Choose Language
Get Updates
Get notified of breaking news, exclusive insights, and must-see stories!
ന്യൂസ്

ലോക്‌സഭാ തിരഞ്ഞെടുപ്പ് നാലാം ഘട്ടം Live: പോളിംഗ് അവസാനിച്ചു, പലയിടത്തും സംഘര്‍ഷം

By
Time

May 13, 2024, 9:54 pm IST

നാലാം ഘട്ടത്തില്‍ ഏറ്റവും കൂടുതല്‍ പോളിംഗ് പശ്ചിമ ബംഗാളില്‍. ഒടുവില്‍ ലഭിക്കുന്ന വിവരപ്രകാരം ബംഗാളില്‍ 76 ശതമാനം പോളിംഗെന്ന് തിരഞ്ഞെടുപ്പ് കമ്മീഷന്‍
May 13, 2024, 9:10 pm IST

നാലാം ഘട്ടത്തില്‍ രാത്രി 8 മണി വരെ ഏകദേശം 62.84% പോളിംഗ് രേഖപ്പെടുത്തിയതായി തിരഞ്ഞെടുപ്പ് കമ്മീഷന്‍. വൈകിട്ട് 6 മണിയോടെ പോളിംഗ് അവസാനിപ്പിച്ചെങ്കിലും നിരവധി വോട്ടര്‍മാര്‍ പോളിംഗ് സ്റ്റേഷനുകളില്‍ ക്യൂവില്‍ ഉണ്ടായിരുന്നു.
May 13, 2024, 8:33 pm IST

ആപ്പും കോണ്‍ഗ്രസും ജനങ്ങളെ പറ്റിക്കുന്നു: ഹിമന്ത ബിശ്വ ശര്‍മ്മ

പഞ്ചാബില്‍ ആം ആദ്മി പാര്‍ട്ടിയും കോണ്‍ഗ്രസും പരസ്പരം മത്സരിക്കുന്നുണ്ടെങ്കിലും ഡല്‍ഹിയില്‍ സഖ്യമുണ്ടാക്കിയിരിക്കുകയാണ് എന്ന് അസം മുഖ്യമന്ത്രി ഹിമന്ത ബിശ്വ ശര്‍മ്മ. ഇത് ജനങ്ങളെ കബളിപ്പിക്കുന്നതിന്റെ ഏറ്റവും വലിയ ഉദാഹരണമാണ് എന്നും അദ്ദേഹം പറഞ്ഞു.
May 13, 2024, 8:04 pm IST
പഞ്ചാബ്

ബിജെപി പഞ്ചാബില്‍ ചരിത്രം സൃഷ്ടിക്കും

ലോക്സഭാ തെരഞ്ഞെടുപ്പില്‍ ബിജെപി പഞ്ചാബില്‍ ചരിത്രം സൃഷ്ടിക്കുമെന്ന് രാജസ്ഥാന്‍ മുഖ്യമന്ത്രി ഭജന്‍ലാല്‍ ശര്‍മ്മ. എഎപി സര്‍ക്കാരില്‍ ജനങ്ങള്‍ തൃപ്തരല്ല. പഞ്ചാബിലെ ജനങ്ങള്‍ക്ക് പ്രധാനമന്ത്രിയില്‍ വിശ്വാസമുണ്ടെന്നും ഭജന്‍ലാല്‍ ശര്‍മ്മ
May 13, 2024, 7:39 pm IST
പഞ്ചാബ്

താരപ്രചാരകരുടെ പട്ടിക പുറത്തുവിട്ട് ആം ആദ്മി
May 13, 2024, 7:06 pm IST
ആന്ധ്ര പ്രദേശ്

പോളിംഗ് ബൂത്തില്‍ പ്രതിഷേധിച്ച് മാധവി ലത

തിരഞ്ഞെടുപ്പില്‍ കൃത്രിമം കാണിക്കാന്‍ ചിലര്‍ അകത്തുണ്ടെന്ന് ആരോപിച്ച് ഹൈദരാബാദ് ബിജെപി സ്ഥാനാര്‍ഥി മാധവി ലത ജമാല്‍ കോളനിയിലെ പോളിങ് ബൂത്തിന് മുന്നില്‍ പ്രതിഷേധിക്കുന്നു. പോളിംഗ് ബൂത്തില്‍ സ്ത്രീ വോട്ടര്‍മാരോട് ബുര്‍ഖ ഉയര്‍ത്താന്‍ ആവശ്യപ്പെട്ടതിന് ഇവര്‍ക്കെതിരെ തിരഞ്ഞെടുപ്പ് അധികൃതര്‍ നേരത്തെ കേസെടുത്തിരുന്നു.
May 13, 2024, 6:29 pm IST
ആന്ധ്ര പ്രദേശ്

