ആദ്യ പോസ്റ്റിങ് ഹാസനിൽ, യാത്രക്കിടെ അപകടം; കർണാടകയിൽ പ്രൊബേഷണറി ഐപിഎസ് ഉദ്യോഗസ്ഥന് ദാരുണാന്ത്യം
ബെംഗളൂരു: ജോലിയിൽ പ്രവേശിക്കേണ്ട ആദ്യ ദിനമുണ്ടായ അപകടത്തിൽ കർണാടകയിലെ പ്രൊബേഷണറി ഐപിഎസ് ഓഫീസർക്ക് ദാരുണാന്ത്യം. മൈസൂരിൽ നിന്നും ഡ്യൂട്ടിയിൽ റിപ്പോർട്ട് ചെയ്യാനായി ഒദ്യോഗിക വാഹനത്തിൽ സഞ്ചരിക്കവേ ഹാസന് അടുത്തുള്ള കിട്ടനെ ഗ്രാമത്തിൽ വച്ചുണ്ടായ അപകടത്തിലാണ് പ്രൊബേഷണറി ഐപിഎസ് ഓഫീസറായ ഹർഷവർധന് ജീവൻ നഷ്ടമായത്.
27കാരനായ ഹർഷവർധൻ മധ്യപ്രദേശ് സ്വദേശിയാണ്. അപകടത്തിൽ തലയ്ക്ക് ഗുരുതരമായി പരിക്കേറ്റ അദ്ദേഹം ആശുപത്രിയിൽ എത്തിക്കുമ്പോൾ തന്നെ അതീവ ഗുരുതരാവസ്ഥയിൽ ആയിരുന്നു. സിവിൽ സർവീസ് പരീക്ഷയിൽ വിജയം നേടി കർണാടക കേഡറിൽ തന്റെ ഔദ്യോഗിക ജീവിതത്തിന് തുടക്കമിടാനായി പുറപ്പെട്ട യാത്രയിലാണ് ഈ ചെറുപ്പക്കാരന്റെ ജീവൻ പൊലിഞ്ഞത്.
യാത്രക്കിടയിൽ അപ്രതീക്ഷിതമായി ടയർ പൊട്ടി പോലീസ് ജീപ്പ് ഓടിച്ചിരുന്ന ഡ്രൈവർക്ക് നിയന്ത്രണം നഷ്ടപ്പെട്ടതാണ് അപകടത്തിന് കാരണമായതെന്നാണ് റിപ്പോർട്ട്. മൈസൂരിലെ പോലീസ് അക്കാദമിയിൽ നിന്നും ഹാസനിലെ എസ്പി ഓഫീസിലേക്ക് പോകുമ്പോഴാണ് അപകടം നടന്നത്. മൈസൂരു ഐജി ഓഫീസ് ഉൾപ്പെടെ സന്ദർശിച്ച ഹർഷവർധൻ അവിടെ നിന്നും ഒരുപാട് പ്രതീക്ഷയോടെയാണ് ഹാസനിലേക്ക് യാത്ര തിരിച്ചത്.
ഹാസൻ എസ്പി മുഹമ്മദ് സുജിത, എഎസ്പിമാരായ തമ്മയ്യ, വെങ്കിടേഷ് നായിഡു എന്നിവർ അപകടവാർത്ത അറിഞ്ഞയുടൻ സ്ഥലത്തെത്തിയിരുന്നു. അപകടത്തിൽ ഗുരുതരമായി പരിക്കേറ്റ ഹർഷവർധനെ ഉടൻ തന്നെ അടുത്തുള്ള സ്വകാര്യ ആശുപത്രിയിലേക്ക് മാറ്റിയിരുന്നു. എന്നാൽ ഗുരുതരമായ പരിക്കുകളാണ് അദ്ദേഹത്തിന്റെ ശരീരത്തിൽ ഉണ്ടായിരുന്നത്.
മെച്ചപ്പെട്ട ചികിത്സക്കായി ബെംഗളുരുവിലേക്ക് മാറ്റണമെന്ന ആവശ്യം ഉയർന്നെങ്കിലും അദ്ദേഹത്തിന്റെ ആരോഗ്യനില മോശമായതിനെ തുടർന്ന് ഈ പദ്ധതി ഉപേക്ഷിക്കുകയായിരുന്നു. പിന്നീട് ഡോക്ടർമാർ തീവ്ര പരിശ്രമത്തിലൂടെ അദ്ദേഹത്തിന്റെ ജീവൻ രക്ഷിക്കാൻ ശ്രമിച്ചെങ്കിലും സാധിക്കാതെ വരികയായിരുന്നു. ഒടുവിൽ ഹർഷവർധന്റെ മരണവിവരം ആശുപത്രി അധികൃതർ പോലീസ് അധികാരികളെ അറിയിച്ചു.
