കർഷകരുടെ ദില്ലി ചലോ മാർച്ച്; പ്രക്ഷോഭകർ മുന്നോട്ട് വയ്ക്കുന്ന പ്രധാന ആവശ്യങ്ങൾ എന്തൊക്കെ?
ന്യൂഡൽഹി: വിവിധ ആവശ്യങ്ങൾ ഉന്നയിച്ച് കർഷകർ രാജ്യതലസ്ഥാനത്തേക്ക് നയിക്കുന്ന പ്രക്ഷോഭ പരിപാടിയായ ഡൽഹി ചലോ മാർച്ച് ഇന്ന് നടക്കും. എന്നാൽ കാലങ്ങളായി കർഷകർ ഉന്നയിക്കുന്ന ചില സുപ്രധാന ആവശ്യങ്ങളിൽ കേന്ദ്രത്തിന്റെ അടിയന്തര ശ്രദ്ധ ആവശ്യപ്പെട്ട് കൊണ്ട് നടക്കുന്ന ഈ സമരം പെട്ടെന്ന് ഉണ്ടായ ഒന്നല്ല. കേവലം മിനിമം താങ്ങുവില ഉറപ്പാക്കുക എന്ന ആവശ്യം നേടിയെടുക്കാനും ഉള്ളതല്ല ഈ സമരം. അതിന് വേറെയും കാരണങ്ങൾ ഒരുപാടുണ്ട്.
ഈ ആവശ്യങ്ങളിൽ പ്രധാനം വിളകൾക്ക് മിനിമം താങ്ങുവില (എംഎസ്പി) ഉറപ്പുനൽകുന്ന ഒരു നിയമം നടപ്പിലാക്കുക എന്നത് തന്നെയാണ് എന്ന കാര്യത്തിൽ സംശയം വേണ്ട. വിപണിയിലെ അനിശ്ചിതത്വങ്ങൾ നേരിടുന്ന ഒരു നിർണായക പിടിവള്ളിയായേക്കാവുന്ന ഈ നടപടി കാലങ്ങളായി കേന്ദ്രത്തോട് കർഷകർ മുന്നോട്ട് വയ്ക്കുന്ന ആവശ്യങ്ങളിൽ ഒന്നാണ്.
വൈദ്യുതി നിയമം 2020 റദ്ദാക്കൽ, ലഖിംപൂർ ഖേരിയിൽ കൊല്ലപ്പെട്ട കർഷകർക്കുള്ള നഷ്ടപരിഹാരം, കർഷക പ്രസ്ഥാനത്തിൽ ഉൾപ്പെട്ടവർക്കെതിരായ കേസുകൾ പിൻവലിക്കൽ എന്നിവയും സമരത്തിലേക്ക് നയിച്ച കാരണങ്ങളിൽ ഉൾപ്പെടുന്നു. അർദ്ധരാത്രിക്ക് ശേഷം ഈ വിഷയങ്ങളിൽ ധാരണയിലെത്തിയെങ്കിലും, രണ്ട് വർഷം മുമ്പ് സർക്കാർ നൽകിയ വാഗ്ദാനങ്ങൾ പാലിക്കപ്പെട്ടില്ലെന്ന് ചൂണ്ടിക്കാട്ടിയാണ് കർഷകർ തങ്ങളുടെ തീരുമാനത്തിൽ ഉറച്ചുനിൽക്കുന്നത്.
കർഷകരുടെ ഒരു ആശങ്ക പരിഹരിക്കുന്ന നിലയിൽ 2020-21 പ്രക്ഷോഭത്തിനിടെ രജിസ്റ്റർ ചെയ്ത കേസുകൾ പിൻവലിക്കാനുള്ള സന്നദ്ധത കേന്ദ്ര സർക്കാർ യോഗത്തിൽ വെളിപ്പെടുത്തി. എന്നാൽ കർഷകർ തങ്ങളുടെ ആവശ്യങ്ങളിലെ ഏറ്റവും മുൻഗണന നൽകുന്ന മിനിമം താങ്ങുവില ഉറപ്പാക്കണമെന്ന വിഷയത്തിൽ ഉറച്ചുനിൽക്കുകയാണ്.
സംയുക്ത കിസാൻ മോർച്ചയുടെ (രാഷ്ട്രീയേതര) ജഗ്ജിത് സിംഗ് ദല്ലേവാൾ, കിസാൻ മസ്ദൂർ സംഘർഷ് കമ്മിറ്റിയുടെ സർവാൻ സിംഗ് പന്ദേർ തുടങ്ങിയ കർഷക നേതാക്കളും വിശാലമായ ആവശ്യങ്ങൾ നിറവേറ്റുന്നതിനുള്ള സർക്കാരിന്റെ പ്രതിജ്ഞാബദ്ധതയെക്കുറിച്ച് സംശയം പ്രകടിപ്പിച്ചു.
