ബാരാമതിയില് പോരാട്ടം കടുക്കും; അജിത്തിനെതിരെ യുഗേന്ദ്ര പവാര് എത്തും? ചിഹ്നം അജിത്ത് പക്ഷത്തിനൊപ്പം
മുംബൈ: മഹാരാഷ്ട്രയില് ഒരിക്കല് കൂടി പവാര് കുടുംബം തമ്മില് തിരഞ്ഞെടുപ്പ് പോരാട്ടം. പവാര് കുടുംബത്തിന്റെ കോട്ടയായ ബാരാമതിയില് അജിത് പവാര് നിയമസഭാ തിരഞ്ഞെടുപ്പില് മത്സരിക്കും. എന്സിപി അജിത് പവാര് വിഭാഗം ബുധനാഴ്ച്ച സ്ഥാനാര്ത്ഥി പട്ടിക പ്രഖ്യാപിച്ചിരുന്നു. ആദ്യ സ്ഥാനാര്ത്ഥി പട്ടികയില് അജിത് പവാറിന്റെ പേരുമുണ്ടായിരുന്നു.
ബാരാമതിയില് നിന്ന് മത്സരിക്കുന്ന കാരം അദ്ദേഹം സ്ഥിരീകരിക്കുകയായിരുന്നു. ലോക്സഭാ തിരഞ്ഞെടുപ്പില് ഇരുപാര്ട്ടികളും തമ്മില് വലിയ മത്സരം തന്നെ നടന്നിരുന്നു. എന്നാല് ജയം ശരത് പവാര് പക്ഷത്തിനൊപ്പമായിരുന്നു. അജിത് പക്ഷേ തകര്ന്നടിയുകയും ചെയ്തു. അജിത് പവാറിന്റെ ഭാര്യ സുനേത്രയായിരുന്നു ബാരാമതിയില് മത്സരിച്ചിരുന്നത്.
ലോക്സഭാ തിരഞ്ഞെടുപ്പില് സുപ്രിയ സുലെയാണ് ബാരാമതിയില് ശരത് പവാര് പക്ഷത്തിന്റെ സ്ഥാനാര്ഥിയായി മത്സരിച്ചത്. നിയമസഭാ തിരഞ്ഞെടുപ്പില് അജിത് പവാറിന്റെ അനന്തരവനായ യുഗേന്ദ്ര പവാറിനെ ബാരാമതിയില് മത്സരിക്കാനാണ് എന്സിപി ശരത് പവാര് പക്ഷം തീരുമാനിച്ചിരിക്കുന്നത്. വൈകാതെ സ്ഥാനാര്ത്ഥിത്വം പ്രഖ്യാപിക്കും.
പവാര് കുടുംബത്തിന്റെ കോട്ടയില് ആര്ക്കാണ് ആധിപത്യമെന്ന് ഉറപ്പിക്കാന് ഈ തിരഞ്ഞെടുപ്പിലൂടെ സാധിക്കും. അതേസമയം തിങ്കളാഴ്ച്ച അജിത് പവാര് നാമനിര്ദേശ പത്രിക സമര്പ്പിക്കുമെന്ന് എന്സിപി സംസ്ഥാന അധ്യക്ഷന് സുനില് തത്കാരെ സ്ഥാനാര്ത്ഥി പ്രഖ്യാപനത്തിന് ശേഷം പറഞ്ഞു.
സുനേത്രയെ മത്സരിപ്പിക്കാന് തീരുമാനിച്ചത് തന്റെ പിഴവാണെന്ന് അജിത് പവാര് പറഞ്ഞിരുന്നു. സുനേത്രയെ 1.58 ലക്ഷം വോട്ടുകള്ക്കാണ് സുപ്രിയ സുലെ പരാജയപ്പെടുത്തിയത്. സുനേത്ര മത്സരിക്കാനെത്തിയത് പവാര് കുടുംബത്തില് വലിയ പ്രശ്നങ്ങള്ക്ക് കാരണമായിരുന്നു.
അതേസമയം പവാര് കുടുംബത്തിനെതിരെ നിലപാടും നേരത്തെ അജിത് പവാര് മയപ്പെടുത്തിയിരുന്നു. യുഗേന്ദ്രയെ മത്സരിപ്പിക്കാനാണ് ശരത് പവാറിനും താല്പര്യം. സുപ്രിയ സുലെയുടെ വമ്പന് ജയത്തിന്റെ ക്രെഡിറ്റും യുഗേന്ദ്രയ്ക്കായിരുന്നു. മികച്ച പ്രചാരണത്തിന് മുന്നില് നിന്നത് അദ്ദേഹമായിരുന്നു. അജിത് പവാറിന്റെ സഹോദരന് ശ്രീനിവാസിന്റെ മകനാണ് യുഗേന്ദ്ര. ശരത് പവാറുമായി വളരെ അടുപ്പമുള്ള നേതാവാണ് അദ്ദേഹം.
