണ്. പാര്‍ട്ടിയുടെ ഏറ്റവും വലിയ ശക്തിയും ഏറ്റവും വലിയ ദൗര്‍ബല്യവുമാണ് ഈ 46കാരന്‍. പ്രശാന്ത് ഭൂഷണോ യോഗേന്ദ്ര യാദവോ പാര്‍ട്ടി അണികളില്‍ ആവേശവും പ്രതീക്ഷയും ഉയര്‍ത്താന്‍ പോന്ന നേതാക്കളല്ല, അവരാരും പാര്‍ട്ടി വിടുന്നതും ആരും ശ്രദ്ധിച്ചു എന്ന് വരില്ല.

രണ്ട് നിയമസഭ തിരഞ്ഞെടുപ്പുകളും ഒരു ലോക്‌സഭ തിരഞ്ഞെടുപ്പും ആപ്പ് മത്സരിച്ചത് കെജ്രിവാള്‍ എന്ന് പേര് മുന്നില്‍ നിര്‍ത്തിയാണ്. പക്ഷേ ഈ രീതിയില്‍ പാര്‍ട്ടി എത്രകാലം മുന്നോട്ട് പോകും എന്നതാണ് ചോദ്യം. അഴിമതിക്ക് എതിരായ കുരിശ് യുദ്ധം, പാര്‍ട്ടിയിലെ ജനാധിപത്യം തുടങ്ങിയ പ്രമോഷണല്‍ വാചകങ്ങള്‍ കുറച്ച് കുറച്ചാല്‍ ഈ പ്രതിസന്ധിയും പരിഹരിക്കാവുന്നതേയുള്ളൂ.

ആയിരക്കണക്കിന് പാര്‍ട്ടി പ്രവര്‍ത്തകര്‍ തങ്ങള്‍ക്ക് പിന്തുണക്കാരുണ്ട് എന്നാണ് യോഗേന്ദ്ര യാദവും പ്രശാന്ത് ഭൂഷണും പറയുന്നത്. പാര്‍ട്ടിയുടെ ദേശീയ കൗണ്‍സിലിലും എക്‌സിക്യുട്ടീവിലും വരെ ഇവരുടെ ആളുകളുണ്ട്. അങ്ങനെയാണെങ്കില്‍ പാര്‍ട്ടിയെ നിങ്ങളെടുത്തോ എനിക്ക് എം എല്‍ എമാരെ തന്നാല്‍ ഞാന്‍ ഭരിച്ചോളാം എന്ന ടോണിലാണ് കെജ്രിവാള്‍. ഈ പോക്ക് പോയാല്‍ പാര്‍ട്ടിയില്ലാത്ത ആദ്യത്തെ ഇന്ത്യന്‍ മുഖ്യമന്ത്രിയാകും കെജ്രിവാള്‍ എന്ന് കരുതുന്നവരുമുണ്ട്.

അടുത്ത പേജില്‍: മമത ബാനര്‍ജിയെ കണ്ട് കെജ്രിവാളിന് പഠിക്കാനുണ്ട്

English summary

The chaos in what was considered to be a refined version of the Aam Aadmi Party (AAP) has proved one thing: This unit will remain more a fiefdom of Arvind Kejriwal than a really inclusive outfit fit to be called a democratic party.