ആന്ധ്രാപ്രദേശിലെ തെനാലിയിലെ പോളിംഗ് ബൂത്തില്‍ വൈഎസ്ആര്‍സിപി എംഎല്‍എ ശിവകുമാറും അനുയായികളും വോട്ട് രേഖപ്പെടുത്താന്‍ ക്യൂവില്‍ കാത്തുനിന്ന വോട്ടര്‍മാരും തമ്മില്‍ വാക്കേറ്റമുണ്ടായി. പോളിംഗ് ബൂത്തില്‍ വെച്ച് എംഎല്‍എ ഒരു വോട്ടറെ തല്ലുന്ന ദൃശ്യങ്ങള്‍ സോഷ്യല്‍ മീഡിയയില്‍ പ്രചരിക്കുന്നുണ്ട്.
May 13, 2024, 5:52 pm IST

അഞ്ച് മണിവരെ 62% പോളിംഗ്

ലോക്സഭാ തെരഞ്ഞെടുപ്പിന്റെ നാലാം ഘട്ടത്തില്‍ 10 സംസ്ഥാനങ്ങളിലെയും കേന്ദ്ര ഭരണ പ്രദേശങ്ങളിലെയും 96 നിയോജക മണ്ഡലങ്ങളിലായി വൈകിട്ട് 5 മണി വരെ 62 ശതമാനത്തിലധികം പോളിങ് രേഖപ്പെടുത്തി. 75.66 ശതമാനം പോളിങ് രേഖപ്പെടുത്തിയ പശ്ചിമ ബംഗാളിലാണ് ഏറ്റവും കൂടുതല്‍ പോളിങ് രേഖപ്പെടുത്തിയത്. മധ്യപ്രദേശില്‍ 68.01 ശതമാനം. 35.75 ശതമാനവും 52.49 ശതമാനവും പോളിങ്ങുമായി ജമ്മു കശ്മീരും മഹാരാഷ്ട്രയുമാണ് ഏറ്റവും പിന്നില്‍
May 13, 2024, 5:33 pm IST
ഉത്തർ പ്രദേശ്

പ്രധാനമന്ത്രി നരേന്ദ്ര മോദി വാരണാസിയിലെ ലങ്കാ ചൗക്കില്‍ നിന്ന് റോഡ്ഷോ നടത്തുന്നു. ഉത്തര്‍പ്രദേശ് മുഖ്യമന്ത്രി യോഗി ആദിത്യനാഥും അദ്ദേഹത്തോടൊപ്പമുണ്ട്. മോദി വാരാണസിയിലെ സിറ്റിംഗ് എംപിയും എന്‍ഡിഎ സ്ഥാനാര്‍ത്ഥിയുമാണ്. യുപി പാര്‍ട്ടി അധ്യക്ഷന്‍ അജയ് റായിയാണ് വാരാണസിയില്‍ കോണ്‍ഗ്രസ് സ്ഥാനാര്‍ത്ഥി
May 13, 2024, 5:15 pm IST

മോദിക്കെതിരെ ഖാര്‍ഗെ

അദാനിയെയും അംബാനിയെയും എന്തുകൊണ്ടാണ് അറസ്റ്റ് ചെയ്യാത്തത് എന്ന് പ്രധാനമന്ത്രി നരേന്ദ്ര മോദിയോട് കോണ്‍ഗ്രസ് അധ്യക്ഷന്‍ മല്ലികാര്‍ജുന്‍ ഖാര്‍ഗെ. ഹേമന്ത് സോറനെ അറസ്റ്റ് ചെയ്തു. എന്നാല്‍ ടെമ്പോ ലോഡ് കാശ് പരാമര്‍ശം മോദി തന്നെ നടത്തിയിട്ടും എന്തുകൊണ്ടാണ് നിങ്ങള്‍ അദാനിയെയും അംബാനിയെയും അറസ്റ്റ് ചെയ്യാത്തത് എന്നും അദ്ദേഹം ആരാഞ്ഞു
May 13, 2024, 4:35 pm IST

