Click it and Unblock the Notifications
Just In
Don't Miss
-
ബിഎസ്എൻഎൽ 4ജി മരിച്ചിട്ടില്ല! 15000 കോടിയുടെ കരാർ: ടിസിഎസ് 4 ഡാറ്റ സെന്ററുകൾ സ്ഥാപിക്കും -
എനിക്കും റസ്മിനും രണ്ട് ക്ലാരിറ്റിയോ? ജാസ്മിന് ഗബ്രിയോട്; 'ഇത് ഒറ്റ ദിവസം കൊണ്ട് തീര്ക്കാവുന്നതേ ഉള്ളു' -
ആയുസ്സിനും ആരോഗ്യത്തിനും ചെറുധാന്യങ്ങള് ശീലമാക്കാം -
'സീറോ ടു ഹീറോ'... ടാറ്റയെ പ്രശംസിച്ച് ക്രാഷ് ടെസ്റ്റിംഗ് ഏജന്സി! മാരുതി കണ്ട് പഠിക്കട്ടെ -
T20 World Cup 2024: സഞ്ജു 314, രാഹുല് 302; മേല്ക്കൈ രാഹുലിന്! ബിസിസിഐയുടെ തനിനിറം പുറത്ത് -
മൾട്ടിബാഗർ റെയിൽവേ ഓഹരികൾ, ഇപ്പോൾ വാങ്ങിയാൽ 30% നേട്ടമുണ്ടാക്കാം, കൂടെക്കൂട്ടുന്നോ -
മഞ്ഞുപെയ്യും മുന്നേ കാശ്മീരിലേക്ക് ട്രെയിൻ യാത്ര, 12 ദിവസ പാക്കേജ്, ഇതാണ് പറ്റിയ സമയം
മനോഹര്‍ പരീക്കറുടെ പേരില്‍ ഗോവയില്‍ അന്താരാഷ്ട്ര വിമാനത്താവളം; ഉദ്ഘാടനം ചെയ്ത് പ്രധാനമന്ത്രി
പനാജി: മുന്‍ പ്രതിരോധ മന്ത്രി മനോഹര്‍ പരീക്കറുടെ പേരിലുള്ള അന്താരാഷ്ട്ര വിമാനത്താവളം ഉത്തര ഗോവയിലെ മോപ്പയില്‍. പ്രധാനമന്ത്രി നരേന്ദ്ര മോദി വിമാനത്താവളത്തില്‍ ആദ്യ ഘട്ടം ഇന്ന് ഉദ്ഘാടനം ചെയ്തു. 2019 മാര്‍ച്ച് മൂന്നിനായിരുന്നു മുന്‍ ഗോവ മുഖ്യമന്ത്രി കൂടിയായ പരീക്കറുടെ മരണം.
ഗോവയിലെ ടൂറിസത്തെ പരിപോഷിപ്പിക്കുവാനും, കണക്ടിവിറ്റിയെ മെച്ചപ്പെടുത്താനും സാധിക്കുമെന്ന് പ്രധാനമന്ത്രി പറഞ്ഞു. സര്‍ക്കാരിന്റെ ചിന്തകളും കാഴ്ച്ചപ്പാടുകളും മാറിയതിന്റെ തെളിവാണ് ഈ വിമാനത്താവളം. എന്‍ഡിഎ സര്‍ക്കാര്‍ അടിസ്ഥാന സൗകര്യ വികസനത്തിനാണ് പ്രാധാന്യം നല്‍കുന്നതെന്ന് മോദി പറഞ്ഞു.