അപകടവിവരം അറിഞ്ഞ് നിരവധി പോലീസ് ഉദ്യോഗസ്ഥരാണ് ആശുപത്രിയിലേക്ക് എത്തിയത്. ദക്ഷിണ മേഖല ഐജി ഉൾപ്പെടെ ഉന്നത ഉദ്യോഗസ്ഥരും ഇവിടേക്ക് വന്നിരുന്നു. 2023 ബാച്ചിലെ കർണാടക കേഡർ ഐപിഎസ് ഉദ്യോഗസ്ഥനായിരുന്നു ഹർഷവർധൻ. ഹോളനരസിപൂരിലെ പ്രൊബേഷണറി അസിസ്റ്റന്റ് പോലീസ് സൂപ്രണ്ട് എന്ന പദവിയായിരുന്നു അദ്ദേഹം വഹിക്കേണ്ടിയിരുന്നത്.
-
ഖത്തര് പറഞ്ഞത് സംഭവിച്ചാല് ഇന്ത്യ വെട്ടിലാകും; പെട്രോളിന് 200 രൂപ, കുവൈത്ത് എണ്ണ ഉല്പ്പാദനം നിര്ത്തി -
പുതിയ ജോലി കിട്ടും, നല്ല വിവാഹാലോചനകൾ വരും, സാമ്പത്തിക പ്രയാസങ്ങള് തീരും, നാൾഫലം -
സ്വർണം പണിക്കൂലി ഇല്ലാതെ വാങ്ങാം; ഇങ്ങനെ ബുക്ക് ചെയ്യൂ; പുതിയ സ്കീമുമായി ജ്വല്ലറികൾ -
ദിലീപ് വേണമെന്ന് ലാലിൻ്റെ ഡിമാൻ്റ്..പൊയ്മുഖങ്ങളെ തിരിച്ചറിയാൻ സിദ്ധിഖിന് ആയില്ല';ആലപ്പി അഷ്റഫ് -
സ്വര്ണം, സില്ക്ക് സാരി, 2500 രൂപ സഹായം; വമ്പന് പ്രഖ്യാപനവുമായി വിജയ്, വാഗ്ദാനപ്പെരുമഴ -
ബെംഗളൂരുവില് എയര്ബസിന്റെ വമ്പന് ടെക്നോളജി സെന്റര്; 5,000 ജീവനക്കാരെ ഉള്ക്കൊള്ളുന്ന ക്യാമ്പസ് -
ഗള്ഫില് സന്തോഷം; ഇറാന് ആക്രമണം നിര്ത്തി, ഒരു നിബന്ധന, മുന് സംഭവങ്ങളില് മാപ്പ് പറഞ്ഞ് പ്രസിഡന്റ് -
വിദേശയാത്രയും തൊഴിലും ആഗ്രഹിച്ചിരിക്കുന്നവര്ക്ക് സാധിക്കും, അപ്രതീക്ഷിതമായി വലിയ സൗഭാഗ്യം, വാരഫലം -
ചെന്നൈയെ ഞെട്ടിക്കാൻ ലുലു; മെട്രോ സ്റ്റേഷനുകളിലെ ഹൈപ്പർമാർക്കറ്റും ഡെയ്ലിയും അടുത്ത മാസം തുറക്കും -
സ്വർണം തിങ്കളാഴ്ച വാങ്ങുന്നുണ്ടോ? വില 1.20 ലക്ഷത്തിന് മുകളിലേക്കോ അതോ താഴേക്കോ? വിദഗ്ധർ പറയുന്നത് ഇതാണ് -
Women's Day Malayalam Wishes: വീണ്ടുമൊരു വനിതാദിനം കൂടി, ആശംസകള് അറിയിക്കാം -
ബെംഗളൂരു യെമലൂർ-ഔട്ടർ റിംഗ് റോഡ്; വടിയെടുത്ത് ഈസ്റ്റ് സിറ്റി കോർപറേഷൻ,മാർച്ച് 15 നകം പൂർത്തിയാക്കണം
Click it and Unblock the Notifications
Sign in with Google