ആന്ധ്രയില്‍ പോളിംഗ് 50 ശതമാനം കടന്നു

ആന്ധ്രാപ്രദേശ് നിയമസഭാ തിരഞ്ഞെടുപ്പില്‍ മൂന്ന് മണി വരെ 55.49 ശതമാനം പോളിംഗ്. ഒഡിഷയില്‍ 52.91 ശതമാനം പോളിംഗ്‌
May 13, 2024, 4:20 pm IST
ഉത്തർ പ്രദേശ്

സമാജ്‌വാദി പാർട്ടി അധ്യക്ഷനും കനൗജിലെ സ്ഥാനാർത്ഥിയുമായ അഖിലേഷ് യാദവ് മാധ്യമങ്ങളോട് സംസാരിക്കുന്നു
May 13, 2024, 4:00 pm IST

മൂന്ന് മണി വരെ രേഖപ്പെടുത്തിയ പോളിങ് ശതമാനം 52.60
May 13, 2024, 3:12 pm IST
തെലങ്കാന

ബിജെപി സ്ഥാനാർത്ഥി ലത മാധവിക്കെതിരെ കേസ്

ഹൈദരാബാദിലെ ബിജെപി സ്ഥാനാർത്ഥി ലത മാധവിക്കെതിരെ പോലീസ് കേസെടുത്തു. വനിതാ വോട്ടർമാരുടെ ഐഡി പരിശോധിച്ച സംഭവത്തിലാണ് നടപടി.
May 13, 2024, 3:04 pm IST
പശ്ചിമ ബംഗാള്‍

മുർഷിദാബാദിലെ തൃണമൂൽ കോൺഗ്രസ് സ്ഥാനാർത്ഥി യൂസഫ് പത്താൻ സംസാരിക്കുന്നു
May 13, 2024, 2:51 pm IST
ആന്ധ്ര പ്രദേശ്

നടനും ടിഡിപി എംഎൽഎ സ്ഥാനാർത്ഥിയുമായ നന്ദമുറി ബാലകൃഷ്‌ണ വോട്ട് രേഖപ്പെടുത്തുന്നു
May 13, 2024, 2:35 pm IST
ജമ്മു കശ്മീര്‍

കേന്ദ്രമന്ത്രി കിരൺ റിജുജു സംസാരിക്കുന്നു
May 13, 2024, 2:32 pm IST

വഞ്ചകരുടെ കൂട്ടായ്‌മയാണ് ഇന്ത്യാ സഖ്യമെന്ന് ബിജെപി അധ്യക്ഷൻ ജെപി നദ്ദ

മോദിജി അഴിമതി ഇല്ലാതാക്കണമെന്ന് പറയുന്നു. എന്നാൽ പ്രതിപക്ഷ നേതാക്കൾ പറയുന്നത് അഴിമതിക്കാരെ സംരക്ഷിക്കണം എന്നാണ്; നദ്ദ പറയുന്നു. വഞ്ചകരുടെ കൂട്ടായ്‌മയാണ് ഇന്ത്യാ സഖ്യമെന്നും നദ്ദ ആരോപിച്ചു.
May 13, 2024, 1:41 pm IST

ഹൈദരാബാദിലെ ബിജെപി സ്ഥാനാർത്ഥി മാധവി ലത വോട്ടർമാരുടെ ഐഡി കാർഡ് പരിശോധിച്ചത് വിവാദമാകുന്നു. മുസ്ലിം വനിതകളുടെ ഐഡി കാർഡാണ് അവർ പരിശോധിച്ചത്.
May 13, 2024, 1:22 pm IST

തെലങ്കാനയിൽ വോട്ട് രേഖപ്പെടുത്തിയ ശേഷം ബാഡ്‌മിന്റൺ ജ്വാല ഗുട്ട മാധ്യമങ്ങളോട് സംസാരിക്കുന്നു.
May 13, 2024, 1:04 pm IST
തെലങ്കാന

