ബീഹാറിലെ ആദ്യ കോണ്ഗ്രസ് ഇതര മുഖ്യമന്ത്രി കര്പ്പൂരി താക്കൂറിന് ഭാരത രത്ന
ന്യൂഡല്ഹി: ബീഹാറിലെ ആദ്യ കോണ്ഗ്രസ് ഇതര മുഖ്യമന്ത്രി കര്പ്പൂരി താക്കൂറിന് ഭാരത് രത്ന പുരസ്കാരം. മരണാനന്തര ബഹുമതിയായിട്ടാണ് പുരസ്കാരം നല്കുന്നത്. പിന്നാക്ക വിഭാഗങ്ങളുടെ അവകാശത്തിനായി പോരാടിയ ധീരനായ നേതാവെന്ന വിശേഷണം അദ്ദേഹത്തിനുണ്ടായിരുന്നു. ജന്മശതാബ്ദി വര്ഷത്തിലാണ് അദ്ദേഹത്തിന് മരണാനന്തര ബഹുമതിയായി ഭാരതരത്ന നല്കുന്നത്.
1970-71, 1977-79 വര്ഷങ്ങളിലായിട്ടാണ് കര്പ്പൂരി ബീഹാര് മുഖ്യമന്ത്രിയായിരുന്നത്. സാമൂഹിക നീതിയുടെ വെളിച്ചം എന്നാണ് കര്പ്പൂരി താക്കൂറിനെ പ്രധാനമന്ത്രി നരേന്ദ്ര മോദി പ്രകീര്ത്തിച്ചത്. ഏറ്റവും പിന്നാക്കം നില്ക്കുന്നവരെ സമൂഹത്തിന്റെ ഉന്നതിയിലേക്ക് ഉയര്ത്തി കൊണ്ടുവരാനും, ഇന്ത്യയുടെ സാമൂഹിക-രാഷ്ട്രീയ ഇടത്തില് വലിയ മുദ്ര പതിപ്പിക്കാനും അദ്ദേഹത്തിന്റെ നേതൃത്വത്തിന് സാധിച്ചുമെന്നും മോദി പറഞ്ഞു.
സാമൂഹിക നീതിയുടെ പ്രകാശ ദീപത്തിന് ഇത്തവണ ഭാരതരത്ന നല്കാന് സാധിച്ചതില് സന്തോഷമുണ്ട്. അദ്ദേഹത്തിന്റെ ജന്മശതാബ്ദി വര്ഷത്തില് തന്നെ ഇത്തരമൊരു പുരസ്കാരം പ്രഖ്യാപിക്കാനായി. അരികുവത്കരിക്കപ്പെട്ടവര്ക്ക് സമത്വവും അതുപോലെ ശാക്തീരണവും സമ്മാനിക്കാന് അദ്ദേഹത്തിന്റെ പരിശ്രമങ്ങള്ക്ക് സാധിച്ചു.
ഇത് കര്പ്പൂരി താക്കൂറിന്റെ സംഭാവനകള് ഉള്ള അംഗീകാരം മാത്രമല്ല, നമ്മളെ അത്തരം കാര്യങ്ങള് ചെയ്യാന് പ്രചോദിപ്പിക്കുക കൂടി ചെയ്യുമെന്ന് പ്രധാനമന്ത്രി നരേന്ദ്ര മോദി ട്വീറ്റ് ചെയ്തു. ബീഹാറിലെ രാഷ്ട്രീയ മണ്ഡലത്തിലെ സ്വാധീന ശക്തികളിലൊരാളായിരുന്നു കര്പ്പൂരി താക്കൂര്. ഉത്തരേന്ത്യയിലും അദ്ദേഹം സാമൂഹിക നീതിയുടെ പേരില് പ്രശസ്തനായിരുന്നു.
ഗോകുല് താക്കൂറിന്റെയും രാംദുലാരി ദേവിയുടെയും മകനായിരുന്നു അദ്ദേഹത്തിന്റെ ജനനം. പിതോഞ്ചിയ ഗ്രാമത്തില് നിന്നായിരുന്നു അദ്ദേഹത്തിന്റെ രാഷ്ട്രീയ ജീവിതത്തിന്റെ തുടക്കം. കര്പ്പൂരി ഗ്രാമമെന്നായിരുന്നു ഇത് അറിയപ്പെട്ടിരുന്നത്. ജനസേവനത്തിനുള്ള സമ്മാനമെന്നോണമാണ് അദ്ദേഹത്തെ തേടി ബീഹാറിലെ മുഖ്യമന്ത്രി പദമെത്തിയത്.
സോഷ്യലിസ്റ്റായി അറിയപ്പെട്ടിരുന്ന താക്കൂറിന്റെ മുഖ്യമന്ത്രി കാലയളവ് ബീഹാറിന്റെ സുവര്ണ നാളുകളായിട്ടാണ് അറിയപ്പെട്ടിരുന്നത്. പ്രത്യേകിച്ച് പിന്നാക്ക വിഭാഗങ്ങള്ക്ക് ഏറെ ഗുണങ്ങള് ലഭിച്ചിരുന്നു. റാം മനോഹര് ലോഹ്യയുടെ ആശയങ്ങളാണ് കര്പ്പൂരി താക്കൂറിന്റെ രാഷ്ട്രീയ പ്രത്യയശാസ്ത്രം രൂപപ്പെടുത്തിയെടുത്തത്.