അതേസമയം ബാരാമതിയില് പക്ഷേ നേരിട്ടെത്തി അജിത്തിന് പ്രചാരണം നടത്താന് സാധിക്കില്ല. മറ്റ് മണ്ഡലങ്ങളില് അദ്ദേഹത്തിന് പോകേണ്ടി വരും. ഭാര്യ സുനേത്രയും മകന് ജയ് പവാറുമാണ് അജിത്തിന്റെ പ്രചാരണത്തെ നയിക്കുന്നത്. നാമനിര്ദേശപത്രിക സമര്പ്പിച്ച ശേഷം റോഡ് ഷോയും റാലിയും അദ്ദേഹം നടത്തും.
മത്സരത്തിന് മുമ്പ് അജിത് പവാര് പക്ഷത്തിന് വലിയ വിജയവും ശരത് പവാറിനെതിരെ നേടാനായിട്ടുണ്ട്. ക്ലോക്ക് ചിഹ്നമായി എന്സിപി അജിത് പവാര് പക്ഷത്തിന് ഉപയോഗിക്കാന് അനുമതി നല്കിയിരിക്കുകയാണ് സുപ്രീം കോടതി. എന്നാല് ഇക്കാര്യം ജനങ്ങളെ പരസ്യങ്ങളിലൂടെ ബോധ്യപ്പെടുത്തണമെന്നും, കോടതി ഈ വിഷയത്തില് അന്തിമ തീരുമാനമെടുത്തില്ലെന്നും സുപ്രീം കോടതി വ്യക്തമാക്കി.
-
"എന്റെ യോഗ്യത ചർച്ച ചെയ്തത് കൊണ്ടാണ് പിഷാരടിയുടെ കാര്യം എടുത്തിട്ടത്, തൃക്കാക്കരക്കാർ മാറി ചിന്തിക്കണം" -
പ്രധാനമന്ത്രി ഒരുപാടു കാര്യങ്ങള് പറഞ്ഞു; ഓമിക്ക് കൊടുത്ത ചോക്ലേറ്റ് നിധി പോലെ സൂക്ഷിച്ചുവച്ചിട്ടുണ്ട് -
പാൻ കാർഡ് നിയമങ്ങളിൽ വൻ മാറ്റം; ഏപ്രിൽ മുതൽ പണമിടപാടുകളിൽ ജാഗ്രത, ഇല്ലെങ്കിൽ പണി കിട്ടും! -
സ്വര്ണം തിരിച്ചുകയറി; എണ്ണ വീണു, ട്രംപിന്റെ ഒറ്റ പ്രഖ്യാപനത്തോടെ വിപണിയില് ട്വിസ്റ്റ്, ചര്ച്ചയില് പ്രതീക്ഷ -
സ്വര്ണം ഊരി നല്കി സ്ത്രീകള്; ഒരു മാസത്തെ ശമ്പളം നല്കി എംഎല്എ, ഇന്ത്യയോട് നന്ദി പറഞ്ഞ് ഇറാന് -
ശുക്രൻ തെളിയും വൈകാതെ; ഈ രാശിക്കാർ പുതിയ കാറും വീടും വാങ്ങും, സ്വത്ത് തർക്കങ്ങൾ പരിഹരിക്കും! -
പൊന്നും പണവും കൈയിലേക്ക്...; ഈ രാശിക്കാര്ക്കിനി രാജയോഗത്തിന് സമാനമായ നേട്ടം -
ഏപ്രില് 1 മുതല് ശമ്പള ഘടന മാറും..! കൈയില് കിട്ടുന്ന ശമ്പളം കുറയുമോ? അറിയേണ്ടതെല്ലാം -
ഹണി റോസിനെ വിട്ട് മൊണാലിസയെ എത്തിച്ച ബോച്ചെയുടെ തന്ത്രം ജയിച്ചു; എന്നാല് സര്ക്കാര് പെടുമോ? -
കേരളത്തിലെ ഈ ജില്ലയ്ക്ക് പറയാനുള്ളത് 'നാണക്കേടിന്റെ' തിരഞ്ഞെടുപ്പ് ചരിത്രം; ഇത്തവണ മാറുമോ -
അഖില് ഇന്ന് പറയുന്നത് നാളെ മാറ്റിപ്പറയും.. മറുപടി രണ്ട് വര്ഷം കഴിഞ്ഞ് തരാം; പരിഹസിച്ച് പിഷാരടി -
ജയിച്ച ആദ്യ സിനിമാക്കാരൻ എംഎൽഎ ആയില്ല- നിയമസഭയിലെ സിനിമാ വിശേഷങ്ങൾ
Click it and Unblock the Notifications
Sign in with Google