തെലങ്കാന മുഖ്യമന്ത്രി രേവന്ത് റെഡ്‌ഡി വോട്ട് രേഖപ്പെടുത്തി
May 13, 2024, 12:48 pm IST
ഉത്തർ പ്രദേശ്

ഉത്തർപ്രദേശ് ഉപമുഖ്യമന്ത്രി കേശവപ്രസാദ്‌ മൗര്യ സംസാരിക്കുന്നു
May 13, 2024, 12:21 pm IST

വോട്ട് രേഖപ്പെടുത്തിയ ശേഷം കെ ചന്ദ്രശേഖർ റാവു മാധ്യമങ്ങളോട് സംസാരിക്കുന്നു
May 13, 2024, 12:04 pm IST
തെലങ്കാന

Lok Sabha Polls Fourth Phase
മുതിർന്ന ബിആർഎസ് നേതാവും തെലങ്കാനയിലെ പ്രതിപക്ഷ നേതാവുമായ കെ ചന്ദ്രശേഖർ റാവു വോട്ട് രേഖപ്പെടുത്തിയ ശേഷം
May 13, 2024, 11:52 am IST

പോളിങ് 25 ശതമാനം കടന്നു

പതിനൊന്ന് മണി വരെ 25 ശതമാനം പോളിങ് രേഖപ്പെടുത്തിയെന്ന് കണക്കുകൾ
May 13, 2024, 11:31 am IST

തെലങ്കാന ബിജെപി സ്ഥാനാർത്ഥി മാധവി ലത വോട്ട് രേഖപ്പെടുത്താനായി പോളിങ് ബൂത്തിൽ എത്തിയപ്പോൾ
May 13, 2024, 11:19 am IST
തെലങ്കാന

തെലങ്കാനയിൽ ബിആർഎസ് നേതാവ് കെടി രാമറാവു കുടുംബത്തോടൊപ്പം വോട്ട് രേഖപ്പെടുത്താൻ എത്തിയപ്പോൾ
May 13, 2024, 11:06 am IST
ആന്ധ്ര പ്രദേശ്

ജനാധിപത്യത്തിന്റെ ഭാഗമാവാൻ വോട്ട് രേഖപ്പെടുത്തിയേ മതിയാകൂ എന്ന് കീരവാണി

നിങ്ങൾ ജനാധിപത്യത്തിന്റെ ഭാഗം ആണെങ്കിൽ തീർച്ചയായും വോട്ട് രേഖപ്പെടുത്തേണ്ടതുണ്ടെന്ന് ഓസ്‌കാർ ജേതാവായ സംഗീത സംവിധായകൻ എംഎം കീരവാണി ഹൈദരാബാദിൽ പറഞ്ഞു. വോട്ട് രേഖപ്പെടുത്തിയ ശേഷം മാധ്യമങ്ങളോട് സംസാരിക്കുകയായിരുന്നു അദ്ദേഹം.
May 13, 2024, 10:52 am IST
ജാര്‍ഖണ്ഡ്

വോട്ടർമാർ വലിയ ആവേശത്തിലെന്ന് അർജുൻ മുണ്ട, ജാർഖണ്ഡിലെ ഖുന്തിയിൽ വോട്ട് രേഖപ്പെടുത്തിയ ശേഷം പ്രതികരിക്കുകയായിരുന്നു അദ്ദേഹം
May 13, 2024, 10:43 am IST
ഉത്തർ പ്രദേശ്

ദളിതരെ വോട്ട് ചെയ്യാൻ അനുവദിക്കുന്നില്ലെന്ന് ആക്ഷേപം

ഉത്തർപ്രദേശിലെ കനൗജ് മണ്ഡലത്തിൽ ദളിത് വിഭാഗക്കാരെ വോട്ട് രേഖപ്പെടുത്താൻ അനുവദിക്കുന്നില്ലെന്ന പരാതിയുമായി ബിഎസ്‌പി സ്ഥാനാർത്ഥി രംഗത്ത്.
READ MORE