സംവരണത്തിനായി കര്പ്പൂരി താക്കൂര് ഫോര്മുല തന്നെ അദ്ദേഹം കൊണ്ടുവന്നിരുന്നു. സര്ക്കാര് സര്വീസുകളില് മതിയായ പ്രാതിനിധ്യം പിന്നോക്ക വിഭാഗങ്ങള്ക്ക് ഉറപ്പാക്കുന്നതായിരുന്നു ഈ ഫോര്മുല. ബീഹാറില് പിന്നാക്ക വിഭാഗങ്ങള്ക്കായി 26 ശതമാനം സംവരണം അദ്ദേഹം 1978ല് കൊണ്ടുവന്നിരുന്നു. ഇതാണ് മണ്ഡല് കമ്മീഷന് നിര്ദേശങ്ങളെ പോലും സ്വാധീനിച്ചത്.
പിന്നോക്ക വിഭാഗങ്ങളെ ശാക്തീകരിക്കുന്നതില് ഈ തീരുമാനം വിജയകരമായി. അതിനൊപ്പം തന്നെ പ്രാദേശിക പാര്ട്ടികളും ഹിന്ദി ഹൃദയഭൂമിയില് കരുത്താര്ജിച്ചു. ഹിന്ദി ഹൃദയഭൂമിയിലെ രാഷ്ട്രീയം തന്നെ മാറ്റിമറിച്ചത് ഈ തീരുമാനമാണ്. നിരവധി സ്കൂളുകളും കര്പ്പൂരി താക്കൂര് പിന്നാക്ക മേഖലയില് സ്ഥാപിച്ചു. എട്ടാം ക്ലാസ് വരെയുള്ള വിദ്യാഭ്യാസം സൗജന്യമാക്കി. ഇംഗ്ലീഷ് നിര്ബന്ധിത സബ്ജക്ടാക്കി മാറ്റുകയും ചെയ്തു.
-
മോഹൻലാലിനെ ആര് പിടിച്ച് അഭിനയിപ്പിച്ചു എന്ന് തോന്നി;മമ്മൂട്ടിയുടെ സ്വഭാവമാണത്; ഗോപകുമാർ -
6500 വർഷം പഴക്കമുള്ള കല്ലറയിൽ 1.5 കിലോ സ്വർണം..! മൂവായിരത്തിൽ അധികം ആഭരണങ്ങൾ, ഇതാണ് വർണ -
യുഡിഎഫ് അധികാരത്തിലേക്ക്: രമേശ് ചെന്നിത്തല മുഖ്യമന്ത്രിയാകും! വൻ പ്രഖ്യാപനം -
ഇറാന് കടുത്ത ഉപാധികള് വച്ചു; യുഎസ് താവളങ്ങള് പൂട്ടണം, നിങ്ങള് സ്വയം ചര്ച്ച നടത്തുകയാണോ -
ബെംഗളൂരു നിവാസികളുടെ ശ്രദ്ധയ്ക്ക്; പാർക്കിംഗ് ഇനി കരുതലോടെ മതി, ഇല്ലെങ്കിൽ വൻ പിഴ, കാറിന് 1000, ബൈക്കിന് 650! -
ഇറാൻ ആണവായുധങ്ങൾ വികസിപ്പിക്കില്ലെന്ന് സമ്മതിച്ചു; സംഘർഷം വിജയകരമായി അവസാനിച്ചെന്ന് ട്രംപ് -
ഗുജറാത്ത് ഏകസിവില് കോഡ് ബില്ല് പാസാക്കി; മുസ്ലിം വിരുദ്ധം എന്ന് കോണ്ഗ്രസ്, എതിര്ത്ത് എഎപി -
ശ്രേയ ഘോഷാലിന്റെ ലൈവ് ഷോയുടെ പ്രതിഫലം ലക്ഷങ്ങളല്ല; അമ്പരന്ന് ആരാധകര്: തൊട്ടുമുകളില് എആര് റഹ്മാന് -
'ഇതെന്റെ അവസാനത്തെ വീഡിയോ..'; മൊണാലിസയുടെ ആരോപണത്തില് സനോജ് മിശ്രയുടെ മറുപടി -
യു പ്രതിഭയെ അപമാനിച്ച് ലീഗ് നേതാവ്, കണ്ണീരോടെ ഇടത് സ്ഥാനാർത്ഥി, അപലപിച്ച് മുഖ്യമന്ത്രി പിണറായി വിജയൻ -
യുഡിഎഫ് ആവശ്യപ്പെട്ടു, എസ്ഡിപിഐ പിന്മാറുന്നു? മഞ്ചേശ്വരത്ത് ബിജെപിയെ തോൽപിക്കുക ലക്ഷ്യം -
അവധികാലത്ത് വെറും 24,000 രൂപയ്ക്ക് റെയിൽവേ ഒരുക്കുന്ന അത്ഭുത യാത്ര; ടിക്കറ്റ് ബുക്കിംഗ് തുടങ്ങിക്കഴിഞ്ഞു
Click it and Unblock the Notifications
Sign in with Google