കുഞ്ഞു യാസിന്റെ സത്യസന്ധത്ക്ക് രജനിയുടെ സമ്മാനം... കളഞ്ഞു കിട്ടിയ പണം തിരികെ നല്കിയ ബാലന്!!
Recommended Video
ചെന്നൈ: വഴിയില് നിന്ന് 50000 രൂപ കളഞ്ഞ് കിട്ടിയാല് നിങ്ങള് എന്ത് ചെയ്യും. കടുപ്പമേറിയൊരു ചോദ്യമാണല്ലേ. പണം എല്ലാവരെയും പ്രലോഭിപ്പിക്കുന്ന ഒന്നാണ്. അതുകൊണ്ട് ഉത്തരം പറയുക ബുദ്ധിമുട്ടായിരിക്കും. ചിലപ്പോള് നമ്മള് എടുത്തേക്കും ചിലപ്പോള് നമ്മള് തിരിച്ചുനല്കിയേക്കും. എന്നാല് യാസിന് എന്ന രണ്ടാം ക്ലാസുകാരന്റെ സത്യസന്ധതയില് അമ്പരന്ന് നില്ക്കുകയാണ് തമിഴ്നാട്. കളഞ്ഞു കിട്ടിയ അമ്പതിനായിരം രൂപ തിരിച്ച് നല്കി യാസിനെ സൂപ്പര് താരം രജനീകാന്ത് അടക്കമുള്ളവര് പ്രശംസിക്കുകയാണ്.
ജീവിതത്തില് ഏറ്റവും സത്യസന്ധരായിരിക്കാന് മുതിര്ന്നവരെ പോലും പ്രേരിപ്പിക്കുന്ന സംഭവമാണിത്. എന്താണോ ആ കുട്ടി ചെയ്തത് അത് ഇന്ന് സമൂഹത്തില് പലരും ചെയ്യാന് മടിക്കുന്ന കാര്യമാണ്. ഒരുപക്ഷേ യാസിന്റെ മാതാപിതാക്കള് കൂടി ഈ സത്യസന്ധതയില് പ്രശംസയ്ക്ക് വിധേയമാകേണ്ടതുണ്ട്. അവര്ക്ക് അഭിമാനിക്കാവുന്ന സംഭവം കൂടിയാണിത്.
സ്കൂളിലേക്ക് പോകും വഴി
ഈറോഡ് ജില്ലയിലെ ചിന്ന സെമുവിലാണ് യാസിന് താമസിക്കുന്നത്. സ്കൂളിലേക്ക് പോകും വഴിയാണ് യാസിന് 50000 രൂപ അടങ്ങിയ പേഴ്സ് കളഞ്ഞു കിട്ടിയത്. മുതിര്ന്നവരെ പോലും ഇത്രയും വലിയൊരു തുക തീര്ച്ചയായും ഭ്രമപ്പെടുത്തും. പക്ഷേ വെറും രണ്ടാം ക്ലാസ് വിദ്യാര്ത്ഥി മാത്രമായയാസിന് ഇത് തിരിച്ചേല്പ്പിക്കാനാണ് തീരുമാനിച്ചത്. പേഴ്സും അതിലുണ്ടായിരുന്ന സാധനങ്ങളും അടക്കം താന് പഠിക്കുന്ന പഞ്ചായത്ത് യൂണിയന് പ്രൈമറി പ്രിന്സിപ്പാളിനെ ഏല്പ്പിക്കുകയായിരുന്നു യാസിന്.
പോലീസിന് കൈമാറി
പ്രിന്സിപ്പാള് ഈ പേഴ്സ് പോലീസിന് കൈമാറുകയായിരുന്നു. പോലീസ് ഇക്കാര്യത്തെ കുറിച്ച് അന്വേഷിച്ചപ്പോഴാണ് യാസിന്റെ സത്യസന്ധതയെ കുറിച്ച് ലോകം അറിഞ്ഞത്. പല സ്ഥലത്ത് നിന്നും ആ കുഞ്ഞ് മനസിനെ തേടി അഭിനന്ദന പ്രവാഹമെത്തി. പക്ഷേ യാസിനെ ഞെട്ടിച്ചത് സൂപ്പര് താരം രജനീകാന്താണ്. യാസിന്റെ കുടുംബത്തെ ചെന്നൈയിലേക്ക് ക്ഷണിക്കുകയും ചെയ്തു രജനീകാന്ത്. ഇവര് ചെന്നൈയിലെത്തി പിന്നീട് രജനിയെ കാണുകയും ചെയ്തു. യാസിന്റെ സത്യസന്ധതയെ വാനോളം പുകഴ്ത്തിയിട്ടുണ്ട് രജനി.
