ഫേസ്ബുക്ക് ഹാക്ക് ചെയ്തോ? ന്യൂസ് ഫീഡില് നിറഞ്ഞ് സെലിബ്രിറ്റികള്, ട്വിറ്ററിലും രക്ഷയില്ല, ട്രോള്!!
ദില്ലി: ഫേസ്ബുക്കിന് വീണ്ടും പ്രതിസന്ധി. ലോകം മുഴുവന് ഫേസ്ബുക്ക് ലഭ്യമല്ലാതായിരിക്കുകയാണ്. സേവനങ്ങള് തടസ്സപ്പെട്ടതോടെ ആയിരങ്ങളാണ് പരാതികളുമായി രംഗത്തെത്തിയത്. ബ്രിട്ടനിലും അമേരിക്കയിലും വരെ പരാതികള് ഉയര്ന്നിരിക്കുകയാണ്. എന്താണ് സംഭവം എന്ന് പോലും ഇപ്പോഴും വ്യക്തമായിട്ടില്ല. അത് മാത്രല്ല പലര്ക്കും ഫേസ്ബുക്ക് ന്യൂസ് ഫീഡിന് പ്രശ്നങ്ങള് നേരിട്ടിരിക്കുകയാണ്.
സെലിബ്രിറ്റി പോസ്റ്റുകള് കൊണ്ട് ഇവരുടെ ന്യൂസ് ഫീഡ് നിറഞ്ഞിരിക്കുകയാണ്. എമിനെം, ബില്ലി എല്ലിഷ് പോലുള്ള സെലിബ്രിറ്റകളുടെ പോസ്റ്റും അവര്ക്ക് നല്കിയിട്ടുള്ള കമന്റുകളും കൊണ്ടാണ് പലരും ഫീഡുകള് നിറഞ്ഞിരിക്കുന്നത്. വിശദമായി വായിക്കാം.
ഇന്ത്യയില് നിരവധി പേര്ക്കാണ് ഫേസ്ബുക്ക് സേവനങ്ങള് തടസ്സപ്പെട്ടത്. നൂറുകണക്കിന് പേരാണ് ഒരേ പ്രശ്നങ്ങള് പറയുന്നത്. പക്ഷേ യുഎസ്സിലെയും ബ്രിട്ടനിലെയും പോലെ അത്ര വലുതല്ല ഇന്ത്യയിലെ പരാതികള്. ഫേസ്ബുക്ക് ഹാക്ക് ചെയ്യപ്പെട്ടുവെന്നാണ് യൂസര്മാര് കരുതുന്നത്. അതേസമയം സൈബര് ആക്രമണമാണ് ഇതിന് പിന്നിലെന്നാണ് കരുതുന്നത്. സെലിബ്രിറ്റികള് പോസ്റ്റുകള് ഇതേ തുടര്ന്നാണ് ന്യൂസ് ഫീഡിലെത്തുന്നതെന്ന് പലരും പറയുന്നു.
ട്വിറ്ററില് പരാതികളും ട്രോളുകളും നിറഞ്ഞിരിക്കുകയാണ്. എല്ലാവര്ക്കും ന്യൂസ് ഫീഡിലേക്ക് സെല്രിബിറ്റി സ്ക്രീന് ഷോട്ടുകള് എത്തുന്നതാണ് പരാതി പറയുന്നത്. തന്റെ അക്കൗണ്ട് ചെയ്യപ്പെട്ടു എന്ന് പരാതിപ്പെട്ടവരുമുണ്ട്. ഫേസ്ബുക്ക് വാളില് ട്രോള് മഴയാണ്. ആരുടെയൊക്കയോ കമന്റുകളും മീമുകളുമാണ് എത്തുന്നത്. ദീപിക പദുക്കോണ്, ടോം ക്രൂസ്, റിഹാന, സച്ചിന് ടെണ്ടുല്ക്കര്, ഗോര്ഡന് റാംസി, എന്നിവരുടെ ഫാന്സുകള് അയച്ച സന്ദേശങ്ങള് കൊണ്ടാണ് ന്യൂസ് ഫീഡുകള് നിറഞ്ഞിരിക്കുന്നത്.
പലര്ക്കും എന്താണ് സംഭവിക്കുന്നതെന്ന് പോലും മനസ്സിലായിട്ടില്ല. ആരെയെങ്കിലും ഫേസ്ബുക്കില് നിന്ന് പുറത്താക്കിയോ എന്ന് ട്രോളായി ചോദിച്ചവരുമുണ്ട്. ക്രിസ്റ്റിയനോ റൊണാള്ഡോയ്ക്ക് അടക്കം മെസേജുകള് ഇക്കൂട്ടത്തില് കടന്നുവരുന്നുണ്ട്. ലയണല് മെസ്സി, വിരാട് കോലി എന്നിവരെ ടാഗ് ചെയ്ത് അയച്ച സന്ദേശങ്ങളും ഇക്കൂട്ടത്തിലുണ്ട്. അതേസമയം ഫേസ്ബുക്ക് സാധാരണ ഇത്തരം പ്രശ്നങ്ങള് എന്താണെന്ന് പറയാറുണ്ട്. എന്നാല് ട്വിറ്ററിലാണ് ഫേസ്ബുക്കിന്റെ വീഴ്ച്ച ആഘോഷമാകുന്നത്. പലരും ഇതില് സ്ക്രീന്ഷോട്ട് അടക്കം പങ്കുവെച്ചിട്ടുണ്ട്.
അതിസുന്ദരിയുണ്ട്, പക്ഷിയുണ്ട്, പുരുഷനുണ്ട്; ആദ്യം ഏത് കണ്ടാലും നിങ്ങള് കിടുവാണ്, വൈറല് ചിത്രം
Recommended Video