ദില്ലി-ഡെറാഡൂണ്‍ ശതാബ്ദി എക്‌സ്പ്രസില്‍ തീപിടുത്തം, ഷോര്‍ട്ട് സര്‍ക്യൂട്ടെന്ന് റെയില്‍വേ!!

ദില്ലി: ദില്ലി-ഡെറാഡൂണ്‍ ശതാബ്ദി എക്‌സ്പ്രസില്‍ തീപ്പിടിത്തം. ട്രെയിനിന്റെ ബോഗികളിലൊന്നിലാണ് തീപ്പിടുത്തമുണ്ടായത്. അതേസമയം ആര്‍ക്കും ആളപായമില്ലെന്ന് റെയില്‍വേ വ്യക്തമാക്കി. ഷോര്‍ട് സര്‍ക്യൂട്ടിനെ തുടര്‍ന്നാണ് തീപ്പിടുത്തമുണ്ടായതെന്ന് റെയില്‍വേ അധികൃതര്‍ പറഞ്ഞു. ട്രെയിനിന്റെ സി4 കംപാര്‍ട്ട്‌മെന്റിലാണ് തീപ്പിടിത്തമുണ്ടായത്. അത് ബോഗികളിലേക്ക് കത്തിപടരുകയായിരുന്നു. അപകടത്തെ തുടര്‍ന്ന് എല്ലാ യാത്രക്കാരെയും സുരക്ഷിതമായി ട്രെയിനില്‍ നിന്ന് ഒഴിപ്പിച്ചു. ആര്‍ക്കും പരിക്കും ഇല്ലെന്ന് ഉത്തരാഖണ്ഡ് ഡിജിപി അശോക് കുമാര്‍ പറഞ്ഞു.

കസന്‍സ്രോ റെയില്‍വേ സ്‌റ്റേഷന് സമീപത്ത് വെച്ചാണ് തീപ്പിടുത്തമുണ്ടായത്. അപകടമുണ്ടായ കോച്ച് മാറ്റിശേഷമാണ് ട്രെയിന്‍ പിന്നീട് യാത്ര തിരിച്ചത്. അതേസമയം ഈ ബോഗികളില്‍ നിന്ന് ഒഴിപ്പിച്ച യാത്രക്കാരെ മറ്റ് കോച്ചുകളിലേക്ക് മാറ്റിയാണ് യാത്ര തുടര്‍ന്നത്. അഗ്നിശമന സേനയെ സംഭവസ്ഥലത്തെത്തിയിട്ടുണ്ട്. ഇതേ തുടര്‍ന്നാണ് ആളുകെയെല്ലാം തീപ്പുടിത്തമുണ്ടാ ബോഗിയില്‍ നിന്ന് മാറ്റിയത്. തീപ്പിടിത്തും ശ്രദ്ധയില്‍പ്പെട്ട ഉടനെ എമര്‍ജന്‍സി ബ്രേക്ക് പ്രയോഗിച്ച് ട്രെയിന്‍ വനത്തിലെ പാതയില്‍ നിര്‍ത്തുകയായിരുന്നു, ഉടന്‍ തന്നെ കോച്ചിനെ ഒഴിപ്പിച്ചു. ഇതിനുശേഷം, ട്രെയിനില്‍ നിന്ന് ഉടന്‍ തന്നെ തീ അണയ്ക്കുകയായിരുന്നു.

English summary

fire breaks out in delhi dehradun express