ഇനി രജനിയുടെ കൈകളില് ഭദ്രം
യാസിന്റെ ഭാവിയെ പറ്റി ആലോചിച്ച് ഇനി അവന്റെ മാതാപിതാക്കള്ക്ക് ആശങ്കപ്പെടേണ്ട കാര്യമില്ല. അത് ഇനി രജനിയുടെ കൈകളില് ഭദ്രമാണ്. യാസിന്റെ ഉന്നത പഠനത്തിനുള്ള ചെലവുകള് താന് വഹിക്കാമെന്ന് രജനി മാതാപിതാക്കള്ക്ക് ഉറപ്പു നല്കി. ആളുകള് ചെറുപ്രായത്തില് തന്നെ ചതിക്കാന് പഠിക്കുന്ന കാലമാണിത്. പണത്തിന് വേണ്ടി പലരും മോഷ്ടിക്കുകയും കൊലപ്പെടുത്തുകയും ചെയ്യുന്നു. എന്നാല് യാസിന് ഇത് എന്റെ പണമല്ല എന്ന് തിരിച്ചറിയുകയും അത് മടക്കിയേല്പ്പിക്കുകയും ചെയ്തു. ഇത് പ്രശംസിക്കേണ്ട സത്യസന്ധതയാണ്.
ഇത് വലിയൊരു ഗുണമാണ്
ഇങ്ങനെയൊരു ഗുണമുണ്ടെന്നതാണ് യാസിനെ വേറിട്ടവനാക്കുന്നത്. യാസിന് ഇപ്പോള് സര്ക്കാര് സ്കൂളില് പഠിക്കുകയാണ്. ഇപ്പോള് അവന് അവിടെ തുടര്ന്ന് പഠിക്കട്ടെ. ഇതിന് ശേഷം അവന് തുടര്ന്ന് പഠിക്കാന് ആഗ്രഹിക്കുന്നുണ്ടെങ്കില് അതിന് ഞാന് തയ്യാറാണ്. എല്ലാ കുട്ടികള്ക്കും മുതിര്ന്നവര്ക്കും യാസിന് ഉത്തേജനമാണെന്ന് രജനി കൂട്ടിച്ചേര്ത്തു. അതേസമയം യാസിന്റെ സത്യസന്ധതയെ പ്രശംസിച്ചതിലൂടെ പോസിറ്റീവായിട്ടുള്ള കീഴ്വഴക്കമാണ് രജനി ഉണ്ടാക്കിയിരിക്കുന്നത്. രാഷ്ട്രീക്കാരും സിനിമാക്കാരും കൂടുതലായി തന്നെ ഇത്തരം കാര്യങ്ങളെ പ്രോത്സാഹിപ്പിക്കുമെന്ന് പ്രതീക്ഷിക്കാം.
-
"എന്റെ യോഗ്യത ചർച്ച ചെയ്തത് കൊണ്ടാണ് പിഷാരടിയുടെ കാര്യം എടുത്തിട്ടത്, തൃക്കാക്കരക്കാർ മാറി ചിന്തിക്കണം" -
പ്രധാനമന്ത്രി ഒരുപാടു കാര്യങ്ങള് പറഞ്ഞു; ഓമിക്ക് കൊടുത്ത ചോക്ലേറ്റ് നിധി പോലെ സൂക്ഷിച്ചുവച്ചിട്ടുണ്ട് -
പാൻ കാർഡ് നിയമങ്ങളിൽ വൻ മാറ്റം; ഏപ്രിൽ മുതൽ പണമിടപാടുകളിൽ ജാഗ്രത, ഇല്ലെങ്കിൽ പണി കിട്ടും! -
സ്വര്ണം തിരിച്ചുകയറി; എണ്ണ വീണു, ട്രംപിന്റെ ഒറ്റ പ്രഖ്യാപനത്തോടെ വിപണിയില് ട്വിസ്റ്റ്, ചര്ച്ചയില് പ്രതീക്ഷ -
സ്വര്ണം ഊരി നല്കി സ്ത്രീകള്; ഒരു മാസത്തെ ശമ്പളം നല്കി എംഎല്എ, ഇന്ത്യയോട് നന്ദി പറഞ്ഞ് ഇറാന് -
ശുക്രൻ തെളിയും വൈകാതെ; ഈ രാശിക്കാർ പുതിയ കാറും വീടും വാങ്ങും, സ്വത്ത് തർക്കങ്ങൾ പരിഹരിക്കും! -
പൊന്നും പണവും കൈയിലേക്ക്...; ഈ രാശിക്കാര്ക്കിനി രാജയോഗത്തിന് സമാനമായ നേട്ടം -
ഏപ്രില് 1 മുതല് ശമ്പള ഘടന മാറും..! കൈയില് കിട്ടുന്ന ശമ്പളം കുറയുമോ? അറിയേണ്ടതെല്ലാം -
ഹണി റോസിനെ വിട്ട് മൊണാലിസയെ എത്തിച്ച ബോച്ചെയുടെ തന്ത്രം ജയിച്ചു; എന്നാല് സര്ക്കാര് പെടുമോ? -
കേരളത്തിലെ ഈ ജില്ലയ്ക്ക് പറയാനുള്ളത് 'നാണക്കേടിന്റെ' തിരഞ്ഞെടുപ്പ് ചരിത്രം; ഇത്തവണ മാറുമോ -
അഖില് ഇന്ന് പറയുന്നത് നാളെ മാറ്റിപ്പറയും.. മറുപടി രണ്ട് വര്ഷം കഴിഞ്ഞ് തരാം; പരിഹസിച്ച് പിഷാരടി -
ജയിച്ച ആദ്യ സിനിമാക്കാരൻ എംഎൽഎ ആയില്ല- നിയമസഭയിലെ സിനിമാ വിശേഷങ്ങൾ
Click it and Unblock the Notifications
Sign in with Google