Click it and Unblock the Notifications
Just In
Don't Miss
-
നിങ്ങളുടെ കൂടെ 13 വര്ഷമായെന്ന് സുപ്രിയ! അന്ന് നമ്മളും കുട്ടികളെങ്കില് ഇന്നൊരു കുട്ടിയുടെ മാതാപിതാക്കളായി! -
ചാണക്യനീതി: ദൈവം സൃഷ്ടിച്ചത് വെറുതേയല്ല; പക്ഷികളില് നിന്ന് മനുഷ്യന് പഠിക്കേണ്ട 3 ഗുണങ്ങള് -
2024 ജീപ്പ് റാങ്ലർ ഫെയ്സ്ലിഫ്റ്റിൻ്റെ വീഡിയോ റിവ്യൂ കാണാം -
IPL 2024: മുംബൈ ശക്തരായ ടീം, പക്ഷെ ഇത് പേപ്പറില് മാത്രമാണ്! പരിഹസിച്ച് എബിഡി -
ഏത് വിലയിലും കിടിലൻ സ്മാർട്ട്ഫോൺ റെഡി! 11 വിലകളിൽ ഫോണുമായി ഐക്യൂ Z9 സീരീസ് ലോഞ്ച് ചെയ്തു -
260 ശതമാനം ലാഭം, നിക്ഷേപകരുടെ ഹൃദയം കവർന്ന കെമിക്കൽ ഓഹരി, നിങ്ങളുടെ കയ്യിലുണ്ടോ..? -
മഞ്ഞുപെയ്യും മുന്നേ കാശ്മീരിലേക്ക് ട്രെയിൻ യാത്ര, 12 ദിവസ പാക്കേജ്, ഇതാണ് പറ്റിയ സമയം
നിതീഷ് പ്രധാനമന്ത്രിയായാല്‍ ചെങ്കോട്ടയില്‍ ഉയരുക പാക് പതാകയെന്ന് ബിജെപി എംഎല്‍എ, മറുപടിയുമായി ജെഡിയു
പാട്‌ന: മുഖ്യമന്ത്രി നിതീഷ് കുമാര്‍ പ്രധാനമന്ത്രിയായി തിരഞ്ഞെടുക്കപ്പെട്ടാല്‍ ചെങ്കോട്ടയില്‍ ദേശീയ പതാകക്ക് പകരം പാകിസ്ഥാന്‍ പതാക ആയിരിക്കും ഉയര്‍ത്തുക എന്ന് ബീഹാറിലെ ബി ജെ പി എം എല്‍ എ ഹരിഭൂഷണ്‍ താക്കൂര്‍ ബച്ചോള്‍. 2024 ന് ശേഷം തങ്ങളുടെ നേതാവായിരിക്കും ദേശീയ പതാക ഉയര്‍ത്തുക എന്ന ജെ ഡി യു നേതാക്കളുടെ പ്ലീനറി യോഗത്തിലെ പരാമര്‍ശത്തോട് ആയിരുന്നു ഹരിഭൂഷണ്‍ താക്കൂര്‍ ബച്ചോളിന്റെ പ്രതികരണം.
മധുബാനി ജില്ലയിലെ ബിസ്ഫി നിയമസഭാ മണ്ഡലത്തെ പ്രതിനിധീകരിക്കുന്ന എം എല്‍ എ ആണ് ഹരിഭൂഷണ്‍ താക്കൂര്‍ ബച്ചോള്‍. പ്രകോപനപരമായ പ്രസ്താവനകളിലൂടെ നിരവധി തവണ വാര്‍ത്തകളില്‍ ഇടം നേടിയ നേതാവ് ആണ് ഹരിഭൂഷണ്‍ താക്കൂര്‍ ബച്ചോള്‍.
പ്രധാനമന്ത്രി നരേന്ദ്ര മോദിയുമായി മറ്റേതെങ്കിലും രാഷ്ട്രീയക്കാരനെ താരതമ്യപ്പെടുത്തുന്നത് അസാധ്യമാണ് എന്നും അദ്ദേഹം പറഞ്ഞു. മറ്റൊരു രാഷ്ട്രീയക്കാരനും നരേന്ദ്ര മോദിയുമായി പൊരുത്തപ്പെടുന്നത് അസാധ്യമാണ്. നിതീഷ് കുമാര്‍ വിജയിക്കും എന്ന് കരുതിയാലും, അദ്ദേഹം നമ്മുടെ പതാകയ്ക്ക് പകരം പാകിസ്ഥാന്‍ പതാക ഉയര്‍ത്തുമെന്ന് നമുക്ക് പ്രതീക്ഷിക്കാം, എന്നായിരുന്നു ഹരിഭൂഷണ്‍ താക്കൂര്‍ ബച്ചോള്‍ പറഞ്ഞത്.
എന്നാല്‍ ഹരിഭൂഷണ്‍ താക്കൂര്‍ ബച്ചോളിന്റെ പരാമര്‍ശത്തിന് എതിരെ ജെ ഡി യു നേതാക്കള്‍ രംഗത്തെത്തി. ജെ ഡി യുവും നിതീഷ് കുമാറും ഏതെങ്കിലും പ്രത്യേക സമുദായത്തിന് വേണ്ടിയല്ല മനുഷ്യത്വത്തിന് വേണ്ടി ആണ് നിലകൊള്ളുന്നത് എന്ന് മന്ത്രി അശോക് ചൗധരി പറഞ്ഞു. ന്യൂനപക്ഷങ്ങളെ പരിഗണിക്കുന്ന ആരെയും പാക്കിസ്ഥാനി എന്നോ ബംഗ്ലാദേശി എന്നോ മുദ്ര കുത്തുന്ന പുതിയ പ്രവണതയാണ് ബി ജെ പി ആരംഭിച്ചിരിക്കുന്നത് എന്നും അശോക് ചൗധരി പറഞ്ഞു.
സ്വാതന്ത്ര്യ സമരത്തില്‍ മുസ്ലീങ്ങള്‍ ത്യാഗം സഹിച്ചിട്ടില്ലേ എന്നും അശോക് ചൗധരി ചോദിച്ചു. ഹരിഭൂഷണ്‍ താക്കൂര്‍ ബച്ചോളിക്കും കൂട്ടര്‍ക്കും മുസ്ലീങ്ങളുമായി എന്ത് പ്രശ്‌നമാണ് ഉള്ളത്? സായുധ സേനയില്‍ ഉള്‍പ്പെടെ വിവിധ തലങ്ങളില്‍ അവര്‍ രാജ്യത്തെ സേവിക്കുന്നില്ലേ എന്നും അശോക് ചൗധരി ചോദിച്ചു.
അതേസമയം പ്രധാനമന്ത്രിയാകാന്‍ ആവശ്യമായ എല്ലാ കഴിവുകളും നിതീഷ് കുമാറിന് ഉണ്ട് എന്നും അശോക് ചൗധരി പറഞ്ഞു. ബിഹാര്‍ മുഖ്യമന്ത്രിയാകുന്നതിന് മുമ്പ് നിതീഷ് കുമാര്‍ ഒരു പാര്‍ലമെന്റേറിയനും കേന്ദ്രമന്ത്രിയും ആയിരുന്നു എന്നും അശോക് ചൗധരി ചൂണ്ടിക്കാട്ടി.