ന്യൂഡല്‍ഹി: ലോക്‌സഭാ തിരഞ്ഞെടുപ്പിലെ നാലാം ഘട്ട പോളിംഗ് നാളെ തുടങ്ങും. നാലാം ഘട്ടത്തിനായി പൂര്‍ണ സജ്ജമായതായും കേന്ദ്ര തിരഞ്ഞെടുപ്പ് കമ്മീഷന്‍ പറഞ്ഞു. 10 സംസ്ഥാനങ്ങളിലായി 96 സീറ്റുകളിലാണ് തിരഞ്ഞെടുപ്പ് നടക്കുന്നത്. 17.7 കോടി പേരാണ് ഇത്തവണ പോളിംഗിന് അര്‍ഹത നേടിയവര്‍. 2019ല്‍ ഇവയില്‍ 42 സീറ്റുകളില്‍ ബിജെപിയാണ് വിജയിച്ചത്.

ആന്ധപ്രദേശ് നിയമസഭയിലെ ആകെയുള്ള 175 സീറ്റിലേക്കും പോളിഗ് നടക്കുന്നുണ്ട്. വോട്ടര്‍മാരുടെ പങ്കാളിത്തം വര്‍ധിപ്പിക്കുന്നതിനായി തെലങ്കാനയിലെ 17 ലോക്‌സഭാ മണ്ഡലങ്ങളിലെ ചില നിയമസഭാ മണ്ഡലങ്ങളും പരിധിയില്‍ വോട്ടെടുപ്പ് സമയം വര്‍ധിപ്പിച്ചിട്ടുണ്ട്. അതേസമയം നാലാം ഘട്ട പോളിംഗില്‍ മഴ ഭീഷണിയില്ലെന്ന് കാലാവസ്ഥ വകുപ്പ് അറിയിച്ചു.

Lok Sabha Election 2024 Live

നാലാം ഘട്ടത്തില്‍ ഏറ്റവും നിര്‍ണായകം ബിജെപിക്കാണ്. അവരാണ് കഴിഞ്ഞ തവണ കൂടുതല്‍ സീറ്റുകളില്‍ വിജയം നേടിയത്. അതേസമയം നിരവധി സീറ്റുകള്‍ എങ്ങോട്ട് വേണമെങ്കിലും മാറാവുന്നതാണ്. 21 സ്വിംഗ് സീറ്റുകളാണ് ഇത്തരത്തിലുള്ളത്. അതില്‍ 11 സീറ്റുകള്‍ മൊത്തം പോള്‍ ചെയ്തതിന്റെ ഒരു ശതമാനം വോട്ടിന് താഴെ മാത്രം നേടി വിജയിച്ചവരാണ്. പക്ഷേ ഇതില്‍ രണ്ടെണ്ണം മാത്രമാണ് ബിജെപിയുടെ കൈവശം.

പ്രതിപക്ഷത്തിന്റെ കൈവശമുള്ള സീറ്റുകളില്‍ വലിയ അട്ടിമറി നടക്കാനും സാധ്യതയുണ്ട്. ബിജെപി രണ്ടാം സ്ഥാനത്തെത്തിയ പല സീറ്റുകളിലും വിജയമാര്‍ജിന്‍ വളരെ കുറവാണ്. അതേസമയം കാലാവസ്ഥ സാധാരണ ഗതിയിലും താഴെയായിരിക്കുമെന്നാണ് പ്രവചനം. ഉഷ്ണതരംഗത്തിനും പോളിംഗ് ദിനത്തില്‍ സാധ്യതയില്ല. മൂന്ന് ഘട്ടം പോളിംഗ് കഴിഞ്ഞപ്പോള്‍ 283 ലോക്‌സഭാ മണ്ഡലങ്ങളിലെ വോട്ടെടുപ്പാണ് പൂര്‍ത്തിയാക്കിയിരിക്കുന്നത്.

Read more about:

lok sabha election 2024 election 2024

Notifications
Settings
Clear Notifications
Notifications
Use the toggle to switch on notifications
  • Block for 8 hours
  • Block for 12 hours
  • Block for 24 hours
  • Don't block
Gender
Select your Gender
  • Male
  • Female
  • Others
Age
Select your Age Range
  • Under 18
  • 18 to 25
  • 26 to 35
  • 36 to 45
  • 45 to 55
  • 55+
Sign Out