രാജ്യത്തെ ചെറുനഗരങ്ങളിലേക്ക് പോലും വിമാന സര്‍വീസുകള്‍ എത്തിക്കാന്‍ സര്‍ക്കാരിന് സാധിച്ചെന്ന് മോദി അവകാശപ്പെട്ടു. നോര്‍ത്ത് ഗോവയിലെ മോപ്പയിലാണ് ഈ വിമാനത്താവളം നിര്‍മിച്ചിരിക്കുന്നത്. 2870 കോടി ചെലവിട്ടാണ് ഈ വിമാനത്താവളത്തിന്റെ നിര്‍മാണം. ദാബോലിമില്‍ ഇപ്പോള്‍ തന്നെ ഒരു വിമാനത്താവളമുണ്ട്.
അതിന് പുറമേയാണ് പുതിയതായി ഒന്ന് വന്നിരിക്കുന്നത്. 44 ലക്ഷം യാത്രക്കാരെ ഒരു വര്‍ഷം ഉള്‍ക്കൊള്ളാന്‍ വിമാനത്താവളത്തിന് സാധിക്കും. ആദ്യ ഘട്ടത്തിലാണ് ഇത്രയും ആളുകളെ ഉള്‍ക്കൊള്ളുക. പിന്നീട് ഇത് ഉയര്‍ത്തും.
പിന്നീടുള്ള ഘട്ടങ്ങളില്‍ യാത്രക്കാരെ ഉള്‍ക്കൊള്ളുന്നത് ഒരു കോടിയായി മാറ്റും. ഒരു വര്‍ഷത്തിന് ശേഷം പദ്ധതി പൂര്‍ത്തിയായതിന് ശേഷമാണ് ഈ രീതിയിലേക്ക് മാറുക. ദാബോലിം വിമാനത്താവളത്തില്‍ വര്‍ഷത്തില്‍ 85 ലക്ഷം യാത്രക്കാരെ ഉള്‍ക്കൊള്ളാനുള്ള ശേഷിയുണ്ടായിരുന്നു. എന്നാല്‍ കാര്‍ഗോ ട്രാന്‍സ്‌പോര്‍ട്ടേഷന് ഇവിടെ സംവിധാനമില്ലായിരുന്നു.
എന്നാല്‍ പുതിയ വിമാനത്താവളത്തില്‍ ഇതിനുള്ള സൗകര്യമുണ്ട്. അതേസമയം ടൂറിസത്തിനും, മോപ്പയുടെ സമ്പദ് മേഖലയ്ക്കും വലിയ ഉണര്‍വ് ഈ വിമാനത്താവളം സമ്മാനിക്കും. നോര്‍ത്ത് ഗോവ നേരത്തെ തന്നെ ടൂറിസത്തിന് പേരുകേട്ട സ്ഥലമാണ്.
ഇത് തനിക്ക് സന്തോഷിക്കാനുള്ള നിമിഷമാണ്. പിതാവിന്റെ പേരില്‍ വിമാനത്താവളം നിര്‍മിച്ചത് അഭിമാനിക്കാവുന്ന കാര്യമാണെന്നും മനോഹര്‍ പരീക്കറിന്റെ മകന്‍ ഉത്പല്‍ പരീക്കര്‍ പറഞ്ഞു. 2016 നവംബറിലാണ് പ്രധാനമന്ത്രി ഈ വിമാനത്താവളത്തിന്റെ തറക്കല്ലിട്ടത്.
ത്രീഡി മോണോലിഥിക് പ്രീകാസ്റ്റ് ടെക്‌നോളജി ഉപയോഗിച്ചാണ് എവിയേഷന്‍ സ്‌കില്‍ ഡെവലെപ്‌മെന്റ് നിര്‍മാണം നടത്തിയിരിക്കുന്നതെന്ന് ജിഎംആര്‍ ഗോവ അറിയിച്ചു. ഇവിടെ പോലീസ് സ്‌റ്റേഷനും നിര്‍മിച്ചത് ഇതേ രീതിയിലാണ്. പെട്ടെന്നുള്ള ചെക്ക് ഇന്നുകളും സാധ്യമാക്കാന്‍ ഇവിടെ സാങ്കേതിവിദ്യയുണ്ട്.