എംഎസ്പി, കടം എഴുതിത്തള്ളൽ, സ്വാമിനാഥൻ കമ്മീഷൻ ശുപാർശകൾ നടപ്പാക്കൽ എന്നിവയ്ക്കുള്ള നിയമപരമായ ഉറപ്പിനെ കുറിച്ച് ചർച്ച ചെയ്യാൻ ഒരു കമ്മിറ്റി രൂപീകരിക്കാൻ സർക്കാർ നിർദ്ദേശിക്കുന്നു. എന്നാൽ കർഷക പ്രതിനിധികൾ ഇത് പൂർണമായും വിശ്വാസത്തിൽ എടുത്തിട്ടില്ല.
നേരത്തെ സൂചിപ്പിച്ച ആവശ്യങ്ങൾക്ക് പുറമെ, 2013ലെ ഭൂമി ഏറ്റെടുക്കൽ നിയമം പുനഃസ്ഥാപിക്കുക, ലോകവ്യാപാര സംഘടനയിൽ നിന്ന് പിന്മാറുക, മുൻ സമരത്തിൽ മരിച്ച കർഷകരുടെ കുടുംബങ്ങൾക്ക് നഷ്ടപരിഹാരം നൽകുക തുടങ്ങി നിരവധി വിഷയങ്ങൾ പ്രതിഷേധിക്കുന്ന കർഷകരുടെ ആവശ്യങ്ങളിൽ ഉൾക്കൊള്ളുന്നു.
-
പ്രഹസനം സമ്മതിച്ചല്ലോയെന്ന് വിടി ബൽറാം, ഒന്നും അറിയില്ലല്ലേയെന്ന് എംബി രാജേഷ്..ഫേസ്ബുക്ക് പോര് കനക്കുന്നു -
സമാധാനം ഇനിയും അകലെ? യുദ്ധം ഉടനെ അവസാനിക്കില്ലെന്ന് ഇറാന്: യുഎസുമായി യാതൊരു ചര്ച്ചയുമില്ല -
ഇടുക്കിയിൽ മിടുക്ക് തെളിയിക്കാൻ പുതുമുഖങ്ങളും പരിചിതമുഖങ്ങളും -
മേടം രാശിഫലം: ഭാഗ്യം നിങ്ങൾക്കൊപ്പം, ചെറിയ കാര്യങ്ങളിൽ പോലും വിജയം, വ്യാപാരികൾക്ക് നല്ല ലാഭം പ്രതീക്ഷിക്കാം -
എണ്ണയും സെറവുമൊന്നും ഇനി വേണ്ട, മുടി തഴച്ച് വളരാൻ ഈ 5 അത്ഭുതകരമായ പൂക്കൾ മാത്രം മതി -
ഇന്ത്യയ്ക്ക് വേണ്ടി ഹോർമുസ് തുറന്നു; അഞ്ച് സൗഹൃദ രാജ്യങ്ങളുടെ കപ്പലുകൾ തടയില്ലെന്ന് വ്യക്തമാക്കി ഇറാൻ -
വൈറോളജി ഇന്സ്റ്റിറ്റ്യൂട്ടില് അക്കൗണ്ടന്റ്, ഓഫീസ് അസിസ്റ്റന്റ് ഒഴിവുകള്; ശമ്പളം ഇത്ര -
ആപ്പിൾ കൊടുക്കും ജനങ്ങൾ വാങ്ങും; ഐഫോൺ 16 പ്രോയുടെ ഡിസ്കൗണ്ട് കേട്ടാൽ ഞെട്ടും..! വില എത്ര? -
സ്വര്ണവില ഇടിഞ്ഞു; ട്രംപ് അല്ല, 'മാറ്റിയത്' ഇറാന്, പിന്നെ രൂപയും, ഇന്നത്തെ പവന് വില അറിയാം -
ശനിയും സൂര്യനും ഒന്നിക്കുന്നു; ഈ നക്ഷത്രക്കാരുടെ ഭാഗ്യം തെളിയും, കടം കൊടുത്ത പണം കിട്ടും, പ്രണയം പൂവണിയും! -
എല്ലാ ആഴ്ചയിലും ഒരു ഗ്രാം പൊന്ന്! കൊച്ചിക്കാരെ പോലെ സ്വര്ണം വാങ്ങി നോക്കിയാലോ? -
"മോഹൻലാൽ ജീവിക്കുന്നത് ശരിക്കും ഒരു രാജാവിനെ പോലെ, ഗുഡ് മോർണിംഗ് പറഞ്ഞിട്ടും മമ്മൂട്ടി മൈൻഡ് ചെയ്തില്ല"
Click it and Unblock the Notifications
Sign in with Google