ഭാര്യയെയും മകളെയും തല്ലിച്ചതച്ച് അഭിഭാഷകന്‍,ദൃശ്യങ്ങള്‍ മകള്‍ ഫോണില്‍ പകര്‍ത്തി;വീഡിയോ കാണാം...

ഇയാളുടെ മറ്റൊരു മകളാണ് മര്‍ദ്ദിക്കുന്ന ദൃശ്യങ്ങള്‍ മൊബൈല്‍ ഫോണില്‍ പകര്‍ത്തിയ ശേഷം പോലീസിന് അയച്ചു കൊടുത്തത്.

ദില്ലി: ഭാര്യയെയും മകളെയും അഭിഭാഷകന്‍ ക്രൂരമായി തല്ലിച്ചതയ്ക്കുന്നതിന്റെ ദൃശ്യങ്ങള്‍ പുറത്തായി. ദില്ലി ഹൈക്കോടതിയിലെ അഭിഭാഷകനാണ് മകളെയും ഭാര്യയെയും വീട്ടില്‍ വെച്ച് മര്‍ദ്ദിച്ചത്. ഇയാളുടെ മറ്റൊരു മകളാണ് മര്‍ദ്ദിക്കുന്ന ദൃശ്യങ്ങള്‍ മൊബൈല്‍ ഫോണില്‍ പകര്‍ത്തിയ ശേഷം പോലീസിന് അയച്ചു കൊടുത്തത്.

മര്‍ദ്ദനമേറ്റ ഭാര്യയെയും മകളെയും നിലത്തിട്ട് ചവിട്ടുകയും വലിച്ചിഴക്കുന്നതും വീഡിയോയില്‍ വ്യക്തമാണ്. മകള്‍ അയച്ചുകൊടുത്ത വീഡിയോ ദൃശ്യങ്ങളുടെ അടിസ്ഥാനത്തില്‍ അഭിഭാഷകനെതിരെ പോലീസും വനിതാ കമ്മീഷനും കേസെടുത്തിട്ടുണ്ട്.

നിലവിളിച്ച് ഭാര്യയും മകളും

അതിക്രൂരമായാണ് അഭിഭാഷകന്‍ തന്റെ ഭാര്യയെയും മകളെയും തല്ലിച്ചതച്ചത്. മര്‍ദ്ദിക്കുന്നതോടൊപ്പം അസഭ്യം പറയുകയും ചെയ്യുന്നുണ്ട്. മര്‍ദ്ദനം സഹിക്കാനാവാതെ ഭാര്യയും മകളും നിലവിളിക്കുന്നതും ദൃശ്യങ്ങളില്‍ വ്യക്തമാണ്.

കാരണം ആണ്‍കുഞ്ഞിന് ജന്മം നല്‍കാത്തത്

ആണ്‍കുഞ്ഞിന് ജന്മം നല്‍കിയില്ലെന്ന കാരണത്താലാണ് തന്നെ എന്നും മര്‍ദ്ദിക്കാറെന്ന് അഭിഭാഷകന്റെ ഭാര്യ പറഞ്ഞു. പെണ്‍മക്കളെയും ഇയാള്‍ ഇതിന്റെ പേരില്‍ ദിവസവും തല്ലാറുണ്ട്.

വീഡിയോ പോലീസിന് അയച്ചുകൊടുത്തു

അഭിഭാഷകന്‍ ഭാര്യയെയും മകളെയും തല്ലുന്ന ദൃശ്യങ്ങള്‍ ഇയാളുടെ മറ്റൊരു മകളാണ് മൊബൈല്‍ ഫോണില്‍ പകര്‍ത്തിയ ശേഷം പോലീസിന് അയച്ചുകൊടുത്തത്.

താമസിക്കുന്നത് ദില്ലിയിലെ വിഐപി കോളനിയില്‍

15 വര്‍ഷത്തെ ദാമ്പത്യജീവിതത്തിനിടയില്‍ ഭാര്യയ്ക്ക് നിരവധി തവണ ഭര്‍ത്താവില്‍ നിന്ന് മര്‍ദ്ദനമേല്‍ക്കേണ്ടി വന്നതായും പരാതിയിലുണ്ട്.നഗരത്തിലെ വിഐപി കുടുംബങ്ങള്‍ താമസിക്കുന്ന വസന്ത് കുഞ്ചിലാണ് അഭിഭാഷകനും കുടുംബവും താമസിക്കുന്നത്. ഇവരുടെ രണ്ട് പെണ്‍മക്കളും നഗരത്തിലെ പ്രമുഖ സ്വകാര്യ സ്‌കൂളിലാണ് പഠിക്കുന്നത്.

English summary

A Delhi High Court lawyer thrashes his wife and daughter while shouting abuses in a disturbing video filmed by another daughter and given to the police this week.